Tíntɔ́n 11:1 - MAWUXÓWÉMA

¹ Mawu Mavɔmavɔ ko ɖɔ nú Mɔyízi ɖ'ayǐ ɖɔ: “Un ná ɖɔ bɔ nǔ nyanya ɖokpó ná lɛ́ jɛ dó axɔ́sú Ejípu tɔn ɔ́ kpó Ejípu to ɔ́ kpó jí; énɛ́ ɔ́ gúdo ɔ́, é ná jó mi dó bɔ mi ná gosín fí. Nya wɛ é ná nya mi sín fí bǐ gbídígbídí lɔ.

Tíntɔ́n 11:1 Iomraidhean Croise

Bǐbɛ́mɛ 15:14

Lo ɔ́, un ná ɖɔ hwɛ xá akɔta e yě ná nyí kannumɔ ná é. Énɛ́ ɔ́ gúdo ɔ́, yě ná tɔ́n sín fínɛ́, bó ná bɛ́ dɔkun gěgé wá yi.

Jɔ̌bu 10:17

A nɔ tɔ́n ahwan mì ɖě jɛ ɖě gúdo, xomɛ e sin dó mì wɛ a ɖe ɔ́ nɔ́ lɛ́ ɖo syɛ́nsyɛ́n d'é jí wɛ; a sɛ́ ahwanfuntɔ́ towe lɛ́ɛ dó mì ɖě jɛ ɖě gúdo.

Tíntɔ́n 12:29

Zǎn vlɔ́ ɖó we, bɔ Mawu Mavɔmavɔ hu nukɔngbéví súnnu e ɖo Ejípu lɛ́ɛ bǐ. É bɛ́ sín axɔ́sú Ejípu tɔn ɔ́ sín nukɔngbéví e ná nɔ tɛn tɔn mɛ ɔ́ jí, káká yi gantɔ́ kpó kanlin kpó sín nukɔngbéví jí.

Tíntɔ́n 3:20

É ka ɖo mɔ̌ có un ná sí te dó to tɔn jí kpó hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ dó to ɔ́ wú, bɔ ado ná hu i bɔ é ná jó mi dó bɔ mi ná yi.

Tíntɔ́n 6:1

Mawu Mavɔmavɔ ɖɔ nú Mɔyízi ɖɔ: “A nǎ mɔ nǔ e un ná wa xá axɔ́sú Ejípu tɔn ɔ́ din é. Un ná ɖe hlɔ̌nhlɔ́n ce xlɛ́ ɛ, bɔ é ná jó Izlayɛ́li ví lɛ́ɛ dó bɔ yě ná yi. Un ná wa nǔ xá ɛ, bɔ é ná nya yě tɔ́n sín to tɔn mɛ.”

Tíntɔ́n 9:14

Đó din tɔn ɔ́, un ná sɛ́ nǔ nyanya e ɖo así ce lɛ́ɛ bǐ dó hwi kpó gǎn hɔn-yitɔ́ towe lɛ́ɛ kpó, kpó togun towe kpó, bónú a nǎ dó tunwun ɖɔ è kún sixú jlɛ́ mì dó mɛ ɖěbǔ wú ɖo ayǐkúngban ɔ́ jí ó.

Levíi ví 26:21

“Ényí mi lɛ́ fɔ́n gǔ dó jǐ ce, bó má ba ná ɖótó mì ǎ ɔ́, un ná dɔn tó nú mi azɔn tɛ́nwe d'é jí, bɔ é ná sɔgbe xá hwɛ e mi hu lɛ́ɛ.

Sɛ́nflínmɛ 4:34

Nǔmɛsɛn tɛ́ ka tíin, bó sí te bó zán hlɔ̌nhlɔ́n bǐ, bó jlɛ́ nǔ, bó wa nǔjíwǔ, bó wa nǔ hu ado, nǔ syɛ́nsyɛ́n bǐ dó yí togun tɔn sín kɛntɔ́ sín acɛ mɛ kpɔ́n? É ɖe kpɔ́n ǎ; lo ɔ́, Mawu Mavɔmavɔ, Mawu mitɔn kɛ́ɖɛ́ wɛ nyí Mawu e yí mi gbɔn mɔ̌ ɖo Ejípu, bɔ mi gosín kannumɔgbénu lě e mi ɖésú mɔ gbɔn kpó nukún mitɔn kpó é.

Nǔɖexlɛ́mɛ 16:9

Yǒzo ɖaxó ɖé fyɔ́ gbɛtɔ́ lɛ́ɛ, bɔ yě nylá nu dó Mawu e ɖó acɛ dó nǔ nyanya mɔ̌hunkɔtɔn lɛ́ɛ jí ɔ́ sín nyǐkɔ wú; yě lɛ́ kɔ sín hwɛ yětɔn lɛ́ɛ gúdo, bó ná kpa susu nú Mawu ǎ.

1 Samuwɛ́li 6:4

Filisitɛ́ɛn lɛ́ɛ ɖɔ: “Hwɛsɔ́kɛmɛ vɔ́ tɛ́ wɛ mǐ ná sá?” Bɔ yě yí gbe nú yě ɖɔ: “Mi ná sɔ́ siká, bó ná dó bló yonutúntún sín akpajlɛ́ atɔ́ɔ́n, bó ná lɛ́ sɔ́ siká dó bló ajaka atɔ́ɔ́n bɔ é ná sɔgbe dó gǎn nabí e ɖo to ɔ́ mɛ é ta, ɖó bǎ ɖokpó ɔ́ wɛ xo mi, bó xo gǎn mitɔn lɛ́ɛ lɔ.