Ɛsitɛ́ɛ 7:3 - MAWUXÓWÉMA

³ Énɛ́ ɔ́, axɔ́si Ɛsitɛ́ɛ yí gbe n'i ɖɔ: “Sɛ́mɛɖó! Ényí nǔ ce nyɔ́ mɛ nukún mɛ hǔn, è hwlɛ̌n mì, bó hwlɛ́n togun ce gán; nǔ e un jló ná byɔ́ mɛ ɔ́ nɛ́; é nyɔ́ nukún mɛtɔn mɛ mɔ̌ hǔn, è xɔ mì ɖ'é mɛ.

Ɛsitɛ́ɛ 7:3 Iomraidhean Croise

1 Axɔ́sú 20:31

Azaglɔ́gán Bɛni-Hadadi tɔn lɛ́ɛ ɖɔ n'i ɖɔ: “Éɖíe mǐ se ɖɔ axɔ́sú Izlayɛ́li tɔn lɛ́ɛ ɔ́, axɔ́sú nǔbláwǔkúnúmɛtɔ́ wɛ yě nyǐ é. Mǐ ná sin ati dó alin, bó ná xásá kan dó kɔ, bó ná yi axɔ́sú Izlayɛ́li tɔn ɔ́ gɔ́n. Afɔ nyɔ́ ɔ́, é sixú jó we dó nyi gbɛ.”

2 Axɔ́sú 1:13

Akaziasi lɛ́ sɛ́ ahwangán ɖěvo kpódó sɔ́ja kanɖé wǒ (50) kpó dó Elíi gɔ́n azɔn atɔngɔ́ ɔ́. Yě xá só e jí Elíi ɖe ɔ́ jí. Ée yě mɔ Elíi ɔ́, ahwangán ɔ́ jɛ kpo, bó sa vo n'i ɖɔ: “Đɛ̌mɛnu Mawu tɔn, kɛnklɛ́n bó ma hu nyɛ kpódó sɔ́ja ce lɛ́ɛ kpó ó.

Ɛsitɛ́ɛ 4:8

É lɛ́ zé wěma e mɛ è wlǎn gbeta e ɖɔ è nǐ sú Jwifu lɛ́ɛ sín kún dó, bɔ è jlǎ ɖo Súzi é ɖokpó n'i; é ɖɔ è nǐ sɔ́ yi xlɛ́ Ɛsitɛ́ɛ, bo tín nǔ lɛ́ɛ bǐ mɛ n'i. É lɛ́ ɖɔ nú Hatáki ɖɔ é ní ɖɔ nú Ɛsitɛ́ɛ ɖɔ é ní yi sa vo nú axɔ́sú ɔ́ dó Jwifu lɛ́ɛ tamɛ.

Ɛsitɛ́ɛ 5:8

Sɛ́mɛɖó, ényí é jló mɛ, bónú mɛ nǎ jɔwǔ mì, bó bló nǔ e ba wɛ un ɖe ɔ́ nú mì hǔn, mɛ kpó Hamáa kpó ní lɛ́ wá agɔ̌ e un ylɔ́ dó ta mitɔn mɛ sɔ ɔ́ tɛnmɛ; énɛ́ ɔ́, nǔ e kanbyɔ́ mì wɛ mɛ ɖe ɔ́, un ná ná sin tɔn mɛ.”

Ɛsitɛ́ɛ 7:7

Xomɛ ka sin axɔ́sú ɔ́ ɖésú, bɔ é sí te sín fí e ɖu agɔ̌ ɔ́ ɖe wɛ yě ɖe é, bó yi cí folówakan mɛ ɖo hɔn ɔ́ mɛ. Hamáa ka cí fínɛ́ bó ɖo vo sa nú Ɛsitɛ́ɛ wɛ ɖɔ ní hwlɛ́n émí ɖo axɔ́sú ɔ́ sí, ɖó é mɔ ɖɔ axɔ́sú ɔ́ ná hu émí jɛ́n wɛ.

Ɛsitɛ́ɛ 8:5

bɔ Ɛsitɛ́ɛ sí te bo ɖɔ n'i ɖɔ: “Sɛ́mɛɖó, nú é jló mɛ ɔ́, nú è nyɔ́ xomɛ dó wǔ ce hǔn, nú è mɔ ɖɔ é sɔgbe nukún mɛtɔn mɛ hǔn, nú è yí wǎn nú mì hǔn, è nǐ wlǎn wěma ɖokpó bó dó gbɛ́ nǔ e Hamáa Hamumɛdata ví e tɔ́n sín Agagi kún mɛ ɔ́ wlán é; wěma e é wlán bó ɖɔ è nǐ sú Jwifu e gbɔn tokpɔn mɛtɔn mɛ lɛ́ɛ bǐ sín kún dó é.

Jɔ̌bu 2:4

Hwɛdómɛtɔ́ ɔ́ ká lɛ́ yí xó bó ɖɔ: “Lɛ̌ ba ayixa ɖěvo; gbɛtɔ́ nɔ́ jó nǔ e é ɖó ɔ́ bǐ bó nɔ́ dó hwlɛ́n gbɛ éɖée tɔn gán.

Jelemíi 38:26

ɖɔ nú yě ɖɔ: ‘Vo wɛ un sa nú axɔ́sú ɔ́ ɖɔ é ní ma nyi mì sɛ́ dó Yexonatáni xwé ó, é má nyí mɔ̌ ǎ ɔ́, un táá kú.’ ”