Tíntɔ́n 10:7 - MAWUXÓWÉMA

⁷ Bɔ gǎn hɔn-yitɔ́ lɛ́ɛ kanbyɔ́ axɔ́sú ɔ́ ɖɔ: “Káká jɛ hwetɛ́nu wɛ nya élɔ́ ná ɖó mɔ nú mǐ yi jɛ? Jǒ mɛ lɛ́ɛ dó nú yě ní yi sɛn Mawu Mavɔmavɔ, Mawu yětɔn. A mɔ ɖɔ Ejípu to ɔ́ ɖo kún sú dó wɛ a cé?”

Tíntɔ́n 10:7 Iomraidhean Croise

Ɖɛhan 107:34

é wɛ nɔ́ sɔ́ to e sín ayǐkúngban nɔ hwán nǔ ɔ́ dó húzú ayǐkúngban jɛvɛ́jɛvɛ́, ɖó adǎka e to ɔ́ mɛ nu lɛ́ɛ nɔ́ xo é wú.

Tíntɔ́n 12:33

Ée axɔ́sú ɔ́ ɖɔ mɔ̌ ɔ́, Ejípunu lɛ́ɛ jɛ cɔcɔ dó nú Izlayɛ́li ví lɛ́ɛ jí ɖɔ yě ní yá wǔ gosín to émítɔn mɛ, ɖó yě mɔ ɖɔ émí mɛ bǐ wɛ ɖo nǎ kú wɛ.

Tíntɔ́n 23:33

Mi ná lɔn bɔ yě ná nɔ to mitɔn mɛ ǎ, yě táá wá dɔn mi, bónú mi ná hu hwɛ dó mì. Mi táá wá sɛn vodún yětɔn lɛ́ɛ, bɔ é ká ná nyí mɔ nú mi.”

Tíntɔ́n 7:5

Hwenu e alɔ ce ná jɛ Ejípunu lɛ́ɛ wú, bɔ un ná ɖe Izlayɛ́li ví lɛ́ɛ tɔ́n sín yě mɛ ɔ́, Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 8:19

Un ná bló bɔ vogbingbɔn ɖé ná tíin ɖo togun ce kpó togun towe kpó tɛ́ntin. Sɔ wɛ nǔ énɛ́ ɔ́ ná jɛ.’ ”

Nǔnywɛ́xó 29:6

Nǔ e dó sin wɛ mɛdídá nɔ́ ɖe ɔ́ wɛ nyí mɔ bɔ é nɔ́ jɛ mɛ; lo ɔ́, hwɛjijɔnɔ lɛ́ɛ nɔ́ ɖo awǎjijɛ mɛ, bó nɔ́ ɖo we ɖú wɛ.

Nǔnywɛ́tɔ́xó 7:26

Un ka wá mɔ nǔɖé: un mɔ ɖɔ nyɔ̌nu e ayixa tɔn nyí gɛ̌ bó nyí fɛ́ca, bɔ awa tɔn lɛ́ɛ nyí gɛdɛ é. A jɛ nyɔ̌nu mɔ̌hun sín alɔ mɛ ɔ́, é ná vlɛ́ nu nú we hú kú. Mɛ e nyɔ́ Mawu nukún mɛ ɔ́ nɔ́ gló e; mɛ e ka nyí hwɛhutɔ́ ɔ́ nɔ́ jɛ fɛn tɔn mɛ.

Ezayíi 14:20

Hwɛ ɔ́, è nǎ ɖi we lě e è ɖi axɔ́sú ɖě lɛ́ɛ gbɔn é ǎ, ɖó a gba to towe, a hu togun towe. Mɛ ɖé sɔ́ ná ɖo yiyi wɛ, bó ylɔ́ kún baɖabaɖa e mɛ a tɔ́n sín ɔ́ sín nyǐkɔ gbeɖé kpɔ́n ǎ.

Ezayíi 51:9

Mawu Mavɔmavɔ, fɔ́n, yǎ wǔ fɔ́n! Đe hlɔ̌nhlɔ́n towe xlɛ́! Fɔ́n lě e a fɔ́n gbɔn ɖ'ayǐ é, lě e a fɔ́n gbɔn xóxó hwenu é! É má nyí hwi wɛ hu Hlaxávu a? É má nyí hwi wɛ hu nǔdábaɖa xu mɛ tɔn ɔ́ a?

Jelemíi 48:4

Mɔwabu to ɔ́ gba hánnyá. Xó e sú wɛ Mɔwabunu lɛ́ɛ ɖe ɔ́, è nɔ se ɖo káká Sowáa.

Jelemíi 51:8

Tlóló kpowun ɔ́, Babilɔ́nu j'ayǐ bó gba hánnyá. Énɛ́ ɔ́, mɛ ɖé lɛ́ɛ ɖɔ: “Mi dó gbɛvíhan dó jǐ tɔn; mi sɔ́ nǔ bó blá akpa n'i. Bóyá é sixú gán.”

Sofoníi 1:18

Azǎn e gbe Mawu Mavɔmavɔ ná ɖo xomɛsin jí é ɔ́, kpatágan yětɔn sixú hwlɛ́n yě gán ǎ, siká yětɔn ká sixú hwlɛ́n yě gán ǎ. Wǔhwan Mawu Mavɔmavɔ tɔn ná sɛ́ myɔ ɖɔhun, bó ná dó to ɔ́ bǐ zo, bó ná vívá gbɛtɔ́ e ɖo to ɔ́ mɛ lɛ́ɛ bǐ sín kún; é ná vívá bɔ é ná vɛ́ jlɛ́.

1 Kɔlɛ́ntinu 7:35

Đagbe mitɔn wú wɛ un ɖɔ mɔ̌; mɔ̌ wɛ mi ná bló gbɔn dandan wú wɛ un ɖɔ mɔ̌ ǎ; un jló ɖɔ mi ní zán gbɛ mitɔn lě e é jɛ xá gbɔn é, bó ka ɖó kan dó Aklúnɔ sín azɔ̌ ɔ́ wú bǐ gbídígbídí.

Jozuwée 23:13

mi bo tunwun ganjí ɖɔ Mawu Mavɔmavɔ, Mawu mitɔn kún sɔ́ ná nɔ nya yě ɖo nukɔn mitɔn ɖě ó. Hwenɛ́nu ɔ́, yě ná húzú mɔ, bó ná húzú fɛ́ca nú mi. Yě ná bló bɔ mi ná mɔ wǔvɛ́ ɖi bǎ sɛ́n dó nɛgbé nú mi wɛ è ɖe ɖɔhun, abǐ wun wɛ ɖo nukún tɔ́n mi wɛ ɖɔhun. Nǔ ná ɖo mi xá wɛ mɔ̌ káká bɔ mi bǐ ná vɔ sín ayǐkúngban ɖagbe ɖagbe élɔ́ e Mawu Mavɔmavɔ, Mawu mitɔn ná mi ɔ́ jí.

1 Samuwɛ́li 18:21

Sawúlu nɔ ko ɖɔ dó ayi mɛ ɖɔ: “Un ná sɔ́ Mikali da nú Davídi, bɔ é ná nyí mɔ ɖokpó n'i, bɔ Filisitɛ́ɛn lɛ́ɛ ná kpé wǔ tɔn.” Lo ɔ́, Sawúlu wá ɖɔ nú Davídi azɔn wegɔ́ ɔ́ ɖɔ: “É jló mì ma ná vǐ ce ɖokpó we bónú a nǎ da.”

1 Samuwɛ́li 5:11

Bɔ yě ylɔ́ gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ kplé bó ɖɔ: “Mi lɛ́ kɔ nú Mawu Izlayɛ́li tɔn sín akɔjijɛgbá ɔ́ sɛ́ dó Izlayɛ́li, bónú é yi nɔ tɛn tɔn mɛ, bó má wá hu mǐ kpó togun mǐtɔn kpó ó. Đó xɛsi ɖaxó ɖé ɖo to ɔ́ bǐ jí.” Mawu sín alɔ ɖo yě wú jɛ wɛ mɔ̌hunkɔtɔn.