Tíntɔ́n 10:1 - MAWUXÓWÉMA

¹ Mawu Mavɔmavɔ ɖɔ nú Mɔyízi ɖɔ: “Yi axɔ́sú ɔ́ gɔ́n. Nyɛ wɛ zɔ́n bɔ é kpó gǎn hɔn-yitɔ́ tɔn lɛ́ɛ kpó ɖo tó tlí wɛ, bónú má jlɛ́ nǔdábaɖa énɛ́ lɛ́ɛ ɖo tɛ́ntin yětɔn.

Tíntɔ́n 10:1 Iomraidhean Croise

Ɖɛhan 7:11

Mawu wɛ nyí gǎglónú ce; é wɛ nɔ́ hwlɛ́n ayijlɔ́jlɔ́nɔ lɛ́ɛ gán.

Tíntɔ́n 10:20

Lo ɔ́, Mawu Mavɔmavɔ bló bɔ axɔ́sú ɔ́ lɛ́ tlí tó bó gbɛ́ ɖɔ Izlayɛ́li ví lɛ́ɛ kún ná yi ó.

Tíntɔ́n 3:20

É ka ɖo mɔ̌ có un ná sí te dó to tɔn jí kpó hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ dó to ɔ́ wú, bɔ ado ná hu i bɔ é ná jó mi dó bɔ mi ná yi.

Tíntɔ́n 4:21

Mawu Mavɔmavɔ ka lɛ́ ɖɔ n'i ɖɔ: “A lɛ̌ kɔ yi Ejípu hǔn, ɖǒ ayi nǔjíwǔ e un ná we bɔ a nǎ bló lɛ́ɛ bǐ jí. A nǎ jlɛ́ nǔ énɛ́ lɛ́ɛ ɖo axɔ́sú Ejípu tɔn ɔ́ nukún mɛ. Nyɛ ka ná zɔ́n bɔ é ná tlí tó, bó ná jó togun ɔ́ dó bɔ é ná yi ǎ.

Tíntɔ́n 7:4

Axɔ́sú ɔ́ ná ɖótó mi ǎ. Alɔ ce ka ná jɛ to tɔn Ejípu ɔ́ wú, bɔ un ná dɔn tó nú to ɔ́ bɔ é ná syɛ́n ɖésú, bó ná dó ɖe togun ce Izlayɛ́li ɔ́ tɔ́n, é wɛ nyí ahwangɔnu ce.

Tíntɔ́n 9:12

Lo ɔ́, Mawu Mavɔmavɔ zɔ́n bɔ axɔ́sú ɔ́ lɛ́ tlí tó; é wa nǔ e Mɔyízi kpó Aalɔ́ɔn kpó ɖɔ ɔ́ ǎ, lě e Mawu Mavɔmavɔ kó ɖɔ gbɔn nú Mɔyízi ɖ'ayǐ é.

Tíntɔ́n 9:16

Lo ɔ́, un jó we dó nyi gbɛ bó ná ɖe hlɔ̌nhlɔ́n ce xlɛ́ we, lobɔ nyǐkɔ ce ná gba kpé ayǐkúngban ɔ́ bǐ jí.

Tíntɔ́n 9:27

Bɔ axɔ́sú ɔ́ ylɔ́ Mɔyízi kpó Aalɔ́ɔn kpó bó ɖɔ nú yě ɖɔ: “Din tɔn ɔ́, nyɛ wɛ hu hwɛ; Mawu Mavɔmavɔ wɛ nyí hwɛjijɔnɔ, nyɛ kpó togun ce kpó wɛ wa nǔ nyi do.

Jǎan 12:40

“Mawu va nukún yě, nú yě má mɔ nukúnnú ó; é cyɔ́n nǔ ayi yětɔn jí, nú yě ma mɔ nukúnnú jɛ nǔ mɛ ó. Mawu ɖɔ: ‘Un bló mɔ̌, bónú yě ma lɛ́ kɔ wá gɔ̌n ce nú má gbɔ azɔn nú yě ó.’ ”

Hlɔ̌manu 9:17

Mawu ɖɔ nú axɔ́sú Ejípu tɔn ɖo Mawuxówéma ɔ́ mɛ ɖɔ: “Nǔ e wú un sɔ́ we axɔ́sú tawun lɛ́ɛ wɛ nyí ɖɔ un ná ɖe hlɔ̌nhlɔ́n ce xlɛ́ gbɔn jǐ towe; un sɔ́ we axɔ́sú, bónú nyǐkɔ ce ná gba kpé ayǐkúngban ɔ́ bǐ jǐ.”

Hlɔ̌manu 9:18

Énɛ́ ɔ́, Mawu nɔ kú nǔbláwǔ nú mɛ e jló e ɔ́, bó nɔ bló bɔ mɛ e é jló ɖɔ é ní tlí tó ɔ́ nɔ húzú tótlítɔ́.

Jozuwée 11:20

Đó Mawu Mavɔmavɔ ná ta syɛ́nsyɛ́n to énɛ́ ɔ́ mɛ nu lɛ́ɛ ɖɔ yě ní fun ahwan xá Izlayɛ́li ví lɛ́ɛ. Mawu Mavɔmavɔ bló mɔ̌, nú Izlayɛ́li ví lɛ́ɛ ná hu yě ma kú nǔbláwǔ yětɔn, bó vɔ yě bǐ sésé, lě e Mawu Mavɔmavɔ ɖésú kó ɖɔ gbɔn nú Mɔyízi ɖ'ayǐ é.

1 Samuwɛ́li 4:8

Étɛ́ ɖíe ká gbo mǐ e! Mɛ̌ ká ná hwlɛ́n mǐ gán ɖo nǔmɛsɛn hlɔ̌nhlɔ́nnɔ énɛ́ ɔ́ sí din. Nǔmɛsɛn énɛ́ ɔ́ wɛ dó nǔ tɛnmɛ tɛnmɛ sin xá Ejípunu lɛ́ɛ ɖo gbětótló mɛ.