Tíntɔ́n 10:9 - MAWUXÓWÉMA

⁹ Bɔ Mɔyízi yí gbe n'i ɖɔ: “Mǐ mɛ bǐ wɛ ná yi; mǐ ná kplá mɛ wínnyáwínnyá mǐtɔn lɛ́ɛ, mǐ ná kplá nyɔ̌ɖaxóví mǐtɔn lɛ́ɛ, súnnu kpó nyɔ̌nu kpó, lobo ná kplá lɛ̌ngbɔ́ mǐtɔn lɛ́ɛ, kpó nyibú mǐtɔn lɛ́ɛ kpó, ɖó xwe ɔ́, Mawu Mavɔmavɔ tamɛ wɛ mǐ ná yi ɖu dó.”

Tíntɔ́n 10:9 Iomraidhean Croise

Bǐbɛ́mɛ 50:8

Jozɛ́fu sín mɛ lɛ́ɛ bǐ: nɔví tɔn súnnu lɛ́ɛ kpódó tɔ́ tɔn sín mɛ e kpo lɛ́ɛ bǐ kpó xwedó e. Yɔkpɔ́vú lɛ́ɛ kpó kanlin lɛ́ɛ kpó kɛ́ɖɛ́ wɛ è jǒ dó nyi Gocɛ́ni.

Tíntɔ́n 10:10

Axɔ́sú Ejípu tɔn ɔ́ ɖɔ nú yě ɖɔ: “Mawu Mavɔmavɔ ní bó nɔ kpɔ́ xá mi bó. Un ná ná gbe mi bɔ mi kpó hɛ̌nnu mitɔn lɛ́ɛ kpó ná yi nǔgbó. É ɖo wɛn din ɖɔ linlin nyanya wɛ mi ɖó.

Tíntɔ́n 10:26

Nǔ sixú nyí mɔ̌ ǎ. Mǐ ná kplá kanlin mǐtɔn lɛ́ɛ yi, é ná kpo kwín ɖokpó ǎ, ɖó yě mɛ wɛ mǐ ná sɔ́ ɖě ɖe dó sɛn Mawu Mavɔmavɔ, Mawu mǐtɔn ná. Dɔ̌n jɛ́n mǐ ka ná jɛ hwɛ̌ cóbó ná tunwun ée mǐ ná sɔ́ xwlé Mawu Mavɔmavɔ lɛ́ɛ é.”

Tíntɔ́n 12:32

Mi bɛ́ gbɔ̌ mitɔn lɛ́ɛ kpó nyibú mitɔn lɛ́ɛ kpó lě e mi ɖɔ gbɔn é. Mi yi bó byɔ́ ɖagbe nú mì ɖo Mawu mitɔn gɔ́n.”

Tíntɔ́n 12:37

Hwenu e Izlayɛ́li ví lɛ́ɛ ɖo Ejípu ná tɔ́n sín wɛ ɔ́, yě sí te sín Hlamusɛ́si bó ɖidó Sukɔ́tu; yě yi súnnu adɔ̌kpo gban mɔ̌ (600.000), è ka xa yɔkpɔ́vú lɛ́ɛ ǎ.

Tíntɔ́n 12:38

Akɔta tɛnmɛ tɛnmɛ lɛ́ɛ nyi ahwan xwedó yě. Gbɔ̌ kpó nyibú kpó e yě kplá lɛ́ɛ sukpɔ́ ɖésú.

Tíntɔ́n 13:6

Mi ná ɖu wɔ̌xúxú e mɛ è ma dó tɔ́n ǎ é nú azǎn tɛ́nwe; azǎn tɛ́nwegɔ́ ɔ́ gbe ɔ́, è nǎ ɖu xwe dó Mawu Mavɔmavɔ ɔ́ ta mɛ.

Tíntɔ́n 3:18

“Izlayɛ́li ví lɛ́ɛ ná ɖótó we. Bɔ hwi kpó Izlayɛ́li sín tomɛxó lɛ́ɛ kpó ná yi axɔ́sú Ejípu tɔn ɔ́ gɔ́n, bó ná ɖɔ n'i ɖɔ: ‘Mawu Mavɔmavɔ, Mawu mǐ Eblée lɛ́ɛ tɔn ɔ́ tɔ́n dó mǐ jí. Din ɔ́, nǎ gbe mǐ, nú mǐ nǎ ɖi zɔnlin xɔ azǎn atɔn ɖo gbětótló mɛ, bó ná yi sá vɔ̌ nú Mavɔmavɔ Mawu mǐtɔn.’

Tíntɔ́n 5:1

Ée nǔ énɛ́ lɛ́ɛ jɛ gúdo ɔ́, Mɔyízi kpó Aalɔ́ɔn kpó yi axɔ́sú Ejípu tɔn ɔ́ gɔ́n bó ɖɔ n'i ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Jǒ togun ce dó bónú é yi ɖu xwe ɖokpó dó kpa susu nú mì ɖo gbětótló mɛ.’ ”

Tíntɔ́n 5:3

Mɔyízi kpó Aalɔ́ɔn kpó ká yí xó bó ɖɔ: “Mawu mǐ Eblée lɛ́ɛ tɔn ɔ́ tɔ́n dó mǐ jí. Nǎ gbe mǐ nú mǐ ná ɖi zɔnlin xɔ azǎn atɔn ɖo gbětótló mɛ, bó ná yi sá vɔ̌ nú Mawu Mavɔmavɔ, bónú é má zé jɛmɛjí abǐ ahwanfunfun dó hu mǐ ná ó.”

Nǔnywɛ́xó 3:9

Sɔ́ dɔkun towe lɛ́ɛ dó sɔ́ Mawu Mavɔmavɔ su, nǎ ɛ nǔkún nukɔn nukɔntɔn e nyɔ́ ɖo gle towe mɛ lɛ́ɛ.

Nǔnywɛ́tɔ́xó 12:1

Mɛwínnyáwínnyá, flín mɛ e ɖó we ɔ́ ɖo hwenu e a kpo ɖo wǐnnyáwínnyá mɛ é; flín i cóbónú azǎn nyanya lɛ́ɛ ná wá; flín i cóbónú xwe e mɛ a nǎ wa ɖɔ émí kún sɔ́ mɔ gbɛ ɔ́ sín vǐví ɖé ó ɔ́ ná wá.

Kɛ́nsísɔ́ 29:12

Mawu Mavɔmavɔ ɖɔ nú Mɔyízi ɖɔ: “Sun tɛ́nwegɔ́ ɔ́ sín azǎn afɔtɔngɔ́ ɔ́ gbe ɔ́, mi ná kplé bó ná sɛn nyɛ Mawu Mavɔmavɔ. Mi ná wa azɔ̌ kpaa e mi nɔ wa lɛ́ɛ ɖěbǔ gbe énɛ́ gbe ǎ. Xwe wɛ mi ná ɖu dó nyɛ Mawu Mavɔmavɔ ɔ́ tamɛ; azǎn tɛ́nwe wɛ mi ná ɖu xwe ɔ́ xɔ.

Efɛ́zinu 6:4

Vǐtɔ́ lɛ́ɛ mi, mi ma nɔ wa nǔ, bó ná dó dó xomɛsin nú vǐ mitɔn lɛ́ɛ ó; amɔ̌ mi hɛn yě, bó gbɛ́ nǔ nú yě, bó ná kplɔ́n yě lě e Aklúnɔ jló gbɔn é.

Jozuwée 24:15

Nú mi ma ka jló ná sɛn Mawu Mavɔmavɔ ǎ hǔn, mi bo ɖɔ nǔ e mi ná sɛn ɔ́ bɛ́ sín égbé. É sixú nyí vodún e tɔ́gbó mitɔn lɛ́ɛ sɛn ɖ'ayǐ ɖo Efláti tɔ ɔ́ gúdo lɛ́ɛ; é ká sixú nyí vodún e Amɔliti e mɛ mi ɖe lɛ́ɛ nɔ sɛn lɛ́ɛ é. Amɔ̌, nyɛ kpó xwédo ce kpó ɔ́, Mawu Mavɔmavɔ wɛ mǐ ná sɛn.”