Tíntɔ́n 1:7 - MAWUXÓWÉMA

⁷ Izlayɛ́li ví lɛ́ɛ ɖo jiji wɛ, yě ɖo kún gba wɛ, yě fɔ́n ɔ́, yě nɔ́ ɖo jijɛ jí wɛ, bó nɔ́ ɖo hlɔ̌nhlɔ́n dó d'é jí wɛ. Yě sukpɔ́ káká bó kpé to ɔ́ mɛ bǐ.

Tíntɔ́n 1:7 Iomraidhean Croise

Bǐbɛ́mɛ 1:20

Mawu ɖɔ: “Kanlin tɛnmɛ tɛnmɛ ní gɔ́ tɔ lɛ́ɛ mɛ winnini; xɛ lɛ́ɛ ní tíin, bó nɔ́ zɔn gbɔn jɔhɔn mɛ.”

Bǐbɛ́mɛ 1:28

Énɛ́ ɔ́ gúdo ɔ́, é xo ɖɛ dó yě jí bó ɖɔ: “Mi ji, mi gba kún, bó kpé ayǐkúngban ɔ́ jí, bó sɔ́ ɛ ɖó acɛ mitɔn glɔ́. Mi sɔ́ hweví lɛ́ɛ ɖó acɛ mitɔn glɔ́, bó sɔ́ xɛ lɛ́ɛ ɖó acɛ mitɔn glɔ́, bó sɔ́ kanlin e ɖo ayǐkúngban jí lɛ́ɛ bǐ ɖó acɛ mitɔn glɔ́.”

Bǐbɛ́mɛ 12:2

Un ná zé we dó bló akɔta ɖaxó ɖokpó ná, bó ná xo ɖɛ dó jǐ towe. Un ná bló bɔ nyǐkɔ towe ná yi jǐ, bɔ a nǎ nyí nyɔ̌ná nú mɛ ɖě lɛ́ɛ bǐ.

Bǐbɛ́mɛ 13:16

Un ná bló bɔ vǐvú towe lɛ́ɛ ná sukpɔ́ kɔ́gúdu ɖɔhun. Yě ná sukpɔ́ káká bɔ mɛɖé ná sixú xa yě ǎ, lě e è ma sixú xa kɔ́ e ɖo ayǐkúngban jí ɔ́ ǎ é ɖɔhun.

Bǐbɛ́mɛ 15:5

Ée Mawu Mavɔmavɔ ɖɔ mɔ̌ nú Ablámu ɔ́, é kplá ɛ sín goxɔ tɔn mɛ, bó ɖɔ n'i ɖɔ: “Kpɔ́n jǐnukúnsin; nú a sixú xa sunví lɛ́ɛ hǔn, xa.” É lɛ́ ɖɔ n'i ɖɔ: “Lě e vǐ towe lɛ́ɛ ná sukpɔ́ gbɔn ɔ́ nɛ́.”

Bǐbɛ́mɛ 17:16

Un ná xo ɖɛ dó jǐ tɔn, bó ná ná vǐ súnnu ɖokpó we gbɔn jǐ tɔn; un ná xo ɖɛ dó jǐ tɔn, bɔ é ná dó akɔta gěgé sín kún. Axɔ́sú gěgé ná tɔ́n ɖo vǐ tɔn lɛ́ɛ mɛ.”

Bǐbɛ́mɛ 22:17

un ná xo ɖɛ dó jǐ we, bɔ vǐ towe lɛ́ɛ ná sukpɔ́ sunví e ɖo jǐnukúnsin lɛ́ɛ ɖɔhun; yě ná sukpɔ́ nyɛ̌kɛ́n e ɖo xutó ɔ́ ɖɔhun. Lě e vǐ towe lɛ́ɛ ná sukpɔ́ gbɔn ɔ́ nɛ́. Vǐ towe lɛ́ɛ ná ɖu ɖo kɛntɔ́ yětɔn lɛ́ɛ jí.

Bǐbɛ́mɛ 26:22

Énɛ́ ɔ́ wú wɛ é gosín fínɛ́, bó lɛ́ kun tɔ ɖěvo. È sɔ́ dɔn nǔ xá ɛ ɖo tɔ énɛ́ ɔ́ kɔn ǎ, bɔ é ɖó nyǐkɔ nú tɔ ɔ́ ɖɔ “Hlexɔvɔ́ti”; tínmɛ tɔn wɛ nyí “Tɛnmɛ”; ɖó é ɖɔ: “Mawu Mavɔmavɔ ná tɛnmɛ mǐ ɖo fí lo, bɔ nǔ e wa wɛ mǐ ɖe lɛ́ɛ ná yi nukɔn ɖo to ɔ́ mɛ.”

Bǐbɛ́mɛ 26:4

Un ná bló bɔ kúnkan towe ná sukpɔ́ sunví e ɖo jǐnukúnsin lɛ́ɛ ɖɔhun. Un ná ná ayǐkúngban élɔ́ bǐ kúnkan towe lɛ́ɛ, bó ná xo ɖɛ dó akɔta e ɖo ayǐkúngban jí lɛ́ɛ bǐ jí gbɔn yě jí.

Bǐbɛ́mɛ 28:14

Vǐ towe lɛ́ɛ ná sukpɔ́ kɔ́gúdu ɖɔhun. Yě ná gba kpé ayǐkúngban ɔ́ jí sín zǎnzǎnhwe jí káká yi gbadahwe jí; sín totaligbé wá tofɔligbé, bɔ un ná xo ɖɛ dó akɔta e ɖo ayǐkúngban jí lɛ́ɛ bǐ jí, gbɔn hwi kpódó vǐ towe lɛ́ɛ kpó jí.

Bǐbɛ́mɛ 35:11

Mawu lɛ́ ɖɔ n'i ɖɔ: “Mawu Nǔbǐwúkpétɔ́ wɛ un nyí. Ji bó gba kún. Vǐ towe lɛ́ɛ ná sukpɔ́ káká bó ná nyí akɔta ɖokpó. Akɔta wɔ̌buwɔ́bú wɛ yě ná tlɛ nyí, lobɔ axɔ́sú ná tɔ́n ɖo vǐ towe lɛ́ɛ mɛ.

Bǐbɛ́mɛ 46:3

Bɔ Mawu ɖɔ: “Nyɛ wɛ nyí Mawu, Mawu tɔ́ towe tɔn. Ma nú Ejípu e a xwe ɔ́ hu ado nú we ó, ɖó fínɛ́ wɛ un ná sɔ́ we dó ɖó akɔta ɖaxó ɖokpó ɖe.

Bǐbɛ́mɛ 47:27

Izlayɛ́li ví lɛ́ɛ nɔ Ejípu, ɖo Gocɛ́ni gbé jí. Yě ɖǒ ayǐkúngban ɖo fínɛ́; yě gba kún bó sukpɔ́ ɖésú.

Bǐbɛ́mɛ 48:16

wɛnsagun Mawu tɔn e hwlɛ́n mì sín nǔ nyanya lɛ́ɛ bǐ mɛ ɔ́, ní xo ɖɛ dó nyaví élɔ́ lɛ́ɛ jí. Nyǐkɔ ce kpó tɔ́gbó ce Ablaxámu tɔn kpó Izáki tɔn kpó ní nɔ yě wú. Yě ní ji; yě ní gba kún ɖo ayǐkúngban jí.”

Bǐbɛ́mɛ 48:4

bó ɖɔ nú mì ɖɔ: ‘Đǒtó mì! Un ná bló bɔ a nǎ ji, a nǎ gba kún; un ná zé we dó bló togun gěgé. Un ná zé to élɔ́ ná kúnkan towe lɛ́ɛ, bɔ é ná nyí yětɔn káká sɔ́yi.’ ”

Bǐbɛ́mɛ 9:1

Mawu xo ɖɛ dó Nɔwée kpódó vǐ tɔn lɛ́ɛ kpó jí, bó ɖɔ nú yě ɖɔ: “Mi gba kún, mi ji gba, bó kpé ayǐkúngban ɔ́ bǐ jí.

Nɛɛmíi 9:23

A nǎ vǐ yě bɔ é sukpɔ́ káká sunví e ɖo jǐxwé lɛ́ɛ ɖɔhun. A kplá yě yi Kanáa tomɛ. Kanáa to ɔ́ wɛ a ko ná tɔ́gbó yětɔn lɛ́ɛ ɖɔ yě ní yí.

Ɖɛhan 105:24

Mawu bló bɔ togun tɔn gba kún, bó syɛ́n hú kɛntɔ́ tɔn lɛ́ɛ.

Ɖɛhan 107:38

É nɔ́ xo ɖɛ dó yě jí, bɔ yě nɔ́ ji gba, é nɔ́ lɔn nú kanlin yětɔn lɛ́ɛ nɔ́ ɖe kpo ǎ.

Tíntɔ́n 1:12

Lo ɔ́, è ɖo ya dó nú yě wɛ ɔ́, lo wɛ yě nɔ́ lɛ́ ɖo jiji d'é jí wɛ, bó nɔ́ ɖo kún gba d'é jí wɛ ɔ́ nɛ́. Nǔ énɛ́ ɔ́ zɔ́n bɔ è mɔ Izlayɛ́li ví lɛ́ɛ lě ɔ́, ado nɔ hu mɛ.

Tíntɔ́n 12:37

Hwenu e Izlayɛ́li ví lɛ́ɛ ɖo Ejípu ná tɔ́n sín wɛ ɔ́, yě sí te sín Hlamusɛ́si bó ɖidó Sukɔ́tu; yě yi súnnu adɔ̌kpo gban mɔ̌ (600.000), è ka xa yɔkpɔ́vú lɛ́ɛ ǎ.

Tíntɔ́n 5:5

Din e Izlayɛ́li ví lɛ́ɛ sukpɔ́ ganjí ɖo to ɔ́ mɛ ɔ́ wɛ midɛɛ lɛ́ɛ jló ná ɖó azɔ̌ yětɔn lɛ́ɛ te a?”

Ezekiyɛ́li 16:7

Un ɖɔ nú we ɖɔ: ‘Su folówa e ɖo gběhan mɛ é ɖɔhun’, bɔ a su, bó nyɔ́ ɖɛkpɛ káká: anɔ̌ towe bǐ tɔ́n, bɔ a wǔ fún bǐ. Lo ɔ́, a kpo ɖo mɛ̌ jɔgbe.

Mɛsɛ́dó 13:17

Mawu Izlayɛ́li togun ɔ́ tɔn ɔ́ cyán tɔ́gbó mǐtɔn lɛ́ɛ ɖó vo, bó bló bɔ togun ɔ́ ɖeji hwenu e yě ɖo Ejípu é; é ka wá ɖe yě tɔ́n sín to ɔ́ mɛ, gbɔn hlɔ̌nhlɔ́n tɔn gbla mɛ,

Sɛ́nflínmɛ 10:22

Tɔ́gbó mitɔn e yi Ejípu lɛ́ɛ sɔ́ hú kanɖé gban (70) ǎ. Égbé din ɔ́, Mawu Mavɔmavɔ, Mawu mitɔn bló bɔ mi sukpɔ́ winnini sunví e ɖo jǐxwé lɛ́ɛ ɖɔhun.

Sɛ́nflínmɛ 26:5

Bɔ mi mɛ ɖokpó ɖokpó ná yí xó ɖo Mawu Mavɔmavɔ, Mawu mitɔn nukɔn, bó ná ɖɔ: “Tɔ́ ce ɔ́, Alamunu wɛ, é ɖó fí ɖé tawun bó nɔ́ nɔ ɖ'ayǐ ǎ. É nɔ́ ɖo yiyi wɛ, bó wá yi Ejípu, bó nyí jǒnɔ ɖo fínɛ́, é kpó mɛ kwín we e é kplá lɛ́ɛ kpó. É ɖo fínɛ́ káká bɔ mɛ tɔn lɛ́ɛ wá sukpɔ́ káká bó húzú togun ɖaxó ɖokpó, bó syɛ́n káká.