Nǔnywɛ́tɔ́xó 8:1 - MAWUXÓWÉMA

¹ Mɛ̌ ká nyí nǔnywɛ́tɔ́, bɔ nǔɖé jɛ ɔ́, é nɔ́ tunwun nǔ e ɖɔ wɛ nǔ ɔ́ ɖe ɔ́ bó nɔ́ tínmɛ? Mɛ ɖé ɖó nǔnywɛ́ ɔ́, é sɔ́ nɔ́ dɔn nukún mɛ nyɔ ǎ; nukún mɛ tɔn nɔ́ vlɔ́n.

Nǔnywɛ́tɔ́xó 8:1 Iomraidhean Croise

Bǐbɛ́mɛ 40:8

Bɔ yě yí gbe n'i ɖɔ: “Dlɔ̌ ɖé wɛ mǐ kú, bɔ mǐ mɔ mɛɖé bɔ é ná tínmɛ nú mǐ ǎ.” Jozɛ́fu ka ɖɔ nú yě ɖɔ: “Mawu wɛ nɔ́ tín nǔ mɛ nú mɛ. Mi bo ɖɔ dlɔ̌ e mi kú ɔ́ nú mì.”

Jɔ̌bu 33:23

Amɔ̌, afɔ nyɔ́ ɔ́, wɛnsagun Mawu tɔn ɖokpó ná kó ɖo akpá tɔn, ɖɛ̌mɛnu Mawu tɔn wɔ̌buwɔ́bú lɛ́ɛ ɖokpó ná kó ɖo akpá tɔn, bó ná ɖɔ nǔ e é ɖó ná wá lɛ́ɛ n'i.

Tíntɔ́n 34:35

yě nɔ́ ɖo kɔ́n e kɔ́n wɛ nukún mɛ tɔn ɖe ɔ́ kpɔ́n wɛ. Énɛ́ ɔ́ gúdo ɔ́, é nɔ́ sɔ́ avɔ ɔ́ cyɔ́n nukún mɛ, bó nɔ́ nɔ mɔ̌ káká jɛ gbe e gbe é ná lɛ́ kɔ yi ɖɔ xó xá Mawu Mavɔmavɔ é.

Nǔnywɛ́xó 1:6

è dǒ lǒ ɔ́, mɛ e ɖó nǔnywɛ́ é kpó mɛ e nyí mɛ bíbí é kpó ná mɔ nǔ jɛ mɛ; è ɖɔ nǔnywɛ́xó ɖé abǐ è so nǔ dó mɛ ɔ́, yě ná mɔ nǔ jɛ mɛ.

Nǔnywɛ́xó 12:8

Mɛ e nɔ lin tamɛ kpɔ́n ɔ́, è nɔ kpa susu n'i, bó ka nɔ hu tɛ́ nú gbɛtɔ́ ayi hízíhízínɔ.

Nǔnywɛ́xó 17:24

Gbɛtɔ́ e nɔ́ mɔ nǔ jɛ nǔ mɛ ɔ́, nǔnywɛ́ yíyí wɛ nɔ myá nukún n'i; lo ɔ́, xlonɔ sín nukún nɔ́ ɖo ma ná xɔ xi xwlé wɛ.

Nǔnywɛ́xó 21:29

Mɛdídá nɔ wa nǔ mɛ e ɖeji dó éɖée wú ɔ́ ɖɔhun; lo ɔ́, nǔjlɔ́jlɔ́watɔ́ ɔ́, éyɛ́ nɔ́ gbó adɔ dó nǔ e wa wɛ é ɖe ɔ́ wú.

Nǔnywɛ́xó 24:5

Mɛ e ɖó nǔnywɛ́ ɔ́ ɖó hlɔ̌nhlɔ́n; mɛ e tunwun nǔ ɔ́, hlɔ̌nhlɔ́n nɔ́ jɛ hlɔ̌nhlɔ́n jí n'i.

Daniyɛ́li 2:22

É wɛ nɔ́ ɖe nǔbúdo e ɖo hwlǎhwlá lɛ́ɛ xlɛ́. É tunwun nǔ e ɖo zǐnflú mɛ lɛ́ɛ, wěziza ɔ́, gɔ̌n tɔn wɛ é ɖe.

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Matíe 17:2

Jezu húzú agbaza ɖo nukɔn yětɔn, bɔ nukún tɔn mɛ nɔ́ kɔ́n ɖi hwesivɔ́ ɖɔhun; bɔ awu tɔn lɛ́ɛ wé pépé.

Mɛsɛ́dó 4:13

Mɛ e ɖo toxóɖɔgbɛ́ ɔ́ mɛ lɛ́ɛ mɔ ɖɔ Piyɛ́ɛ kpódó Jǎan kpán ɔ́, gbɛtɔ́ yǎyá ɖé kpowun wɛ yě nyí; yě kún se wěma ɖé ó; lě e yě ka gbó adɔ, bó ɖo xó ɖɔ gbɔn wɛ ɔ́ nyí nǔɖé, bó kpácá yě tlala. Yě ka mɔ nǔ jɛ yě wú ganjí ɖɔ yě mɛ e ko zɔn xá Jezu lɛ́ɛ ɖěe wɛ.

Mɛsɛ́dó 4:29

Din ɔ́, Aklúnɔ, kpɔ́n adǎn e gblɔ́n nú mǐ wɛ yě ɖe é, bó bló bónú mǐ mɛ mɛsɛntɔ́ towe lɛ́ɛ ná ɖó akɔ́nkpinkpan, bó jlá xó towe kpódó jiɖiɖe bǐ kpán.

Mɛsɛ́dó 6:15

Mɛ e ɖo ayǐjínjɔ́n ɖo toxóɖɔgbɛ́ ɔ́ mɛ lɛ́ɛ bǐ bɔ nukún nyi Etyɛ́ni wú, bɔ nukún mɛ tɔn cí wɛnsagun Mawu tɔn lɛ́ɛ sín nukún mɛ ɖɔhun ɖo yě nukún mɛ.

Hlɔ̌manu 13:5

Énɛ́ wú wɛ é ɖo dandan mɛ ɖɔ è nǐ se tónú nú acɛkpikpa lɛ́ɛ; ényí è nǎ hɔn nú xomɛsin Mawu tɔn kɛ́ɖɛ́ wú wɛ ǎ; lo ɔ́, ayixa mɛtɔn ko ɖɔ nǔ e è nǎ wa ɔ́ nú mɛ wútu wɛ.

Efɛ́zinu 6:19

Mi nɔ xo ɖɛ nú nyɛ lɔmɔ̌, bónú un ja xó ɖɔ gbé hǔn, Mawu ní ná mì xó e sɔgbe é, bónú ma ɖɔ xó kpódó jiɖiɖe kpó, bó ná dó tín nǔbúdo Wɛn Ɖagbe ɔ́ tɔn mɛ.

Sɛ́nflínmɛ 28:50

Súnnu e ɖo akɔta énɛ́ ɔ́ mɛ lɛ́ɛ jɔ lan, yě ɖó sísí nú mɛxó ǎ, yɔkpɔ́vú nú ká nɔ́ blá wǔ nú yě ǎ.

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

2 Piyɛ́ɛ 1:20

Nǔ e mi ka ná tunwun ganjí hwɛ̌ ɔ́ ɖíe: mɛ ɖěbǔ sixú sɔ́ nǔnywɛ́ é ɖésúnɔ tɔn dó tín Mawuxó e è wlǎn ɔ́ mɛ ná ǎ.