Tíntɔ́n 10:3 - MAWUXÓWÉMA

³ Mɔyízi kpó Aalɔ́ɔn kpó yi axɔ́sú ɔ́ gɔ́n, bó ɖɔ n'i ɖɔ: “Mawu Mavɔmavɔ, Mawu Eblée lɛ́ɛ tɔn ɔ́ ɖɔ: ‘Káká jɛ hwetɛ́nu wɛ a nǎ gbɛ́ hwiɖée zé hwe ɖo nukɔn ce dó? Jǒ togun ce dó bónú é ní yi sɛn mì.

Tíntɔ́n 10:3 Iomraidhean Croise

1 Axɔ́sú 18:21

Ée yě kplé ɔ́, Elíi sɛkpɔ́ yě, bó ɖɔ: “Hwetɛ́nu wɛ mi ka ná sɛn nǔ we yi jɛ? Mi sɔ́ ɖokpó bó sɛn. Ényí Mawu Mavɔmavɔ wɛ ɖó acɛ nǔgbó hǔn, mi bo sɛn ɛ. É ká nyí vodún Baalu wɛ ɖó acɛ nǔgbó hǔn, mi bo sɛn ɛ!” Ée é ɖɔ mɔ̌ ɔ́, mɛɖé kɛ nu ɖo yě mɛ ǎ.

1 Axɔ́sú 21:29

“A mɔ lě e Akábu sɔ́ éɖée hwe gbɔn ɖo nukɔn ce ɔ́ a? Ée é sɔ́ éɖée hwe mɔ̌ ɔ́, un sɔ́ ná kɔn nǔ nyanya dó xwédo tɔn jí hwenu e é ɖo axɔ́sú ɖu wɛ ɔ́ ǎ; lo ɔ́, vǐ tɔn hwenu wɛ nǔ nyanya ɔ́ ná kɔn dó xwédo tɔn jí.”

2 Axɔ́sú 22:19

A se xó e un ɖɔ dó Jeluzalɛ́mu toxo ɔ́ kpó Jeluzalɛ́munu lɛ́ɛ kpó wú é: nǔ e ná xá yě ɔ́ ná syɛ́n káká bɔ è nǎ nɔ́ zé nyǐkɔ yětɔn dó dó nu mɛ. Ée a se mɔ̌ ɔ́, a lɛ̌ kɔ sín nǔ e wa wɛ a ɖe lɛ́ɛ gúdo; a yǐ nǔ e a wa nyi do lɛ́ɛ gbe ɖo nukɔn ce; a vǔn awu dó kɔ nú hwiɖée bó ya avǐ. É nyɔ́! Nyi lɔ se xó e a ɖɔ é. Un ná bló nǔ e ba wɛ a ɖe é. Nyi wɛ ɖɔ mɔ̌ nú we.

2 Tan 33:12

Ée adǎn gbo e mɔ̌ ɔ́, é sú xó ylɔ́ Mawu Mavɔmavɔ, Mawu tɔn, lobo sɔ́ éɖée hwe bǐ, ɖo Mawu e tɔ́gbó tɔn lɛ́ɛ nɔ sɛn ɔ́ nukɔn.

2 Tan 33:19

Đɛ e é xo ɔ́, lě e Mawu yǐ ɖɛ tɔn gbɔn ɔ́, hwɛ e é hu lɛ́ɛ, gbejí e é má nɔ nú Mawu ǎ é, fí e é xo vodúnkpe gbɔn só jí só jí gbɔn lɛ́ɛ, vodún Acela e é tun te é kpódó bǒcyɔ e é tun te, có bó wá yí hwɛ e é hu lɛ́ɛ gbe ɖo Mawu nukɔn lɛ́ɛ kpó ɔ́, è wlǎn bǐ dó “Hozayi sín Tan wéma” ɔ́ mɛ.

2 Tan 34:27

xó e un ɖɔ nú we ɔ́ xo ayi towe zlɛ́, a sɔ́ hwiɖée hwe ɖo Mawu nukɔn hwenu e a se xó e é ɖɔ dó Jeluzalɛ́mu kpó Jeluzalɛ́munu lɛ́ɛ kpó wú é, a sɔ́ hwiɖée hwe ɖo nukɔn ce, bó vún awu dó kɔ nú hwiɖée, bó ya avǐ ɖo nukɔn ce; énɛ́ wú ɔ́, nyi lɔ un se xó towe;

2 Tan 7:14

nú togun ce e wú nyǐkɔ ce ɖe ɔ́ lɛ́ kɔ sín nǔ nyanya e wa wɛ é ɖe lɛ́ɛ gúdo, bó sɔ́ éɖée hwe, bó xo ɖɛ, bó ba mì ɔ́, un ná nɔ jǐxwé dɔ̌n, bó ná ɖótó e; un ná sɔ́ hwɛ tɔn lɛ́ɛ kɛ ɛ, bó ná ɖó nǔ e ɖo jijɛ wɛ ɖo to tɔn mɛ ɔ́ bǐ te.

Jɔ̌bu 42:6

Énɛ́ ɔ́ wú wɛ un jó xó e ɖɔ wɛ un ɖe ɔ́ dó, un jínjɔ́n kɔ́gúdu kpó afín kpó mɛ dó ɖé xlɛ́ ɖɔ un wa nǔ nyi do.

Tíntɔ́n 10:4

Ényí a gbɛ̌ ɖɔ émí kún ná jó togun ce dó bɔ é ná yi ó ɔ́, é jɛ sɔ ɔ́, un ná dɔn wɛn lɛ́ɛ byɔ́ to towe mɛ.

Tíntɔ́n 16:28

Énɛ́ ɔ́, Mawu Mavɔmavɔ ɖɔ nú Mɔyízi ɖɔ: “Káká jɛ hwetɛ́nu wɛ mi ná gɔn nǔ e un ɖɔ lɛ́ɛ wa dó? Káká jɛ hwetɛ́nu wɛ mi ná gɔn sɛ́n ce lɛ́ɛ nyi?

Tíntɔ́n 4:23

Jǒ vǐ súnnu ce dó ní yi, bó ná yi sɛn mì; é ɖó ɖɔ a gbɛ̌ ǎ. Nú a gbɛ̌ ɖɔ é kún ná yi ó ɔ́, un ná hu vǐ súnnu towe nukɔngbéví towe ɔ́.’ ”

Tíntɔ́n 5:1

Ée nǔ énɛ́ lɛ́ɛ jɛ gúdo ɔ́, Mɔyízi kpó Aalɔ́ɔn kpó yi axɔ́sú Ejípu tɔn ɔ́ gɔ́n bó ɖɔ n'i ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Jǒ togun ce dó bónú é yi ɖu xwe ɖokpó dó kpa susu nú mì ɖo gbětótló mɛ.’ ”

Tíntɔ́n 9:17

Káká jɛ din ɔ́, a ɖo nǔ e jló we ɔ́ wa xá togun ce wɛ, bó gbɛ́ ɖɔ émí kún ná jó e dó bɔ é ná yi ó.

Nǔnywɛ́xó 1:22

“Gɔgɔnɔ e mi, káká jɛ hwetɛ́nu wɛ gɔgɔmɛninɔ ná víví nú mi yi jɛ? Mɛcákotɔ́ e mi, káká jɛ hwetɛ́nu wɛ mɛcáko ná víví nú mi yi jɛ? Xlonɔ e mi, káká jɛ hwetɛ́nu wɛ mi ná gbɛ́ wǎn nú nǔtunwuntunwun yi jɛ?

Nǔnywɛ́xó 1:24

Un ylɔ́ mi, mi ka dó tókúse mɛ. Un kɛ alɔ nú mi, mɛɖé ká kpɔ́n jɛ ce jí ǎ.

Nǔnywɛ́xó 18:12

Gbɛtɔ́ bɛ́ goyíyí ɔ́, nǔ tɔn nɔ jɛ gblégblé jí; mɛ e ka sɔ́ éɖée hwe ɔ́, è nɔ sɔ́ ɛ su.

Ezayíi 1:5

Ée mi ka fɔ́n ɔ́, mi nɔ ɖo gǔ fɔ́n wɛ ɔ́, fítɛ́ mi ka jló ɖɔ Mawu ní lɛ́ dó nǔ mi dó? Ta mitɔn bǐ wɛ kó nyí akpa, bɔ ayi mitɔn lɔ ko xo akpa.

Ezayíi 2:11

Mɛ e nɔ́ ɖo éɖée mɔ wɛ ɔ́, è nǎ sɔ́ ɛ hwe, mɛ e nɔ ɖo go yí wɛ ɔ́ ná ɖu winnyá. Mawu Mavɔmavɔ kɛ́ɖɛ́ wɛ è nǎ sɔ́ su gbe énɛ́ gbe.

Jelemíi 13:10

Togun baɖabaɖa wɛ, é nɔ́ gbɛ́ gbe nú mì. Nǔ e é xwe ɔ́ wɛ é nɔ́ wa; é nɔ́ sɛn vodún: é nɔ́ xwlé vɔ̌sánú yě, é nɔ́ ɖe kɔ́ nú yě. Togun nɛ́ ɔ́ ní cí gǒjíblánú élɔ́ ɖɔhun; é má sɔ́ nyí nǔɖé wá nú gbeɖé ó.

Jelemíi 13:18

Mawu ɖɔ nú mì ɖɔ: Jelemíi, ɖɔ nú axɔ́sú ɔ́ kpó na kpɔjitɔ́ ɔ́ kpó ɖɔ: “Mi jínjɔ́n kɔ́ mɛ! Đó jɛ̌gbákún e ɖo ta mitɔn e j'ayǐ.

Jelemíi 50:29

Mi da gǎdatɔ́ lɛ́ɛ bǐ dó Babilɔ́nu wú. Mi ɖó gɔnu lɛ́ lɛ̌ dó Babilɔ́nu, mɛ ɖěbǔ ní ma gló mi ó. Mi sú nǔ e é wa lɛ́ɛ sín axɔ́ ɛ. Mi bló n'i, lě e é nɔ́ bló nú mɛ gbɔn é. Đó é nɔ́ ba hǎ Mawu Mavɔmavɔ, Mawu Izlayɛ́li tɔn.

Ezekiyɛ́li 5:6

Lo ɔ́, Jeluzalɛ́munu lɛ́ɛ gba sɛ́n ce lɛ́ɛ, Jeluzalɛ́munu lɛ́ɛ xwedó nǔ e un zɔ́n lɛ́ɛ ǎ; yě wa nǔ nyanya hú togun e ɖo to e lɛ́ lɛ̌ dó yě lɛ́ɛ mɛ lɛ́ɛ, ɖó yě gbɛ̌ sɛ́n ce lɛ́ɛ kpó nǔ e un zɔ́n lɛ́ɛ kpó.

Daniyɛ́li 5:22

Amɔ̌ hwɛ Bɛlucasáa ɔ́, vǐ tɔn wɛ a nyǐ, bó tunwun nǔ énɛ́ lɛ́ɛ bǐ, cóbó ká zé hwiɖée hwe ǎ.

Kɛ́nsísɔ́ 14:27

“Un se Izlayɛ́li ví lɛ́ɛ ɖo nǔ hlún ɖɔ dó wǔ ce wɛ; káká hwetɛ́nu wɛ un ka ná jó togun baɖabaɖa énɛ́ ɔ́ dó, bɔ é ná hlún nǔ ɖɔ dó wǔ ce yi jɛ?

Hlɔ̌manu 2:4

Abǐ a vɛdó ɖɔ émí ná hu tɛ́ nú xomɛnyínyɔ́ ɖaxó Mawu tɔn ɔ́ kpó sɔxwixwe tɔn kpó, kpódó xomɛfífá tɔn ɖaxó ɔ́ kpó wɛ sín a? Abǐ a tunwun ɖɔ xomɛnyínyɔ́ Mawu tɔn ɖo dindɔn we wɛ nú a na lɛ́ kɔ sín hwɛ towe lɛ́ɛ gúdo ǎ cé?

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Jaki 4:10

Mi sɔ́ miɖée hwe ɖo Aklúnɔ nukɔn, énɛ́ ɔ́ é ná sɔ́ mi su.

1 Piyɛ́ɛ 5:6

Hǔn mi bo hwíhwɛ́ miɖée dó Mawu sín alɔ hlɔ̌nhlɔ́nnɔ ɔ́ glɔ́, bónú é ná sɔ́ mi su hwenu e é ɖó dó é.