Ɛsitɛ́ɛ 4:3 - MAWUXÓWÉMA

³ Fí ɖěbǔ e axɔ́sú ɔ́ sín gbeta gbɔn ɖo tokpɔn ɖokpó ɖokpó mɛ ɔ́, Jwifu lɛ́ɛ bǐ nɔ́ byɔ́ aluwɛ ɖaxó mɛ; yě nɔ́ ɖo nu blá wɛ, bó nɔ́ ɖo avǐ ya wɛ, bó nɔ́ ɖo alě ná wɛ; yě mɛ gěgé nɔ́ fɔ caki dó, bó nɔ́ mlɔ́ afín mɛ.

Ɛsitɛ́ɛ 4:3 Iomraidhean Croise

Ɛsitɛ́ɛ 1:1

Hwenu e Zɛ̌ɛzɛsi ɖo axɔ́sú ɖu wɛ ɔ́ wɛ xó e è ɖɔ dó fí ɔ́ jɛ. Tokpɔn kantɔn tɛ́nwe (127) nu wɛ é kpa acɛ dó, sín Ɛndu yi Etiopíi;

Ɛsitɛ́ɛ 3:12

Azǎn wǒ-atɔngɔ́ e ɖo sun nukɔntɔn ɔ́ mɛ ɔ́, è ylɔ̌ wěgbóhɛntɔ́ axɔ́sú ɔ́ tɔn lɛ́ɛ; yě wlán wěma lɛ́ɛ lě e Hamáa ɖɔ gbɔn nú yě é, bó sɛ́ dó mɛ e sɔ́ axɔ́sú ɔ́ sín afɔ ɖó te lɛ́ɛ kpó tokpɔngán lɛ́ɛ kpó, kpódó togun tɛnmɛ tɛnmɛ lɛ́ɛ sín gǎn lɛ́ɛ kpán. È wlǎn wěma lɛ́ɛ lě e tokpɔn ɖokpó ɖokpó nɔ wlán nǔ gbɔn é, bó wlán dó gbe e togun ɖokpó ɖokpó nɔ dó ɖo axɔ́súɖuto ɔ́ mɛ é mɛ. Axɔ́sú Zɛ̌ɛzɛsi sín nyǐkɔ mɛ wɛ è wlǎn wěma lɛ́ɛ dó, bó zé alɔgan tɔn dó ɖó wuntun ná.

Ɛsitɛ́ɛ 4:16

“Yi, bo kplé Jwifu e ɖo Súzi tomɛ lɛ́ɛ bǐ bónú mi blá nu dó ta ce mɛ. Mi ma ɖu nǔ ó, mi ma nu sin ó káká nú kéze atɔn zǎn atɔn; nyɛ kpó mɛsɛntɔ́ ce lɛ́ɛ kpó ɔ́, mi lɔ na blá nu; énɛ́ ɔ́ gúdo ɔ́, sɛ́n ɔ́ ná ɖo te có un ná yi axɔ́sú ɔ́ gɔ́n. Nú é byɔ́ ɖɔ má kú ɔ́, un ná kú.”

Ɛsitɛ́ɛ 4:2

Ée é zɔn mɔ̌ káká wá axɔ́sú ɔ́ sín hɔn nukɔn ɔ́, é nɔ te, ɖó mɛ ɖěbǔ ɖó acɛ e zɔn caki mɛ byɔ́ hɔn ɔ́ mɛ é ǎ.

Ɛsitɛ́ɛ 4:4

Mɛsɛntɔ́ Ɛsitɛ́ɛ tɔn lɛ́ɛ kpódó agooɖojǐe tɔn lɛ́ɛ kpó wá ɖɔ nǔ e ɖo jijɛ wɛ ɔ́ nú Ɛsitɛ́ɛ bɔ xɛsi ɖaxó ɖé jɛ jǐ tɔn. É sɛ́ awu dó Maadocée ɖɔ é ní ɖe caki nyi ayǐ, bó dó awu énɛ́ lɛ́ɛ, Maadocée ka gbɛ́.

Ɛsitɛ́ɛ 9:31

È ɖɔ nú Jwifu lɛ́ɛ dó wěma ɔ́ mɛ ɖɔ yě nǐ ɖu Akɔnyinyi sín xwe ɔ́ dó azǎn e è ɖǒ ɔ́ jí, bónú é sɔgbe xa lě e Ɛsitɛ́ɛ kpó Maadocée kpó ɖɔ gbɔn é. È ɖe gbeta énɛ́ ɔ́ tɔ́n nú yě kpó vǐ yětɔn lɛ́ɛ kpó gbeta e è ɖe tɔ́n dó nubláblá kpó alěníná kpó wú é ɖɔhun.

Jɔ̌bu 2:8

Jɔ̌bu nɔ zé zɛ̌nlákwɛ́ dó klú wǔtu, bó nɔ́ jínjɔ́n afín mɛ.

Ezayíi 22:12

Gbe énɛ́ gbe ɔ́, Aklúnɔ, Mawu Mavɔmavɔ Nǔbǐwúkpétɔ́ ɔ́ byɔ́ mi ɖɔ mi ní ya avǐ, mi ní dó gbɛvíhan, mi ní xwlɛ́ ta, mi ní dó nǔwamɛ vɔ.

Ezayíi 22:4

Énɛ́ ɔ́ wú wɛ un ɖɔ nú mi ɖɔ: “Mi ma ɖɔ émí ná ɖó kɔ wǔ ce ó, mi jó mì dó nú má ya avǐ nú é ná jɛ mɛ nú mì. Mi ma ɖɔ émí ná ɖó alɔ akɔ́n jí nú mì, ɖó awě ɖaxó e xo togun ce ɔ́ wú ó.

Ezayíi 58:5

Nubláblá e un nɔ yí wǎn ná ɔ́, mɔ̌ wɛ è nɔ blá gbɔn a? Lě e è nɔ sɔ́ mɛɖée hwe gbɔn ɖo nukɔn ce ɔ́ ná? È ko dó kɔ do fántín ɖɔhun, bó sɔ́ ati kplá, bó mlɔ́ afín mɛ ɔ́, énɛ́ ɔ́ wɛ mi nɔ ylɔ́ ɖɔ nubláblá a? Azǎn énɛ́ ɔ́ sixú nyí azǎn ɖé, bó ná nyɔ́ nukún ce mɛ a?

Ezekiyɛ́li 27:30

Yě bǐ byɔ́ aluwɛ mɛ; yě ɖo avǐ ya wɛ, yě ɖo vo sa wɛ, yě nɔ́ wún kɔ́ dó ta, yě nɔ́ blí gbo gbɔn afín mɛ.

Daniyɛ́li 9:3

Un blá nu, bó zé ati kplá, bó lɛ afín, bó dó ɖe xlɛ́ ɖɔ un húzú jijɔ, bó kpan nukɔn Aklúnɔ Mawu bó xo ɖɛ, bó sa vo n'i.

Jonási 3:6

Xó énɛ́ ɔ́ yi jɛ axɔ́sú to ɔ́ mɛ tɔn sín tó mɛ, bɔ é sí te sín axɔ́súzinkpo tɔn jí, bó ɖe axɔ́súwu sín kɔ, bó sɔ́ ati cyɔ́n, bó yi jínjɔ́n afín mɛ.

Matíe 13:42

bó ná bɛ́ yě nyi dó zo mɛ. Fínɛ́ wɛ yě ná ya avǐ, bó ná ɖu aɖǔkún ɖe.

Matíe 22:13

Bɔ axɔ́sú ɔ́ ɖɔ nú nǔɖuɖumátɔ́ lɛ́ɛ ɖɔ: ‘Mi blá afɔ tɔn lɛ́ɛ kpódó alɔ tɔn lɛ́ɛ kpó, bó sɔ́ ɛ nyi dó zǐnflú mɛ ɖo kɔ́xo. Fínɛ́ wɛ é ná ya avǐ, bó ná ɖu aɖǔkún ɖe.’ ”

Matíe 25:30

Mi sɔ́ mɛsɛntɔ́ nǔvɔ́nɔ énɛ́ nyi dó zǐnflú mɛ ɖo kɔ́xo; fínɛ́ wɛ é ná ya avǐ, bó ná ɖu aɖǔkún ɖe.’ ”

Jozuwée 7:6

Ée nǔ cí mɔ̌ ɔ́, Jozuwée kpódó mɛxó lɛ́ɛ kpó vún awu dó kɔ nú yěɖée, bó vun afúntúntún dó ta, lobo xwe agbɔ̌nnusú do ɖo akɔjijɛgbá Mawu Mavɔmavɔ tɔn nukɔn, lobo nɔ mɔ̌ káká jɛ gbadanu.

1 Samuwɛ́li 11:4

Mɛ e è sɛ́ dó lɛ́ɛ wá Giveya Sawúlu toxo mɛ, bo ɖɔ xó nɛ́ lɛ́ɛ bǐ nú togun ɔ́, bɔ mɛ e ɖo to ɔ́ mɛ lɛ́ɛ bǐ wlí avǐ bó ya ɖésú.