Ɛsitɛ́ɛ 10:3 - MAWUXÓWÉMA

³ Nǔgbó ɔ́, Maadocée Jwifu ɔ́ húzú mɛ e kpa acɛ hú mɛ bǐ ɖo axɔ́súɖuto Zɛ̌ɛzɛsi tɔn mɛ é. To ɔ́ mɛ nu Jwifu lɛ́ɛ bǐ nɔ wlí yɛ̌yi n'i, bo yí wǎn n'i. É nɔ́ wa azɔ̌ nú ɖagbe yětɔn bó nɔ́ ɖɔ xó bónú togun tɔn sín ayi ná jɛ ayǐ.

Ɛsitɛ́ɛ 10:3 Iomraidhean Croise

Bǐbɛ́mɛ 41:40

Hǔn hwi wɛ un ná sɔ́ gǎn ɖó axɔ́súɖuto ce nu, bɔ toví ce lɛ́ɛ bǐ ná se tónú nú we. Axɔ́súzinkpo e jí un ɖe ɔ́ kɛ́ɖɛ́ wɛ ná zɔ́n bɔ un ná ɖó acɛ hú we.

Bǐbɛ́mɛ 45:10

A nǎ wá sá xwé ɖó Gocɛ́ni, bó ná nɔ akpá ce, hwi kpó vǐ towe lɛ́ɛ kpó, kpó vǐvú towe lɛ́ɛ kpó, gbɔ̌ towe lɛ́ɛ, kpó nyibú towe lɛ́ɛ kpó, kpódó nǔ e a ɖǒ lɛ́ɛ bǐ kpó.

Bǐbɛ́mɛ 45:11

Nú a wǎ jɛ fí ɔ́, un ná nɔ́ ná nǔɖuɖu we; un ná nɔ́ ná nǔɖuɖu hwi kpó mɛ towe lɛ́ɛ kpó, kpódó kanlin towe lɛ́ɛ kpó; énɛ́ ɔ́, nǔɖé sɔ́ ná hwedó mi ǎ. Đó adɔ ná lɛ́ nɔ te xɔ xwe atɔ́ɔ́n.’ ”

2 Tan 28:7

Zikli ahwanfuntɔ́ ɖaxó Eflayímunu ɔ́ hu Maaseyahu axɔ́sú ɔ́ sín vǐ. É lɛ́ hu Azlikámu hɔnmɛ gán ɔ́ kpó Ɛlukana, ahwangán axɔ́sú ɔ́ tɔn kpó.

Nɛɛmíi 2:10

Nya we ɖé lɛ́ɛ tíin ɖo toxo ɔ́ mɛ, Sanbaláti Holonayímunu ɔ́ kpódó Toviya Amumɔ́ɔ ví e xo kpó ɖó n'i ɔ́ kpó. Ée yě se ɖɔ un jǎwe ɔ́, é vɛ́ nú yě káká, ɖó yě se ɖɔ mɛɖé jǎwe bó ná wá kpé nukún dó ganjíninɔ Izlayɛ́li ví lɛ́ɛ tɔn wú.

Ɛsitɛ́ɛ 2:5

Nya ɖé ká tíin, bó ɖo ahohó Súzi tɔn ɔ́ mɛ fínɛ́ bɔ è nɔ ylɔ́ ɛ ɖɔ Maadocée. Yayíi ví wɛ é nyí, bó nyí Cimɛ́yi ví, bó nyí Kícu ví. Bɛnjamɛ́ɛ sín akɔta mɛ wɛ é jɔ ɖe.

Ɛsitɛ́ɛ 3:2

Azɔ̌watɔ́ axɔ́sú ɔ́ tɔn lɛ́ɛ bǐ nɔ jɛ kpo nú Hamáa, bó nɔ́ ɖe kɔ́ n'i ɖó axɔ́sú ɔ́ wɛ ná gbe tɔn. Maadocée kɛ́ɖɛ́ jɛ́n má nɔ́ jɛ kpo bo nɔ ɖe kɔ́ n'i ǎ.

Daniyɛ́li 5:16

Lo ɔ́, un se ɖɔ hwɛ ɔ́, a nɔ ɖɔ nǔsodómɛ lɛ́ɛ, bó nɔ́ mɔ nǔ jɛ nǔbúdo lɛ́ɛ wú. Ényí a sixú xa nǔwlánwlán élɔ́, bó tínmɛ nú mì ɔ́, un ná zé axɔ́súwu dó nú we, bó ná dó sikáwlɔ kɔ nú we.”

Daniyɛ́li 5:29

Bɛlucasáa nɔ tɛn e mɛ é se nǔwlánwlán ɔ́ sín tínmɛ ɖe é, bó ná gbe mɛsɛntɔ́ tɔn lɛ́ɛ ɖɔ è nǐ zé axɔ́súwu dó nú Daniyɛ́li, bó zé sikáwlɔ dó kɔ n'i, lobo jlá ɖɔ Daniyɛ́li wɛ nyí mɛ e ɖo zinkpo atɔngɔ́ ɔ́ jí ɖo axɔ́súɖuto ɔ́ mɛ é.

Daniyɛ́li 6:3

É lɛ́ cyán gǎn nǔjíkpɔ́ntɔ́ atɔn ɖó tokpɔngán lɛ́ɛ nu. Yě wɛ tokpɔngán lɛ́ɛ ná nɔ ɖó azɔ̌ e yě wa ɔ́ sín gbe ná. É bló mɔ̌ bónú mɛɖé ma wá hɛn axɔ́sú ɔ́ sín nǔ ɖěbǔ gblé ó. Daniyɛ́li lɔ ɖo gǎn atɔn e axɔ́sú ɔ́ cyán lɛ́ɛ mɛ.

Hlɔ̌manu 10:1

Nɔví lɛ́ɛ mi, nǔ e ba wɛ un ɖe kpó ayi ce bǐ kpó, bó ɖo byɔ̌byɔ́ ɖo Mawu sí wɛ nú Jwifu lɛ́ɛ ɔ́, wɛ nyí ɖɔ yě ní mɔ hwlɛngán.

Hlɔ̌manu 14:18

Mɛ e nɔ wa azɔ̌ nú Klísu gbɔn mɔ̌ ɔ́, nǔ tɔn nɔ nyɔ́ Mawu nukún mɛ; gbɛtɔ́ lɛ́ɛ nɔ kpa ɛ.

1 Samuwɛ́li 18:16

Lo ɔ́, Izlayɛ́li to ɔ́ bǐ kpó Judáa to ɔ́ bǐ kpó yí wǎn nú Davídi, ɖó é nɔ́ nɔ yě nu bɔ yě nɔ́ yi fun ahwan bo nɔ wá.

1 Samuwɛ́li 23:17

É ɖɔ n'i ɖɔ: “Ma ɖi xɛsi nú nǔ ɖěbǔ ó, ɖó tɔ́ ce Sawúlu sixú wlí we ǎ. A nǎ ɖu axɔ́sú ɖo Izlayɛ́li, bɔ nyɛ ná bɔ dó wǔ we, bó ná nɔ glɔ́ towe. Tɔ́ ce ɖésú tunwun mɔ̌ ganjí.”