Tíntɔ́n 1:21 - MAWUXÓWÉMA

²¹ Sísí e nyɔ̌nu ajinɔtɔ́ lɛ́ɛ ɖó nú Mawu ɔ́ zɔ́n, bɔ Mawu ná vǐ yě dó wa ɖagbe nú yě.

Tíntɔ́n 1:21 Iomraidhean Croise

1 Axɔ́sú 11:38

Nú a xwedó nǔ e un ná ɖɔ nú we lɛ́ɛ bǐ ɔ́, nú a gbɔn ali ce lɛ́ɛ ɔ́, nú a nyi sɛ́n ce lɛ́ɛ, bó wa nǔ e un zɔ́n lɛ́ɛ ɔ́, nú a wa nǔ jlɔ́jlɔ́ ɖo nukɔn ce, lě e mɛsɛntɔ́ ce Davídi bló gbɔn ɔ́, un ná nɔ kpɔ́ xá we, un ná zé axɔ́súzinkpo ɔ́ ɖó xwédo towe mɛ, lě e un bló nú Davídi gbɔn é. Un ná ná Izlayɛ́li to ɔ́ we.

1 Axɔ́sú 2:24

Din ɔ́, un xwlé Mawu ɖɔ: Mawu Mavɔmavɔ ɖo gbɛ; é wɛ bló bɔ axɔ́súɖuɖu ce lí dǒ. É sɔ́ mì jínjɔ́n axɔ́súzinkpo tɔ́ ce Davídi tɔn jí. É wɛ dó akpá nú mì ɖɔ nyi wɛ ná ɖu axɔ́sú, bɔ vǐ ce lɛ́ɛ lɔ ná ɖu káká sɔ́yi. Adoniyasi ná kú égbé.”

Ɖɛhan 112:1

Mi kpa Mawu Mavɔmavɔ! Nǔ nyɔ́ nú mɛ e nɔ ɖó sísí nú Mawu Mavɔmavɔ é, mɛ e nǔ e é zɔ́n lɛ́ɛ wiwa nɔ́ víví ná é.

Ɖɛhan 127:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Salomɔ́ɔ sín han wɛ. Mawu Mavɔmavɔ má mɛ xɔ ɖé ǎ ɔ́, tagba yǎyá wɛ xɔmɛtɔ́ lɛ́ɛ nɔ́ jɛ. Mawu Mavɔmavɔ ma nya xɛ ɖo toxo ɖé jí ǎ ɔ́, tagba yǎyá wɛ mɛ e ɖo toxo ɔ́ cɔ́ wɛ lɛ́ɛ ɔ́ nɔ́ jɛ.

Ɖɛhan 127:3

Vǐ ɔ́ dɔkun wɛ é nyí bɔ Mawu Mavɔmavɔ dó nú mɛ, vǐ wɛ nyí ajɔ bɔ é nɔ́ ná mɛ.

Ɖɛhan 37:3

Đe ji dó Mawu Mavɔmavɔ wú, bó nɔ wa ɖagbe; nɔ to ɔ́ mɛ, bó ná mɔ fífá.

Tíntɔ́n 1:17

Lo ɔ́, ajinɔtɔ́ lɛ́ɛ ɖó sísí nú Mawu, bó bló nǔ e axɔ́sú ɔ́ ɖɔ yě ní bló ɔ́ ǎ; yě jó vǐ lɛ́ɛ bǐ dó nyi gbɛ.

Nǔnywɛ́xó 24:3

Nǔnywɛ́ nɔ́ sá xwé, ayiɖote nɔ lí xwé.

Nǔnywɛ́tɔ́xó 8:12

É ká ɖo mɔ̌ có, nú hwɛhutɔ́ ná bó ɖo dǎka xo wɛ magbokɔ bó ká nɔ́ lɛ́ dɔ́ ji ɔ́, nyɛ ɔ́, un tunwun ɖɔ mɛ e nɔ ɖó sísí nú Mawu lɛ́ɛ wɛ nǔ na nyɔ́ ná, ɖó sísí e yě nɔ́ ɖó nú Mawu ɔ́ wú.

Jelemíi 35:2

“Yi mɔ Hlekávu ví lɛ́ɛ, bó ɖɔ xó nú yě bó kplá yě wá xɔ e ɖo Mawu Mavɔmavɔ xwé lɛ́ɛ ɖokpó mɛ, bó ná vɛ̌ɛn yě nú yě nu.”

1 Samuwɛ́li 2:35

Un ka ná sɔ́ vɔ̌sánú-xwlémawutɔ́ ɖěvo, bɔ é ná nɔ gbejí, bó ná nɔ́ wa nǔ lě e un jló gbɔn é. Un ná bló bɔ xwédo tɔn ná lí dǒ, bɔ é ná nɔ́ wa vɔ̌sánú-xwlémawutɔ́zɔ́ tɛgbɛ ɖo axɔ́sú e un ná sɔ́ ɔ́ kpá.

1 Samuwɛ́li 25:28

Kɛnklɛ́n wɛ un dó nú we, sɔ́ hwɛ e un hu dó we ɔ́ kɛ mì. Mawu Mavɔmavɔ ná bló bɔ axɔ́súɖuɖu ná nɔ hɛ̌n towe nu tɛgbɛ, ɖó a nɔ fun ahwan n'i; ma nú è mɔ nǔ nyanya ɖé ɖo gbɛzán towe mɛ gbeɖé ó.