Tíntɔ́n 1:11 - MAWUXÓWÉMA

¹¹ Ée axɔ́sú ɔ́ ɖɔ mɔ̌ ɔ́, è ɖe azɔ̌gán ɖé lɛ́ɛ ɖó yě nu, bónú yě ná nɔ́ ɖó azɔ̌ syɛ́nsyɛ́n lɛ́ɛ kɔ jí nú Izlayɛ́li ví lɛ́ɛ dó dó ya nú yě. Lě e yě bló gbɔn bɔ Izlayɛ́li ví lɛ́ɛ ɖó Pitɔ́mu toxo kpó Hlamusɛ́si toxo kpó ayǐ ɔ́ nɛ́. Toxo énɛ́ lɛ́ɛ mɛ wɛ è nɔ bɛ́ axɔ́sú sín jinukún lɛ́ɛ ɖó.

Tíntɔ́n 1:11 Iomraidhean Croise

Bǐbɛ́mɛ 15:13

Bɔ Mawu Mavɔmavɔ ɖɔ n'i ɖɔ: “Tunwun ɖɔ vǐ towe lɛ́ɛ ná wá nyí jǒnɔ ɖo mɛ ɖěvo tomɛ. Yě ná nɔ mɛ kannu ɖo fínɛ́ bɔ è nǎ dó tagba nú yě xɔ xwe afɔwe (400).

Bǐbɛ́mɛ 47:11

Énɛ́ ɔ́, Jozɛ́fu ɖó tɛnmɛ nú tɔ́ tɔn kpó nɔví tɔn lɛ́ɛ kpó, bó ná ayǐkúngban yě ɖó to ɔ́ mɛ fí e nyɔ́ hú fí bǐ é, ɖo Hlamusɛ́si gbé jí, lě e axɔ́sú ɔ́ ɖɔ gbɔn é.

1 Axɔ́sú 9:19

É gbá toxo e mɛ é ná nɔ bɛ́ agban tɔn lɛ́ɛ dó lɛ́ɛ, bó gbá ée mɛ é ná nɔ bɛ́ ahwankɛkɛ́ví tɔn lɛ́ɛ dó lɛ́ɛ, bó gbá toxo e mɛ é ná nɔ bɛ́ sɔ́ tɔn lɛ́ɛ dó ɔ́. Salomɔ́ɔ gbá xɔ e é jló ná gbá ɖó Jeluzalɛ́mu lɛ́ɛ, bó gbá ée é jló ná gbá ɖó Libáan lɛ́ɛ kpódó ée é jló ná gbá gbɔn to e mɛ é kpa acɛ gbɔn lɛ́ɛ bǐ kpó.

2 Tan 16:4

Bɛni-Hadadi yí gbe nú xó e axɔ́sú Asa ɖɔ ɔ́, bó sɛ́ ahwangán tɔn lɛ́ɛ dó, bɔ yě yi tɔ́n ahwan Izlayɛ́li sín toxo lɛ́ɛ; yě yǐ Iyɔ́ni, bó yí Dan, bó yí Avɛ́li-Mayimu. Yě yǐ agbanxɔ e ɖo Nɛfutali toxo lɛ́ɛ mɛ lɛ́ɛ bǐ.

2 Tan 8:4

É ɖó Tadumɔ́ɔ toxo e ɖo gbětótló mɛ ɔ́ ayǐ; toxo e é kó ɖó ayi ɖo Hamáti yíkúngban jí, bó nɔ́ bɛ́ agban dó yě mɛ lɛ́ɛ ɔ́, é vɔ́ bǐ blóɖó.

Ɖɛhan 105:13

yě gosín akɔta ɖě mɛ ɔ́, yě nɔ́ yi ɖěvo mɛ, yě gosín axɔ́súɖuto ɖě mɛ ɔ́, yě nɔ́ yi ɖěvo mɛ.

Ɖɛhan 129:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Sín dɔ̌nkpɛ mɛ ce ɖokpóó wɛ kɛntɔ́ kó ɖo ahwan tɔ́n mì wɛ...

Ɖɛhan 129:2

Izlayɛ́li togun ɔ́ ní ɖɔ mɔ̌. Sín dɔ̌nkpɛ mɛ ce ɖokpóó wɛ kɛntɔ́ kó ɖo ahwan tɔ́n mì wɛ, amɔ̌, yě ká ɖu ɖo jǐ ce ǎ.

Ɖɛhan 68:13

“Axɔ́sú e ɖo kɛntɔ́ lɛ́ɛ sín ahwangɔnu lɛ́ɛ nu lɛ́ɛ dó afɔ wezun mɛ; yě hɔn yi!” Nyɔ̌nu xwési lɛ́ɛ ɖo nǔ e è hɛn wá sín ahwangbénu lɛ́ɛ má wɛ.

Ɖɛhan 81:6

é sɔ́ dó ɖó sɛ́n nú Jozɛ́fu ví lɛ́ɛ, hwenu e é tɔ́n ahwan Ejípu é. Un se gbe ɖé, un ka tunwun mɛ e sín gbe wɛ ɔ́ ǎ. Gbe ɔ́ ɖɔ nú mì ɖɔ:

Tíntɔ́n 1:14

Yě nɔ́ ɖó azɔ̌ syɛ́nsyɛ́n lɛ́ɛ kɔ jí nú yě, káká bɔ gbɛ nɔ vlɛ́ nu nú yě: yě nɔ́ wa kozɔ́, yě nɔ́ sún blǐki, bó nɔ́ wa glezɔ́ tɛnmɛ tɛnmɛ lɛ́ɛ bǐ. Yě nɔ́ ɖó azɔ̌ syɛ́nsyɛ́n alɔkpa alɔkpa énɛ́ lɛ́ɛ kɔ jí nú yě. Nǔ yětɔn nɔ́ blá wǔ nú yě ǎ.

Tíntɔ́n 2:11

Hwenu e Mɔyízi wá nyí mɛxó ɔ́, é wá su gbe ɖokpó, bɔ é tɔ́n bó yi kpɔ́n nɔví tɔn e kpó é kpó nyí akɔ ɖokpó ɔ́ lɛ́ɛ, bó mɔ azɔ̌ syɛ́nsyɛ́n e wa wɛ yě ɖe lɛ́ɛ. É mɔ Ejípunu ɖé ɖo nɔví tɔn Eblée lɛ́ɛ ɖokpó xo wɛ.

Tíntɔ́n 3:7

Mawu Mavɔmavɔ ɖɔ: “Un mɔ ya e ji wɛ togun ce Izlayɛ́li ɖe ɖo Ejípu ɔ́. Un se xó e sú wɛ é ɖe ɖó nǔ e wa xá ɛ wɛ azɔ̌gán lɛ́ɛ ɖe ɔ́ wú é. Un tunwun wǔvɛ́ e mɔ wɛ é ɖe ɔ́ ganjí.

Tíntɔ́n 5:10

Azɔ̌gán lɛ́ɛ kpó azɔ̌jíkpɔ́ntɔ́ lɛ́ɛ kpó wá ɖɔ nú Izlayɛ́li ví lɛ́ɛ ɖɔ: “Axɔ́sú ɔ́ ɖɔ è nǐ má sɔ́ ná gběhan ɖě mi ó.

Tíntɔ́n 5:15

Énɛ́ ɔ́, Izlayɛ́li ví azɔ̌jíkpɔ́ntɔ́ lɛ́ɛ yi jɛ hwɛ nú axɔ́sú ɔ́ bó kanbyɔ́ ɛ ɖɔ: “Sɛ́mɛɖó, nɛ̌ ká gbɔn bɔ a ɖo mǐ mɛsɛntɔ́ towe lɛ́ɛ hɛn gbɔn mɔ̌ wɛ?

Tíntɔ́n 5:8

Amɔ̌ blǐki nabí e yě kó nɔ sún ɖ'ayǐ ɔ́ jɛ́n mi ná lɛ́ byɔ́ yě ɖɔ yě ní sún dandan; é ná hwe ɖokpó ǎ. Đó fɔnlínnɔ wɛ yě nyí. Nǔ e wú wɛ yě ɖo xó sú wɛ bó ɖo ɖiɖɔ wɛ ɖɔ émí ná yi sá vɔ̌ nú Mawu émítɔn ɔ́ nɛ́.

Nǔnywɛ́xó 27:4

Adǎn nɔ wa nǔ kanlin ɖɔhun; xomɛsin nɔ hɛn nǔ gblé; amɔ̌, wǔhwinhwan ɔ́, mɛ̌ ká sixú nɔ te nukɔn tɔn?

Kɛ́nsísɔ́ 20:15

Tɔ́gbó mǐtɔn lɛ́ɛ yi Ejípu ɖ'ayǐ, bɔ mǐ nɔ fínɛ́ ɖésú. Ejípunu lɛ́ɛ dó ya nú mǐ, yě dǒ ya nú tɔ́gbó mǐtɔn lɛ́ɛ kpó mǐ kpó.

Sɛ́nflínmɛ 26:6

Ejípunu lɛ́ɛ ká wá jɛ ya dó nú mǐ jí, bó jɛ mǐ táfú jí, bó nɔ́ sɔ́ azɔ̌ syɛ́nsyɛ́n lɛ́ɛ dó así nú mǐ.