Nǔnywɛ́tɔ́xó 8:3 - MAWUXÓWÉMA

³ Mǐ ní má nɔ́ yá wǔ hɔn acɛ tɔn nyi gbě ó. Mǐ ní má nɔ ɖo nǔ e má nɔ́ nyɔ́ nukún tɔn mɛ ǎ lɛ́ɛ wa wɛ ó; ɖó axɔ́sú ɔ́, nǔ e jló ɔ́ wɛ é nɔ́ bló.

Nǔnywɛ́tɔ́xó 8:3 Iomraidhean Croise

Bǐbɛ́mɛ 47:9

Bɔ Jakɔ́bu yí gbe n'i ɖɔ: “Un gbɔn gbě jí gbě jí káká nú xwe kantɔn wǒ (130). Un ɖó xwe nabí ɖé ǎ; nǔ e ká gbo mì ɔ́ syɛ́n. Xwe ce sɔ tɔ́gbó ce lɛ́ɛ tɔn ǎ. Gbě jí gbě jí jɛ́n yě lɔ ka gbɔn.”

Nǔnywɛ́xó 14:29

Mɛ e ma nɔ yá wǔ sin xomɛ ǎ ɔ́ mɔ nukúnnú jɛ nǔ mɛ titewungbe; lo ɔ́, mɛ e nɔ yá wǔ sin xomɛ ɔ́ nɔ ɖe taɖu tɔn xlɛ́.

Nǔnywɛ́xó 24:21

Vǐ ce, ɖǒ sísí nú Mawu Mavɔmavɔ kpó axɔ́sú kpó; ma dó gǔfɔ́ntɔ́ lɛ́ɛ sín gbɛ̌ ó.

Nǔnywɛ́xó 30:31

koklósú, é ɖo yiyi wɛ ɔ́, é nɔ́ gó; gbǎgbá kpó, axɔ́sú e ɖo ahwangɔnu tɔn nukɔn, bó ɖo yiyi wɛ ɔ́ kpó.

Nǔnywɛ́tɔ́xó 10:4

Ényí gǎn towe sin xomɛ dó we hǔn, ma jó azɔ̌ towe dó ó; ɖó è nɔ xwíí ɔ́, è nɔ gbɛ́ tagba alɔkpa bǐ.

Ezayíi 48:4

Un ka tunwun mi: ta wɛ mi nɔ syɛ́n, nǔ wɛ mi nɔ xwe, tó wɛ mi nɔ tlí.

Daniyɛ́li 5:19

Susu énɛ́ e Mawu ná ɛ ɔ́ zɔ́n bɔ togun lɛ́ɛ bǐ, akɔta lɛ́ɛ bǐ, kpó mɛ e nɔ dó gbe tɛnmɛ tɛnmɛ lɛ́ɛ é kpó bǐ nɔ́ ɖi xɛsi n'i, bó nɔ́ sísɔ́ ɖo nukɔn tɔn. É nɔ́ ɖó kúhwɛ nú mɛ e jló e é, bó nɔ́ jó mɛ e jló e ɔ́ dó nyi gbɛ. Mɛ ɖé jló e ɔ́, é nɔ́ sɔ́ mɛ ɔ́ su, mɛɖé ká jló e ɔ́, é nɔ́ sɔ́ mɛ ɔ́ hwe.