Tíntɔ́n 11:2 - MAWUXÓWÉMA

² Đɔ xó nú togun ɔ́, bónú súnnu ɖokpó ɖokpó ní byɔ́ nǔ e è sɔ́ kpatágan dó bló ná lɛ́ɛ kpó sikánú lɛ́ɛ kpó súnnu e ɖo xwé tɔn kpá lɛ́ɛ. Nyɔ̌nu ɖokpó ɖokpó ní byɔ́ nǔ énɛ́ lɛ́ɛ nyɔ̌nu e ɖo xwé tɔn kpá é.”

Tíntɔ́n 11:2 Iomraidhean Croise

Bǐbɛ́mɛ 24:53

bó ɖe nǔ e è sɔ́ kpatágan dó bló ná lɛ́ɛ, ée è sɔ́ siká dó bló ná lɛ́ɛ, kpódó avɔ kpó tɔ́n, bó ná Hlebeka; é lɛ́ ná nǔ Hlebeka sín nɔví kpó nɔ tɔn kpó bɔ é fɛ́ wǔ.

Bǐbɛ́mɛ 31:9

Énɛ́ ɔ́, Mawu yǐ tɔ́ mitɔn sín kanlin lɛ́ɛ bó ná mì.

Ɖɛhan 105:37

É ɖe togun tɔn tɔ́n; kpatágan kpó siká kpó sín agban wɛ yě dǒ bó tɔ́n; mɛ e ɖo akɔta tɔn lɛ́ɛ mɛ lɛ́ɛ ɖě nɔ gǔdo ǎ.

Ɖɛhan 24:1

Davídi sín han. Mawu Mavɔmavɔ tɔn wɛ nyí ayǐkúngban ɔ́ kpó ayǐkúngban dɔkun lɛ́ɛ kpó. É tɔn wɛ nyí gbɛ ɔ́ kpó gbɛtɔ́ e ɖo gbɛ ɔ́ mɛ lɛ́ɛ kpó.

Tíntɔ́n 3:21

Un ná lɛ́ bló bɔ Ejípunu lɛ́ɛ ná nyɔ́ xomɛ dó mi wú, bɔ mi sɔ́ nǔ bó ná yi ɔ́, mi ná zɔn agbǎ ǎ.

Tíntɔ́n 3:22

Izlayɛ́li nyɔ̌nu lɛ́ɛ ɖokpó ɖokpó ná byɔ́ nǔ e è sɔ́ kpatágan dó bló ná lɛ́ɛ, bó ná byɔ́ sikánú kpó nǔzínzán kpó nyɔ̌nu e ɖo xwé yětɔn kpá lɛ́ɛ, kpó ée ɖo xwé yětɔn gbe lɛ́ɛ kpó; mi ná dó agban tɔn nú vǐ mitɔn súnnu kpó nyɔ̌nu kpó. Énɛ́ ɔ́, mi ná vɔ Ejípunu lɛ́ɛ.”

Tíntɔ́n 32:24

Bɔ un ɖɔ nú yě ɖɔ mɛ e ɖó siká lɛ́ɛ ní bɛ́ wá, bɔ yě bɛ́ nú mì, bɔ un bɛ́ kɔn nyi myɔ mɛ bɔ é húzú nyibúví élɔ́.”

Tíntɔ́n 35:22

Súnnu kpó nyɔ̌nu kpó wɛ wá; yě mɛ e ɖó jlǒ ɖagbe lɛ́ɛ bǐ wɛ hɛn nǔ e è nɔ sɔ́ ɖó awu wú lɛ́ɛ, tógbé lɛ́ɛ, alɔgan lɛ́ɛ kpódó kɔjɛ́ lɛ́ɛ kpó wá nú Mawu Mavɔmavɔ. Nǔ é nɛ́ lɛ́ɛ bǐ wɛ nyí sikánú. Mɛ ɖokpó ɖokpó nɔ́ sɔ́ jó lě e è nɔ bló gbɔn bó nɔ́ sɔ́ nǔ jó nú Mawu Mavɔmavɔ é.

Nǔnywɛ́xó 13:22

Đagbewatɔ́ nɔ́ ɖu nǔ kpo nú vǐvú tɔn lɛ́ɛ; hwɛhutɔ́ sín dɔkun ka ná wá jɛ hwɛjijɔnɔ sín alɔ mɛ.

Ajée 2:8

Đó akwɛ́ kpó siká kpó e ɖo gbɛ ɔ́ mɛ ɔ́ bǐ ɔ́, ce wɛ.

Matíe 20:15

Un sixú sɔ́ akwɛ́ ce dó wa nǔ e jló mì ɔ́ ná ǎ cé? Wǔhwan wɛ a ɖe a? Un sɔ́ akwɛ́ ce dó wa ɖagbe ná ɔ́, hwɛ wɛ nyí bɔ un hu a?’ ”