Tíntɔ́n 11:3 - MAWUXÓWÉMA

³ Mawu Mavɔmavɔ bló bɔ Ejípunu lɛ́ɛ yí wǎn nú Izlayɛ́li ví lɛ́ɛ káká bɔ Mɔyízi ɖésúnɔ ɔ́, è nɔ ɖó sísí n'i ɖésú ɖo Ejípu to ɔ́ mɛ: axɔ́sú ɔ́ sín gǎn hɔn-yitɔ́ lɛ́ɛ kpó togun ɔ́ bǐ kpó wɛ nɔ́ ɖó sísí n'i.

Tíntɔ́n 11:3 Iomraidhean Croise

Bǐbɛ́mɛ 12:2

Un ná zé we dó bló akɔta ɖaxó ɖokpó ná, bó ná xo ɖɛ dó jǐ towe. Un ná bló bɔ nyǐkɔ towe ná yi jǐ, bɔ a nǎ nyí nyɔ̌ná nú mɛ ɖě lɛ́ɛ bǐ.

Bǐbɛ́mɛ 39:21

có Mawu Mavɔmavɔ ɖo kpɔ́ xá ɛ, bó kɔn nyɔ̌ná tɔn dó jǐ tɔn. Mawu Mavɔmavɔ bló bɔ gankpácɔ́tɔ́ ɔ́ yí wǎn nú Jozɛ́fu.

2 Samuwɛ́li 7:9

Un nɔ kpɔ́ xá we ɖo fí e a gbɔn lɛ́ɛ bǐ; un vívá kɛntɔ́ towe lɛ́ɛ sín kún ɖo nukún towe mɛ; un zé nyǐkɔ towe su gǎn e ɖo ayǐkúngban ɔ́ jí lɛ́ɛ ɖɔhun.

Ɛsitɛ́ɛ 9:4

Đó Maadocée ɖó acɛ ɖo axɔ́sú ɔ́ sín xwé gbe, bɔ nyǐkɔ tɔn gba kpé tokpɔn lɛ́ɛ bǐ mɛ. Ayǐhɔ́ngbe ayǐhɔ́ngbe ɔ́, acɛ nɔ ɖo acɛ jí jɛ nú Maadocée wɛ.

Ɖɛhan 106:46

Énɛ́ ɔ́, Mawu bló bɔ mɛ e wlí kannumɔ yětɔn lɛ́ɛ bǐ kú nǔbláwǔ nú yě.

Tíntɔ́n 12:35

Izlayɛ́li ví lɛ́ɛ kó bló nǔ e Mɔyízi ɖɔ nú yě ɖ'ayǐ lɛ́ɛ: yě kó byɔ́ nǔ e è sɔ́ kpatágan dó bló ná lɛ́ɛ kpó sikánú lɛ́ɛ kpó, kpódó avɔ kpó Ejípunu lɛ́ɛ.

Tíntɔ́n 12:36

Mawu Mavɔmavɔ ko bló bɔ Ejípunu lɛ́ɛ kó nyɔ́ xomɛ dó Izlayɛ́li ví lɛ́ɛ wú, bó kó ná nǔ e yě byɔ́ lɛ́ɛ yě. Izlayɛ́li ví lɛ́ɛ vɔ Ejípunu lɛ́ɛ bǐ.

Tíntɔ́n 3:21

Un ná lɛ́ bló bɔ Ejípunu lɛ́ɛ ná nyɔ́ xomɛ dó mi wú, bɔ mi sɔ́ nǔ bó ná yi ɔ́, mi ná zɔn agbǎ ǎ.

Ezayíi 60:14

Mɛ e dó ya nú we ɖ'ayǐ lɛ́ɛ ɔ́, vǐ yětɔn lɛ́ɛ ná wá dó kɔ do ɖo gɔ̌n towe; mɛ e hu tɛ́ nú we ɖ'ayǐ lɛ́ɛ bǐ ná wá jɛ kpo ɖo akɔ́n towe mɛ, bó ná nɔ́ ylɔ́ we ɖɔ: ‘Toxo Mawu Mavɔmavɔ tɔn’, ‘Sinyɔ́ɔ mɛ mímɛ́ Izlayɛ́li tɔn ɔ́ tɔn.’

Mɛsɛ́dó 7:22

Fínɛ́ wɛ é yí nǔnywɛ́ Ejípunu lɛ́ɛ tɔn bǐ ɖe, bó lí dǒ ɖo xóɖiɖɔ kpódó nǔwiwa kpó mɛ.

Sɛ́nflínmɛ 34:10

È sɔ́ mɔ gbeyíɖɔ Mɔyízi tɔn ɖɔhun ɖěbǔ ɖo Izlayɛ́li ǎ. Mawu Mavɔmavɔ kpó é kpó nɔ́ kpé nu bó nɔ́ ɖɔ xó.

Sɛ́nflínmɛ 34:11

Mawu Mavɔmavɔ sɛ́ ɛ dó Ejípu bɔ é bló nǔjíwǔ gěgé ɖo Ejípu xɔ́sú ɔ́ kpó gǎn hɔn-yitɔ́ tɔn lɛ́ɛ kpó togun tɔn bǐ kpó nukɔn.

Jozuwée 4:14

Gbe énɛ́ gbe ɔ́, Mawu Mavɔmavɔ sɔ́ acɛkpikpa Jozuwée tɔn jínjɔ́n ayǐ ɖo Izlayɛ́li ví lɛ́ɛ bǐ tɛ́ntin, bɔ yě ɖó sísí n'i ɖo gbɛzán tɔn bǐ mɛ, lě e yě ɖó sísí nú Mɔyízi gbɔn é.

Nǔɖexlɛ́mɛ 3:9

Mɛ e ɖo Satáan sín kplɔ́ngbasá lɛ́ɛ ɔ́, yě mɛ adingbannɔ énɛ́ lɛ́ɛ e nɔ ɖɔ émí nyí Jwifu, bó ma ka nyí ǎ lɛ́ɛ ɔ́, nǔ e un ná wa xá yě ɔ́ ɖíe: un ná dɔn yě gǎnnugǎnnu, bɔ yě ná wá jɛ kpo ɖo nukɔn towe, bó ná wlí yɛ̌yi nú we. Yě ná tunwun ɖɔ un yí wǎn nú we.