Tíntɔ́n 11:10 - MAWUXÓWÉMA

¹⁰ Mɔyízi kpó Aalɔ́ɔn kpó jlɛ́ nǔ énɛ́ lɛ́ɛ bǐ ɖo axɔ́sú Ejípu tɔn ɔ́ nukún mɛ, lo ɔ́, Mawu Mavɔmavɔ bló bɔ axɔ́sú ɔ́ lɛ́ tlí tó, bó gbɛ́ ɖɔ Izlayɛ́li ví lɛ́ɛ kún ná yi ó.

Tíntɔ́n 11:10 Iomraidhean Croise

Jɔ̌bu 9:4

Mawu wɛ ɖó nǔnywɛ́; hlɔ̌nhlɔ́n tɔn d'agba; mɛ̌ wɛ sixú li za xá Mawu bó tɔ́n wǔɖíɖí aji ɖɔhun?

Tíntɔ́n 10:20

Lo ɔ́, Mawu Mavɔmavɔ bló bɔ axɔ́sú ɔ́ lɛ́ tlí tó bó gbɛ́ ɖɔ Izlayɛ́li ví lɛ́ɛ kún ná yi ó.

Tíntɔ́n 10:27

Mawu Mavɔmavɔ bló bɔ axɔ́sú ɔ́ lɛ́ tlí tó bó sɔ́ ba ná jó yě dó nú yě ná yi ǎ.

Tíntɔ́n 12:1

Mawu Mavɔmavɔ ɖɔ nú Mɔyízi kpó Aalɔ́ɔn kpó ɖo Ejípu ɖɔ:

Tíntɔ́n 3:19

Nyɛ ka tunwun ganjí ɖɔ axɔ́sú ɔ́ kún ná jó mi dó bɔ mi ná yi ó, è na bó hɛn ɛ syɛ́nsyɛ́n ɔ́, é ná jó mi dó ǎ.

Tíntɔ́n 4:21

Mawu Mavɔmavɔ ka lɛ́ ɖɔ n'i ɖɔ: “A lɛ̌ kɔ yi Ejípu hǔn, ɖǒ ayi nǔjíwǔ e un ná we bɔ a nǎ bló lɛ́ɛ bǐ jí. A nǎ jlɛ́ nǔ énɛ́ lɛ́ɛ ɖo axɔ́sú Ejípu tɔn ɔ́ nukún mɛ. Nyɛ ka ná zɔ́n bɔ é ná tlí tó, bó ná jó togun ɔ́ dó bɔ é ná yi ǎ.

Tíntɔ́n 7:3

Nyɛ ɔ́, un ka ná zɔ́n bɔ axɔ́sú Ejípu tɔn ɔ́ ná tlí tó bɔ un ná ɖo nǔjíwǔ ce lɛ́ɛ kpó nǔdábaɖa ce lɛ́ɛ kpó ɖe tɔ́n wɛ ɖě jɛ ɖě gúdo, ɖo to tɔn mɛ.

Tíntɔ́n 9:12

Lo ɔ́, Mawu Mavɔmavɔ zɔ́n bɔ axɔ́sú ɔ́ lɛ́ tlí tó; é wa nǔ e Mɔyízi kpó Aalɔ́ɔn kpó ɖɔ ɔ́ ǎ, lě e Mawu Mavɔmavɔ kó ɖɔ gbɔn nú Mɔyízi ɖ'ayǐ é.

Ezayíi 63:17

Mawu Mavɔmavɔ, étɛ́wú a ká jó mǐ dó bɔ mǐ ɖo flúflú wɛ ɖo zɔ nú ali towe? Étɛ́wú a ka jǒ mǐ dó bɔ mǐ sú ayi mǐtɔn sín hɔn dó we, bó gbɛ́ ɖɔ mǐ kún sɔ́ ná ɖó sísí nú we ó? Mawu Mavɔmavɔ wǎ, ɖó wǎn yíyí e a ɖǒ nú mǐ mɛ e nyí mɛsɛntɔ́ towe lɛ́ɛ wútu; mǐ mɛ e nyí togun towe lɛ́ɛ wútu.

Jǎan 12:40

“Mawu va nukún yě, nú yě má mɔ nukúnnú ó; é cyɔ́n nǔ ayi yětɔn jí, nú yě ma mɔ nukúnnú jɛ nǔ mɛ ó. Mawu ɖɔ: ‘Un bló mɔ̌, bónú yě ma lɛ́ kɔ wá gɔ̌n ce nú má gbɔ azɔn nú yě ó.’ ”

Hlɔ̌manu 9:18

Énɛ́ ɔ́, Mawu nɔ kú nǔbláwǔ nú mɛ e jló e ɔ́, bó nɔ bló bɔ mɛ e é jló ɖɔ é ní tlí tó ɔ́ nɔ húzú tótlítɔ́.

Hlɔ̌manu 9:22

Étɛ́ è ka ná ɖɔ dó Mawu wǔ? É jló ná ɖe xomɛsin tɔn xlɛ́, bó ná bló bɔ è nǎ tunwun hlɔ̌nhlɔ́n tɔn. Énɛ́ ɔ́, gbɛtɔ́ e cí zɛ̌n e è nɔ zán nú nǔ yǎyá lɛ́ɛ ɖɔhun bɔ Mawu ɖó ná sin xomɛ dó, bó ɖo gbesisɔ mɛ, bó ná sú kún yětɔn dó lɛ́ɛ ɔ́, é ɖó sɔxwixwe ɖaxó, bó yí gbe bɔ yě nɔ kɔ jí n'i.

Sɛ́nflínmɛ 2:30

Lo ɔ́, axɔ́sú Sihɔ́ni ná gbe mǐ, bónú mǐ nǎ gbɔn to tɔn mɛ dín ǎ, ɖó Mawu Mavɔmavɔ, Mawu mǐtɔn hɛn ayixa tɔn syɛ́n bǐ dégbédégbé, bónú mi ná sixú yí to tɔn e mɛ mi ɖe égbé din é.

Jozuwée 11:20

Đó Mawu Mavɔmavɔ ná ta syɛ́nsyɛ́n to énɛ́ ɔ́ mɛ nu lɛ́ɛ ɖɔ yě ní fun ahwan xá Izlayɛ́li ví lɛ́ɛ. Mawu Mavɔmavɔ bló mɔ̌, nú Izlayɛ́li ví lɛ́ɛ ná hu yě ma kú nǔbláwǔ yětɔn, bó vɔ yě bǐ sésé, lě e Mawu Mavɔmavɔ ɖésú kó ɖɔ gbɔn nú Mɔyízi ɖ'ayǐ é.

1 Samuwɛ́li 6:6

Mi ma tlí tó Ejípunu lɛ́ɛ kpó Ejípu xɔ́sú ɔ́ kpó ɖɔhun ó. Ée yědɛɛ lɛ́ɛ tlí tó mɔ̌ ɔ́, Mawu dɔn tó tɛnmɛ tɛnmɛ lɛ́ɛ nú yě, bɔ yě gbɔ bó wá jó Izlayɛ́li ví lɛ́ɛ dó bɔ yě yi.