Ɛsitɛ́ɛ 3:2 - MAWUXÓWÉMA

² Azɔ̌watɔ́ axɔ́sú ɔ́ tɔn lɛ́ɛ bǐ nɔ jɛ kpo nú Hamáa, bó nɔ́ ɖe kɔ́ n'i ɖó axɔ́sú ɔ́ wɛ ná gbe tɔn. Maadocée kɛ́ɖɛ́ jɛ́n má nɔ́ jɛ kpo bo nɔ ɖe kɔ́ n'i ǎ.

Ɛsitɛ́ɛ 3:2 Iomraidhean Croise

Bǐbɛ́mɛ 41:43

É ɖɔ bɔ è zě e dó ahwankɛkɛ́ mɛ; mɛ e xo kpó ɖó n'i tlóló ɔ́ wɛ è zě ɖ'ayǐ ná. Mɛ lɛ́ɛ nɔ ɖo awǒbóbó kpa wɛ ɖo nukɔn tɔn ɖɔ: “Mɛ bǐ ní jɛ kpo, mɛ bǐ ní jɛ kpo.” Lě e axɔ́sú ɔ́ sɔ́ Jozɛ́fu gǎn ɖó Ejípu to ɔ́ bǐ nu gbɔn ɔ́ nɛ́.

Ɛsitɛ́ɛ 2:19

È kplé ɖyɔ̌vǐ lɛ́ɛ azɔn wegɔ́ ɔ́; Maadocée ɖo azɔ̌ wa wɛ ɖo axɔ́sú ɔ́ xwé hwenɛ́nu.

Ɛsitɛ́ɛ 2:21

Maadocée ɖo azɔ̌ tɔn wa wɛ gbe ɖokpó ɖo hɔnmɛ bɔ Bigitáni kpódó Tɛlɛ́ci kpó blá sé ɖɔ émí ná hu axɔ́sú Zɛ̌ɛzɛsi, ɖó é dó xomɛsin ɖaxó ɖé xomɛ nú yě. Yě mɛ we énɛ́ lɛ́ɛ ɔ́, axɔ́sú ɔ́ sín hɔnta wɛ yě nɔ́ nɔ.

Ɛsitɛ́ɛ 2:5

Nya ɖé ká tíin, bó ɖo ahohó Súzi tɔn ɔ́ mɛ fínɛ́ bɔ è nɔ ylɔ́ ɛ ɖɔ Maadocée. Yayíi ví wɛ é nyí, bó nyí Cimɛ́yi ví, bó nyí Kícu ví. Bɛnjamɛ́ɛ sín akɔta mɛ wɛ é jɔ ɖe.

Ɛsitɛ́ɛ 3:1

Ée nǔ énɛ́ lɛ́ɛ bǐ jɛ wá yi ɔ́, axɔ́sú Zɛ̌ɛzɛsi sɔ́ Hamáa gǎn. Hamáa ɔ́, Hamumɛdata ví wɛ, bó jɔ ɖo Agagi kún mɛ. Axɔ́sú ɔ́ sɔ́ ɛ gǎn hɔn-yitɔ́ xɔ́sú.

Ɛsitɛ́ɛ 3:3

Azɔ̌watɔ́ ɖě lɛ́ɛ kanbyɔ́ Maadocée ɖɔ: “Nɛ̌ ká gbɔn bɔ hwɛ ma nɔ bló nǔ e axɔ́sú ɔ́ ɖɔ ɔ́ ǎ?”

Ɛsitɛ́ɛ 3:5

Hamáa mɔ ɖɔ Maadocée kún nɔ jɛ kpo bo nɔ ɖe kɔ́ nú émí nǔgbó ó, bɔ xomɛ sin i ɖésú.

Ɛsitɛ́ɛ 5:9

Gbe nɛ́ ɔ́ gbe ɔ́, Hamáa tɔ́n sín Ɛsitɛ́ɛ xwé gbe kpó xomɛhunhun kpó, ayi tɔn jɛ ayǐ. Lo ɔ́, ée é jɛ axɔ́sú ɔ́ sín hɔn jí, bó mɔ ɖɔ Maadocée kún sí te ó, é kún ká kpɔ́n jɛ émítɔn jí ó ɔ́, xomɛ sin i dó wǔ tɔn tlala.

Ɖɛhan 15:4

É nɔ́ kpɔ́n mɛ e Mawu Mavɔmavɔ gbɛ́ wǎn ná lɛ́ɛ sín jɛ jí ǎ. Amɔ̌, é nɔ́ wlí yɛ̌yi nú mɛ e nɔ sí Mawu Mavɔmavɔ lɛ́ɛ. É dó akpá ɖé ɔ́, é nɔ́ ɖe. Nǔ ɖěbǔ ná bó gbo e ɖ'é mɛ ɔ́, é nɔ́ ɖe.

Tíntɔ́n 17:14

Mawu Mavɔmavɔ ɖɔ nú Mɔyízi ɖɔ: “Wlǎn nǔ e jɛ lɛ́ɛ bǐ dó wěma mɛ, bónú è ma wɔn ó. Đɔ nú Jozuwée ɖɔ un ná sú Amalɛ́ki ví lɛ́ɛ sín kún dó, mɛ ɖěbǔ sɔ́ ná flín yě ɖo ayǐkúngban ɔ́ jí ǎ.”

Tíntɔ́n 17:16

É ɖɔ: “Ée Amalɛ́ki ví lɛ́ɛ glá bó dlɛ́n alɔ dó axɔ́súzinkpo Mawu Mavɔmavɔ tɔn ɔ́, Mawu Mavɔmavɔ ná ɖo ahwan fun xá yě wɛ káká sɔ́yi.”

Daniyɛ́li 2:49

Daniyɛ́li byɔ́ axɔ́sú ɔ́ ɖɔ é ní zé Cadlaki kpó Mɛcáki kpó, kpódó Abɛ́di-Nɛgó kpó ɖó nǔjíkpɔ́ntɔ́ sín tɛnmɛ ɖo tokpɔn Babilɔ́nu tɔn mɛ. É ká zé Daniyɛ́li bɔ é húzú nǔnywɛ́námɛtɔ́ ɖo axɔ́sú ɔ́ sín agba jí.

Sɛ́nflínmɛ 25:19

Din ɔ́, Mawu Mavɔmavɔ, Mawu mitɔn ná kplá mi yi to e ná ná mi wɛ é ɖe bɔ é ná nyí mitɔn ɔ́ mɛ, bó ná cyɔ́n alɔ mi jí, bɔ mi ná gló kɛntɔ́ e lɛ́dó mi lɛ́ɛ bǐ. Hwenɛ́nu ɔ́, mi ná sú Amalɛ́ki ví lɛ́ɛ sín kún dó, bɔ mɛɖé sɔ́ ná flín yě gbeɖé ɖo ayǐkúngban jí fí ǎ. Mi ɖó kɛ́n jí.

Filípunu 2:10

bónú è ylɔ̌ Jezu sín nyǐkɔ hweɖěbǔnu ɔ́, mɛ e ɖo jǐxwé lɛ́ɛ bǐ, kpó mɛ e ɖo ayǐkúngban jí lɛ́ɛ bǐ kpó, kpódó mɛ e ɖo ayǐkúngban glɔ́ lɛ́ɛ bǐ kpán ná jɛ kpo kpó sísí kpó,

1 Samuwɛ́li 15:3

Din ɔ́, yi bo gba Amalɛ́ki, bó hɛn nǔ tɔn lɛ́ɛ bǐ gblé. Ma jó é ɖésúnɔ dó ó. A nǎ hu nǔ e ɖo to ɔ́ mɛ lɛ́ɛ bǐ; a nǎ hu súnnu kpó nyɔ̌nu kpó, yɔkpɔ́vú kpó vǐ yɛ̌yɛ́ kpó, nyibú kpó gbɔ̌ kpó, lǎkúnmí kpó tócí kpó.’ ”