Tíntɔ́n 10:2 - MAWUXÓWÉMA

² Énɛ́ ɔ́, a nǎ sixú ɖɔ lě e un wa Ejípunu lɛ́ɛ sín nǔ gbɔn ɔ́ kpódó nǔdábaɖa e un jlɛ́ ɖo tɛ́ntin yětɔn lɛ́ɛ kpó sín xó nú vǐ towe lɛ́ɛ kpó vǐvú towe lɛ́ɛ kpó. Énɛ́ ɔ́, mi ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 10:2 Iomraidhean Croise

2 Samuwɛ́li 7:22

Aklúnɔ, Mawu Mavɔmavɔ ce, a kló ɖésú. È sixú jlɛ́ we dó mɛ ɖěbǔ wú ǎ. Xó e è ɖɔ bɔ mǐ se lɛ́ɛ bǐ ɖe xlɛ́ ɖɔ Mawu ɖěvo kún tíin zɛ hwɛ wú ó.

Ɖɛhan 44:1

Xó lómílómí Kolée ví súnnu lɛ́ɛ tɔn dó han mɛ.

Ɖɛhan 44:2

Mawu, nǔ e a wa ɖ'ayǐ xóxó lɛ́ɛ ɔ́, tɔ́ mǐtɔn lɛ́ɛ wlí ɖɔ bɔ mǐ se kpó tó mǐtɔn kpó.

Ɖɛhan 58:11

Nǔjlɔ́jlɔ́watɔ́ ká ná j'awǎ, ɖó Mawu ná ba hlɔn n'i, é ná lɛ wǔ ɖo mɛdídá lɛ́ɛ sín kanjɔ mɛ.

Ɖɛhan 71:18

Mɔ̌ ɖokpó ɔ́, Mawu ce, hɛn mì káká yi kpikpo hwenu; hwenu e ɖa e ɖo ta ce ɔ́ bǐ ná nyí hwa ɔ́, ma jó mì dó ó; énɛ́ ɔ́, un nǎ ɖɔ lě e a ɖǒ hlɔ̌nhlɔ́n sɔ é nú din ví lɛ́ɛ, un nǎ ɖɔ lě e a kpé nǔ wú gbɔn é nú mɛ e ná wá jɔ sɔ lɛ́ɛ.

Ɖɛhan 78:3

Nǔ e mǐ se ɔ́, nǔ e mǐ tunwun ɔ́, nǔ e sín tan tɔ́ mǐtɔn lɛ́ɛ lɛ́ vɔ́ kpi nú mǐ ɔ́,

Tíntɔ́n 13:14

Ényí vǐ mitɔn lɛ́ɛ kanbyɔ́ mi gbe ɖokpó ɖɔ étɛ́wú wɛ mi nɔ bló mɔ̌ a jí ɔ́, mi ná yí gbe nú yě ɖɔ: ‘Mawu Mavɔmavɔ wɛ ɖe mǐ tɔ́n sín Ejípu kpó hlɔ̌nhlɔ́n tɔn kpó, bɔ mǐ gosín mɛ kannu; mɛɖé nɔ́ nɔ te hlɔ̌nhlɔ́n tɔn nukɔn ǎ.

Tíntɔ́n 14:18

Hwenu e un ná ɖe susu ce xlɛ́ axɔ́sú ɔ́ gbɔn mɔ̌ ɔ́, Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 14:4

Un ná bló bɔ axɔ́sú ɔ́ ná tlí tó; é ná jɛ mi gúdo. Lo ɔ́, un ná hu axɔ́sú ɔ́ kpó ahwangɔnu tɔn lɛ́ɛ bǐ kpó, bó ná dó ɖe susu ce xlɛ́, bɔ Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.” Izlayɛ́li ví lɛ́ɛ bló nǔ e Mawu Mavɔmavɔ ɖɔ é.

Tíntɔ́n 7:17

Énɛ́ ɔ́ wú ɔ́, Mawu Mavɔmavɔ ɖɔ nǔ e ná jlɛ́ wɛ émí ɖe din ɔ́ ná ɖe xlɛ́ we ɖɔ Mawu Mavɔmavɔ wɛ émí nyí. Din ɔ́, kpɔ́n ganjí, un ná zin kpo e ɖo alɔ ce mɛ ɔ́ dó Nilu tɔ ɔ́ mɛ, bɔ é ná húzú kanjɔ.

Tíntɔ́n 7:5

Hwenu e alɔ ce ná jɛ Ejípunu lɛ́ɛ wú, bɔ un ná ɖe Izlayɛ́li ví lɛ́ɛ tɔ́n sín yě mɛ ɔ́, Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 8:6

Bɔ axɔ́sú ɔ́ ɖɔ n'i ɖɔ: “É jɛ sɔ hǔn, bo bló.” Mɔyízi ka ɖɔ n'i ɖɔ: “É nyɔ́; é jɛ sɔ ɔ́, un ná bló bɔ a nǎ tunwun ɖɔ è kún sixú jlɛ́ Mawu Mavɔmavɔ, Mawu mǐtɔn dó mɛ ɖěbǔ wú ó.

Ezayíi 38:19

Mɛ e ɖo gbɛ lɛ́ɛ kɛ́ɖɛ́ jɛ́n hɛn ɔ́, yě ná xo mlá we, lě e un ɖ'é wú gbɔn égbé din é. Mɛjitɔ́ lɛ́ɛ ɖɔ lě e a ɖo gbejí gbɔn é nú vǐ yětɔn lɛ́ɛ.

Ezekiyɛ́li 20:26

Un jó yě dó bɔ yě ɖu su: yě nɔ́ yi dó nukɔngbéví yětɔn súnnu lɛ́ɛ zo dó sá vɔ̌. Un jló bónú nǔ e dó sin wɛ yě ɖe ɔ́ ná ɖó adohu nú yě; énɛ́ ɔ́, yě ná tunwun ɖɔ nyɛ wɛ nyí Mawu Mavɔmavɔ.”

Ezekiyɛ́li 20:28

Un kplá yě yi to e sín akpá un dó nú yě ɔ́ mɛ. Ée yě jɛ dɔ̌n ɔ́, yě mɔ só ɖé abǐ atín ɖé nú é dó ama ɔ́, yě nɔ́ ná nǔɖuɖu vodún yětɔn lɛ́ɛ ɖo fínɛ́, bó nɔ́ dó nǔ wǎnɖagbenɔ zo nú yě, lobo nɔ ba ahan nú yě ɖo fínɛ́, bó nɔ́ dó xomɛsin nú mì.

Jowɛ́li 1:3

Mi kpi tan tɔn nú vǐ mitɔn lɛ́ɛ, bónú vǐ mitɔn lɛ́ɛ ná kpi nú vǐ yětɔn lɛ́ɛ. Vǐ yětɔn lɛ́ɛ ká ná kpi nú vǐ e è nǎ wá ji dó gǔdo yětɔn lɛ́ɛ.

Efɛ́zinu 6:4

Vǐtɔ́ lɛ́ɛ mi, mi ma nɔ wa nǔ, bó ná dó dó xomɛsin nú vǐ mitɔn lɛ́ɛ ó; amɔ̌ mi hɛn yě, bó gbɛ́ nǔ nú yě, bó ná kplɔ́n yě lě e Aklúnɔ jló gbɔn é.

Sɛ́nflínmɛ 4:9

Mɔyízi ɖɔ: “Nǔ ɖokpó e mi ná bló é wɛ nyí ɖɔ mi ná nɔ acéjí, bɔ ayi mitɔn ná ɖo te hwebǐnu, bó má wɔn nǔ e nukún mitɔn lɛ́ɛ mɔ é ó. Mi kplɔ́n yě vǐ mitɔn lɛ́ɛ kpó vǐvú mitɔn lɛ́ɛ kpó.