Nǔnywɛ́tɔ́xó 9:3 - MAWUXÓWÉMA

³ Nǔ e nylá hú nǔ bǐ ɖo hwe glɔ́ fí lɛ́ɛ ɔ́ ɖokpó nɛ́ nyí nǔ ɖokpó ɔ́ e nɔ́ jɛ dó gbɛtɔ́ lɛ́ɛ bǐ jí é nɛ́. Énɛ́ wɛ zɔ́n bɔ dǎkaxixo kpó nǔ agɔ agɔ wiwa kpó nɔ́ gɔ́ gbɛtɔ́ sín ayi mɛ hwebǐnu. Énɛ́ ɔ́ gúdo ɔ́, gbɛtɔ́ nɔ́ yi maɖɔnǔxwɛ.

Nǔnywɛ́tɔ́xó 9:3 Iomraidhean Croise

Bǐbɛ́mɛ 6:5

Mawu Mavɔmavɔ mɔ ɖɔ dǎka xixo gbɛtɔ́ tɔn sukpɔ́, bɔ gbɛtɔ́ nɔ́ ɖo nǔ nyanya kɛ́ɖɛ́ lin wɛ hwebǐnu.

Bǐbɛ́mɛ 8:21

Bɔ Mawu Mavɔmavɔ se vɔ̌ ɔ́ sín wǎn, bɔ é nyɔ́ se n'i, bɔ é ɖɔ nú éɖée ɖɔ: “Un sɔ́ ná dó nu ayǐkúngban ɔ́ ɖě gbeɖé, ɖó dǎka xixo gbɛtɔ́ lɛ́ɛ tɔn wú ǎ, ɖó sín do wɛ gbɛtɔ́ kó ɖó ayi nyanya sín. Un ka sɔ́ ná vɔ nǔ e ɖo gbɛ ɖo ayǐkúngban ɔ́ jí lɛ́ɛ bǐ ɖě lě e un bló gbɔn din é ǎ.

Jɔ̌bu 15:16

étɛ́ ká sɔ́ nyí gbɛtɔ́ nǔ gbɛ́hɛn, mɛ gblégblé ɔ́ tɔn lo? Gbɛtɔ́ e nɔ ɖo nǔ nyanya wa wɛ, mɛ ɖo sin nu wɛ ɖɔhun é.

Jɔ̌bu 21:26

Yě mɛ gbɛ̌ta we énɛ́ lɛ́ɛ bǐ wɛ ka nɔ wa yi kɔ́ glɔ́, bɔ agbaza yětɔn nɔ́ ji wě.

Jɔ̌bu 9:22

Nukún ce mɛ ɔ́, xomɛvɔ́nɔ kpó mɛdídá kpó ɔ́, nǔ ɖokpó ɔ́ wɛ yě nyǐ; énɛ́ ɔ́ wú wɛ un nɔ ɖɔ: Mawu nɔ́ sú xomɛvɔ́nɔ kpó mɛdídá kpó sín kún dó.

Ɖɛhan 51:5

Đó un yí nǔ e un wa nyi do lɛ́ɛ bǐ gbe, bɔ hwɛ e un hu ɔ́ ɖo nukɔn ce hwebǐnu.

Ɖɛhan 64:7

Yě nɔ́ ɖe wě nyanya bó nɔ́ ɖɔ: “Mǐ ɖo gbesisɔ mɛ, mǐ ko to nǔ mǐtɔn.” Ayixa e ɖo gbɛtɔ́ xo mɛ é kpó linlin e ɖo xo tɔn mɛ é kpó gɔ́ngɔ́n.

Nǔnywɛ́xó 14:32

Kpo e mɛdídá nyi é jɛ́n nɔ́ wa jɛ ta tɔn. Hwɛjijɔnɔ na bo ka ɖo kú nukɔn ɔ́, é nɔ́ ɖeji.

Nǔnywɛ́tɔ́xó 1:17

Un ɖɔ un ná ba do ná céɖécéɖé bó ná tunwun vogbingbɔn e ɖo nǔnywɛ́ kpó xlojijɔ kpó mɛ é, bó wá mɔ ɖɔ énɛ́ ɔ́ lɔmɔ̌ ɔ́, wezun kán ɖo jɔhɔn gúdo wɛ.

Nǔnywɛ́tɔ́xó 12:7

Flín i cóbónú agbaza towe ná húzú kɔ́gúdu, bó ná lɛ́ kɔ yi kɔ́gúdu mɛ fí e é gosín é, bɔ funfún ná tɔ́n sín agbaza towe mɛ bó ná lɛ́ kɔ yi Mawu e nɔ ná funfún ɔ́ gɔ́n.

Nǔnywɛ́tɔ́xó 2:14

Nǔgbó wɛ, mɛ e ɖó nǔnywɛ́ ɔ́, ayi tɔn nɔ mɔ nǔ; xlonɔ ɔ́, ayi tɔn ka tɔ́n nukún; amɔ̌, un mɔ ɖɔ yě mɛ we lɛ́ɛ ɔ́, tɔ ɖokpó ɔ́ mɛ hwe ɖa wɛ yě ɖe.

Nǔnywɛ́tɔ́xó 7:2

È yi xwé e gbe mɛ kú bɔ è ɖo avǐ ya ɖe wɛ ɔ́ gbe ɔ́, é nyɔ́ hú è yi xwé e gbe è ɖo awǎ jɛ ɖe wɛ é gbe; ɖó mǐ mɛ bǐ wɛ ná kú, bɔ é nyɔ́ ɖɔ mɛ ɖokpó ɖokpó ní lin tamɛ dó kú ɔ́ wú.

Nǔnywɛ́tɔ́xó 7:25

Énɛ́ ɔ́, un zin alɔ dó akɔ́n bó jɛ nǔ kplɔ́n jí, bó jɛ do ba nú nǔ jí. Un jló ná tunwun nǔ e nyí nǔnywɛ́ ɔ́ é, un jló ná tunwun nǔ e wú nǔ lɛ́ɛ nɔ́ jɛ gbɔn mɔ̌ é. Un lɛ́ jló ná tunwun nǔ e nyí dǎkaxixo é, nǔ e nyí xlojijɔ é, nǔ e nyí taɖuhunhun é kpó nǔ e nyí tamɛmasɔgbe é kpó.

Nǔnywɛ́tɔ́xó 8:11

Mɛ e wa nǔ nyanya ɔ́, è nɔ dɔn tó tɔn n'i ɖo tɛn tɔn mɛ ǎ. Énɛ́ ɔ́ wɛ zɔ́n bɔ gbɛtɔ́ lɛ́ɛ nɔ́ ɖo nǔ nyanya wa wɛ sɔ mɔ̌.

Nǔnywɛ́tɔ́xó 9:11

Un lɛ́ mɔ nǔ ɖěvo ɖěvo ɖo hwe glɔ́ fí. È yi agbahwlɛ́nhwlɛ́n tɛnmɛ ɔ́, wezunkántɔ́ e yá afɔ hú mɛ bǐ é jɛ́n nɔ́ ɖu ɖ'é jí tɛgbɛ ǎ. Mɔ̌ ɖokpó ɔ́, mɛ e dó hlɔ̌nhlɔ́n hú mɛ bǐ é jɛ́n nɔ́ ɖu ɖo ahwan jí tɛgbɛ ǎ. Mɛ e nyí nǔnywɛ́tɔ́ é jɛ́n nɔ́ ɖu nǔ gɔ́ xo tɛgbɛ ǎ. Mɛ e bí é jɛ́n nɔ́ jɛ dɔkun tɛgbɛ ǎ. Mɛ e tunwun nǔ hú mɛ bǐ é kɛ́ɖɛ́ jɛ́n ɖagbe nɔ hun hɔn ná tɛgbɛ ǎ. Đó hwe ɖé lɛ́ɛ nú ɔ́, é nɔ́ nyí ta ɖagbe nú mɛ ɖě, hwe ɖé lɛ́ɛ nú ka nɔ́ nyí ta kúkú nú mɛ ɖě.

Nǔnywɛ́tɔ́xó 9:2

Nǔ ɖokpó ɔ́ wɛ nɔ́ jɛ dó mɛ bǐ jí; nǔ e jɛ dó nǔjlɔ́jlɔ́watɔ́ jí ɔ́ wɛ nɔ́ jɛ dó mɛdídá jí; nǔ e nɔ́ jɛ dó mɛ ɖagbe kpó mɛ mímɛ́ kpó jí ɔ́ wɛ nɔ́ jɛ dó mɛ blíblí jí. Nǔ e nɔ́ jɛ dó mɛ e nɔ sá vɔ̌ é jí ɔ́ wɛ nɔ́ jɛ dó mɛ e ma nɔ sá vɔ̌ ǎ é jí; nǔ e nɔ́ jɛ dó mɛ e nɔ wa nǔ ɖó sɛ́nxwi jí ɔ́ jí ɔ́ wɛ nɔ́ jɛ dó hwɛhutɔ́ jí; nǔ e nɔ́ jɛ dó mɛ e nɔ dó akpá ɔ́ jí ɔ́ wɛ nɔ́ jɛ dó mɛ e ma nɔ glá dó akpádídó wú ǎ e jí.

Nǔnywɛ́tɔ́xó 9:4

Amɔ̌, mɛ e ɖo gbɛ lɛ́ɛ ɔ́, yě hɛn ɔ́, yě ná ɖó nukún nǔ. Nǔ nyɔ́ nú cukú gbɛɖe hú kinnikínní kúkú ǎ cé?

Jelemíi 16:12

Amɔ̌, midɛɛ lɛ́ɛ ɔ́, nǔ e mi dó sin lɛ́ɛ hú ée tɔ́gbó mitɔn lɛ́ɛ dó sin é. Nǔ e mi xwe ɔ́ wɛ mi nɔ wa, mi jló ná ɖótó mì ǎ.

Jelemíi 17:10

Nyɛ Mawu Mavɔmavɔ ɔ́, un nɔ tunwun nǔ e lin wɛ gbɛtɔ́ ɖe ɖo ayi tɔn mɛ é. Nǔ e ɖo mɛ xomɛ ɔ́, un nɔ mɔ bó nɔ́ da kpɔ́n. Énɛ́ ɔ́, un nɔ wa nǔ nú mɛ lě e walɔ mɛ ɔ́ tɔn byɔ́ gbɔn é; nǔ e mɛɖé wa ɔ́ sín axɔ́ wɛ un nɔ sú mɛ ɔ́.

Jelemíi 17:9

Gbɛtɔ́ sín ayixa hízí; ayixa tɔn dá hú nǔ bǐ. È sixú gbɔ azɔn n'i ǎ; è sixú mɔ nǔ jɛ ayi tɔn mɛ ǎ.

Luki 15:17

É wá dó ayi do, bó ɖɔ dó xomɛ ɖɔ: ‘Azɔ̌watɔ́ gěgé wɛ ɖo daá ce xwé, bɔ nǔɖuɖu kpé yě kpo, bɔ nyɛ ka wá ɖo adɔ ná kú wɛ ɖo fí.

Luki 6:11

Xomɛ ka sin yě tlala, bɔ yě jɛ wě ɖe dó nǔ e yě ná wa xá Jezu ɔ́ wú jí.

Mɛsɛ́dó 12:23

Lo ɔ́, tlóló tɛn tɔn mɛ ɔ́, wɛnsagun Aklúnɔ tɔn sín alɔ jɛ wǔ tɔn, ɖó é sɔ́ Mawu su ǎ wútu; bɔ wě ɖu i káká bɔ é kú.

Mɛsɛ́dó 26:11

Hwɛhwɛ wɛ un nɔ dɔn tó nú yě gbɔn kplɔ́ngbasá Jwifu lɛ́ɛ tɔn bǐ; un nɔ zín yě jí ɖɔ yě ní nylá nu dó Mawu wú; xomɛ yětɔn nɔ sin mì ɖaxó, bɔ un nɔ hun káká yi to ɖěvo lɛ́ɛ mɛ, bó nɔ yi dó ya nú yě.

Mɛsɛ́dó 26:24

Ée Pɔ́lu ɖo xó ɖɔ dó ba hwɛjijɔ nú éɖée wɛ mɔ̌ ɔ́, Fɛsitúsi sú xó, bó ɖɔ: “Pɔ́lu! A hun taɖu wɛ a? A kplɔ́n wěma káká bɔ é dó taɖu we!”

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

2 Piyɛ́ɛ 2:16

Lo ɔ́, è gbɛ̌ nǔ n'i, ɖó tóli e é vɛ́ ɔ́ wú. Nǔgbó ɔ́, tócí sɔ́ gbɛtɔ́ sín gbe dó jɛ xó ɖɔ jí, bó ɖó xlonɔnú e wa wɛ gbeyíɖɔ ɔ́ ɖe ɔ́ te; tócí ka nɔ ɖɔ xó ǎ.