Tíntɔ́n 10:4 - MAWUXÓWÉMA

⁴ Ényí a gbɛ̌ ɖɔ émí kún ná jó togun ce dó bɔ é ná yi ó ɔ́, é jɛ sɔ ɔ́, un ná dɔn wɛn lɛ́ɛ byɔ́ to towe mɛ.

Tíntɔ́n 10:4 Iomraidhean Croise

Tíntɔ́n 10:3

Mɔyízi kpó Aalɔ́ɔn kpó yi axɔ́sú ɔ́ gɔ́n, bó ɖɔ n'i ɖɔ: “Mawu Mavɔmavɔ, Mawu Eblée lɛ́ɛ tɔn ɔ́ ɖɔ: ‘Káká jɛ hwetɛ́nu wɛ a nǎ gbɛ́ hwiɖée zé hwe ɖo nukɔn ce dó? Jǒ togun ce dó bónú é ní yi sɛn mì.

Tíntɔ́n 10:5

Yě ná kpé ayǐkúngban ɔ́ bǐ jí, bɔ è sɔ́ ná sixú mɔ ayǐkúngban ǎ; yě ná ɖu nǔ e kpo bɔ kɛ́njí má hɛn gblé ǎ lɛ́ɛ bǐ; yě ná ɖu atín e ɖo wǔwú wɛ ɖo gle mitɔn mɛ lɛ́ɛ bǐ.

Tíntɔ́n 4:23

Jǒ vǐ súnnu ce dó ní yi, bó ná yi sɛn mì; é ɖó ɖɔ a gbɛ̌ ǎ. Nú a gbɛ̌ ɖɔ é kún ná yi ó ɔ́, un ná hu vǐ súnnu towe nukɔngbéví towe ɔ́.’ ”

Tíntɔ́n 5:1

Ée nǔ énɛ́ lɛ́ɛ jɛ gúdo ɔ́, Mɔyízi kpó Aalɔ́ɔn kpó yi axɔ́sú Ejípu tɔn ɔ́ gɔ́n bó ɖɔ n'i ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Jǒ togun ce dó bónú é yi ɖu xwe ɖokpó dó kpa susu nú mì ɖo gbětótló mɛ.’ ”

Tíntɔ́n 8:10

Bɔ è bɛ̌ yě kplé ɖó sonu sonu, bɔ wǎn kpé to ɔ́ bǐ mɛ.

Tíntɔ́n 8:23

Hǔn, mǐ ná zun zɔnlin ɖo gbětótló mɛ xɔ azǎn atɔn, bɔ vɔ̌ e Mawu Mavɔmavɔ, Mawu mǐtɔn ná ɖɔ nú mǐ ɔ́, mǐ nǎ sá n'i ɖo fínɛ́.”

Tíntɔ́n 9:18

Énɛ́ ɔ́ wú ɔ́, un ná bló bɔ sɔ ɖo gan élɔ́ mɛ ɔ́, kɛ́njí ná ja ɖésú; sín gbe e gbe è ɖǒ Ejípu to ɔ́ ayǐ káká wá jɛ égbé ɔ́, kɛ́njí mɔ̌hunkɔtɔn kó ja ɖo Ejípu ǎ.

Tíntɔ́n 9:5

É lɛ́ ɖɔ: “Mawu Mavɔmavɔ ɖɔ hwenu e nǔ énɛ́ ɔ́ ná jɛ dó ɔ́, é ɖɔ: ‘Sɔ wɛ un ná jlɛ́ nǔdábaɖa énɛ́ ɔ́ ɖo Ejípu to ɔ́ mɛ.’ ”

Nǔnywɛ́xó 30:27

Bɔkle lɛ́ɛ, axɔ́sú ɖě ɖo yě nu ǎ, yě ká nɔ to yěɖée lyɛ̌ngbe lyɛ̌ngbe bó nɔ́ ɖo yiyi wɛ.

Jowɛ́li 2:25

Jinukún mitɔn e un sɛ́ wɛn lɛ́ɛ, vɛɛn lɛ́ɛ, kle lɛ́ɛ, kpódó wǎnvú lɛ́ɛ kpó nǔvínúvíhwan énɛ́ lɛ́ɛ kpó dó, bɔ yě wǎ hɛn bǐ gblé ɔ́, un ná sú axɔ́ tɔn mi.

Sɛ́nflínmɛ 28:38

Mi ná dó nǔkún gěgé ɖó gle mitɔn mɛ, amɔ̌, wɛn lɛ́ɛ wɛ ná ɖu bǐ, bɔ mi ná mɔ nǔjɔnǔ ɖé ǎ.

Nǔɖexlɛ́mɛ 9:3

Kle lɛ́ɛ tɔ́n sín azizɔ ɔ́ mɛ, bó gba kpé ayǐkúngban ɔ́ jí; è nǎ acɛ yě, bɔ é cí acɛ e hɔnkéklě lɛ́ɛ ɖó é ɖɔhun.