Nǔnywɛ́tɔ́xó 7:3 - MAWUXÓWÉMA

³ Aluwɛ nyɔ́ hú nǔkiko, ɖó aluwɛ nɔ zɔ́n bɔ è nɔ blá wǔ ɖo nukún mɛ, lo ɔ́ é nɔ́ wlí ayi dó xomɛ nú mɛ.

Nǔnywɛ́tɔ́xó 7:3 Iomraidhean Croise

Ɖɛhan 119:67

Cóbónú è nǎ sɔ́ mì hwe ɔ́, ali bú wɛ un ko ɖe; amɔ̌, din ɔ́, nǔ e a ɖɔ lɛ́ɛ wa wɛ un ɖe.

Ɖɛhan 119:71

Wǔvɛ́ e un mɔ é ɔ́, ɖagbe wɛ é nyí nú mì, énɛ́ wɛ zɔ́n bɔ un kplɔ́n tito towe lɛ́ɛ.

Nǔnywɛ́tɔ́xó 2:2

Un ka mɔ ɖɔ nǔkiko lɔ ɔ́, xlojijɔ wɛ, bɔ nǔɖé ká ɖo awǎjijɛ lɔ mɛ ǎ.

Nǔnywɛ́tɔ́xó 7:4

Nǔnywɛ́tɔ́ sín ayi nɔ ɖo xwé e gbe avǐ ɖe ɔ́ gbe; xlonɔ sín ayi ka nɔ ɖo xwé e gbe awǎjijɛ ɖe é gbe.

Daniyɛ́li 10:19

bɔ é ɖɔ nú mì ɖɔ: ‘Wǎnyínámɔ Mawu tɔn, ma ɖi xɛsi ó. Nǔ wɛ nyɔ́ nú we! Lɛ̌ kpan akɔ́n! Dǒ gǎn!’ Hwenu e é ɖo xó ɖɔ nú mì wɛ ɔ́, hlɔ̌nhlɔ́n ɖo wǔ ce wá wɛ, bɔ un ɖɔ n'i lo ɖɔ: ‘Sɛ́mɛɖó ce, a hɛn ɔ́, a nǎ ɖɔ xó nú mì din, ɖó a nǎ hlɔ̌nhlɔ́n mì.’

Luki 6:21

Nǔ nyɔ́ nú mi mɛ e xovɛ́ ɖo sinsin wɛ din lɛ́ɛ é, ɖó mi ná gɔ́ xo. Nǔ nyɔ́ nú mi mɛ e ɖo avǐ ya wɛ din lɛ́ɛ é, ɖó mi ná ko nǔ.

Luki 6:25

Heelú mi mɛ e ɖu nǔ gɔ́ xo din lɛ́ɛ é, ɖó xovɛ́ ná wá sin mi! Heelú mi mɛ e ɖo nǔ ko wɛ din lɛ́ɛ é, ɖó mi ná wá nɔ aluwɛ mɛ, bó ná ya avǐ!

2 Kɔlɛ́ntinu 4:17

Wǔvɛ́ kpɛ e mɔ wɛ mǐ ɖe din nú hwenu ɖé ɔ́ nɔ́ bló susu mavɔ mavɔ ɖ'ayǐ nú mǐ, bɔ é nɔ́ túnflá; susu énɛ́ ɖo tají hú wǔvɛ́ e mɔ wɛ mǐ ɖe din é ɖaxó.