Tíntɔ́n 10:16 - MAWUXÓWÉMA

¹⁶ Énɛ́ ɔ́, axɔ́sú ɔ́ ylɔ́ Mɔyízi kpó Aalɔ́ɔn kpó tlóló bó ɖɔ nú yě ɖɔ: “Un hu hwɛ dó Mawu Mavɔmavɔ, Mawu mitɔn, bó hu hwɛ dó mi.

Tíntɔ́n 10:16 Iomraidhean Croise

2 Samuwɛ́li 19:20

bó ɖɔ: “Sɛ́mɛɖó, è ma kpɔ́n dó hwɛ e un hu ɔ́ wú ó! È nǐ wɔn agɔ e un jɛ dó mɛ hwenu e mɛ gosín Jeluzalɛ́mu é. È ma zé dó wa nǔ xá mì ó.

2 Samuwɛ́li 24:10

Ée Davídi sɔ́ mɛ lɛ́ɛ sín kɛ́n fó ɔ́, hǔn tɔn jɛ xixo jí, bɔ é ɖɔ nú Mawu Mavɔmavɔ ɖɔ: “Nǔ énɛ́ e un wa ɔ́, hwɛ ɖaxó ɖokpó wɛ un hu dó we. Din ɔ́, Mawu Mavɔmavɔ, kɛnklɛ́n zé hwɛ kɛ mɛsɛntɔ́ towe, ɖó taɖunɔnú ɖésú wɛ un wa.”

2 Samuwɛ́li 24:17

Ée Davídi mɔ wɛnsagun ɔ́ ɖo kún vívá nú togun ɔ́ wɛ é ɔ́, é ɖɔ nú Mawu Mavɔmavɔ ɖɔ: “Nyi wɛ hu hwɛ, hwɛ ce wɛ. Mɛ énɛ́ lɛ́ɛ ɔ́, xomɛvɔ́nɔ wɛ nú yě. Hǔn nyɛ kpó hɛ̌nnumɔ ce lɛ́ɛ kpó wɛ a nǎ dɔn tó ná.”

Tíntɔ́n 8:25

Mɔyízi ka ɖɔ n'i ɖɔ: “Nú un gosín gɔ̌n towe din tlóló ɔ́, un ná sa vo nú Mawu Mavɔmavɔ. É jɛ sɔ ɔ́, é ná bló bɔ hwi kpó gǎn hɔn-yitɔ́ towe lɛ́ɛ kpó, kpó togun towe kpó sɔ́ ná mɔ asɔfin lɛ́ɛ ɖě ǎ. Amɔ̌, è ma sɔ́ blɛ́ mǐ ɖě ó, è ma sɔ́ gbɛ́ ɖě ɖɔ émí kún ná jó togun ɔ́ dó nú é ná yi sá vɔ̌ nú Mawu Mavɔmavɔ ó.”

Tíntɔ́n 8:8

Énɛ́ ɔ́ gúdo ɔ́, Mɔyízi kpó Aalɔ́ɔn kpó tɔ́n sín axɔ́sú ɔ́ xwé. Bɔ Mɔyízi sa vo nú Mawu Mavɔmavɔ ɖɔ é ní hwlɛ́n axɔ́sú ɔ́ ɖo běsé e é sɛ́ dó lɛ́ɛ sí.

Tíntɔ́n 9:27

Bɔ axɔ́sú ɔ́ ylɔ́ Mɔyízi kpó Aalɔ́ɔn kpó bó ɖɔ nú yě ɖɔ: “Din tɔn ɔ́, nyɛ wɛ hu hwɛ; Mawu Mavɔmavɔ wɛ nyí hwɛjijɔnɔ, nyɛ kpó togun ce kpó wɛ wa nǔ nyi do.

Nǔnywɛ́xó 28:13

Mɛ e nɔ sɔ́ hwɛ tɔn hwlá ɔ́ nɔ yi nukɔn ǎ; amɔ̌, mɛ e nɔ ɖɔ hwɛ tɔn lɛ́ɛ, bó nɔ jó dó ɔ́, è nɔ sɔ́ hwɛ tɔn kɛ ɛ.

Kɛ́nsísɔ́ 21:7

Izlayɛ́li ví e kpo lɛ́ɛ fyá wá Mɔyízi gɔ́n, bó ɖɔ n'i ɖɔ: “Mǐ hu hwɛ, ɖó mǐ hlún nǔ ɖɔ dó Mawu Mavɔmavɔ kpó hwi kpó wú; sa vo nú Mawu Mavɔmavɔ, bónú é ná nya dan énɛ́ lɛ́ɛ dó zɔ nú mǐ.” Ée yě ɖɔ mɔ̌ ɔ́, Mɔyízi jɛ vo sa nú Mawu Mavɔmavɔ jí dó Izlayɛ́li ví lɛ́ɛ tamɛ.

Kɛ́nsísɔ́ 22:34

Baláamu ɖɔ nú wɛnsagun Mawu Mavɔmavɔ tɔn ɔ́ ɖɔ: “Un hu hwɛ, ɖó un tunwun ɖ'ayǐ ɖɔ a ɖo nukɔn ce ɖo ali ɔ́ jí ǎ; din ɔ́, nú a ma jló ɖɔ má yi to ɔ́ mɛ ǎ ɔ́, un ná lɛ́ kɔ yi xwé.”

Matíe 27:4

bó ɖɔ: “Un hu hwɛ; nya e un jó nú mi ɔ́, xomɛvɔ́nɔ wɛ.” Yě ká yí gbe n'i ɖɔ: “Étɛ́ wɛ kan mǐ ɖ'é mɛ? Hwi wɛ énɛ́ kan.”

1 Samuwɛ́li 15:24

Ée Samuwɛ́li ɖɔ mɔ̌ ɔ́, Sawúlu ɖɔ: “Un hu hwɛ, un bló nǔ e Mawu Mavɔmavɔ ɖɔ lɛ́ɛ ǎ, un ka bló nǔ e hwi lɔ ɖɔ lɛ́ɛ ǎ. Ahwanfuntɔ́ lɛ́ɛ ɖi xɛsi ná wɛ un ka ɖe, bó gbɔ bó bló nǔ e yě ɖɔ é.

1 Samuwɛ́li 15:30

Sawúlu lɛ́ ɖɔ: “Hwɛ wɛ un hu. Ka kɛnklɛ́n bó sɔ́ mì su ɖo tomɛxó lɛ́ɛ nukɔn, bó sɔ́ mì su ɖo Izlayɛ́li ví lɛ́ɛ nukɔn. Wǎ kplá mì nú má yi ɖe kɔ́ nú Mawu Mavɔmavɔ, Mawu towe.”

1 Samuwɛ́li 26:21

Ée é ɖɔ mɔ̌ ɔ́, Sawúlu sú xó, bó ɖɔ: “Davídi, vǐ ce, wǎ, hwɛ wɛ un hu, un sɔ́ ná wa nǔɖé nú we ǎ, ɖó égbé ɔ́, a ɖǒ sísí nú gbɛ ce. Taɖunɔ ɖɔhun wɛ un wa nǔ; nǔ ɖaxó ɖokpó wɛ un wa nyi do.”