Nǔnywɛ́tɔ́xó 7:2 - MAWUXÓWÉMA

² È yi xwé e gbe mɛ kú bɔ è ɖo avǐ ya ɖe wɛ ɔ́ gbe ɔ́, é nyɔ́ hú è yi xwé e gbe è ɖo awǎ jɛ ɖe wɛ é gbe; ɖó mǐ mɛ bǐ wɛ ná kú, bɔ é nyɔ́ ɖɔ mɛ ɖokpó ɖokpó ní lin tamɛ dó kú ɔ́ wú.

Nǔnywɛ́tɔ́xó 7:2 Iomraidhean Croise

Ɖɛhan 90:12

Xlɛ́ mǐ ɖɔ azǎn nabí e mǐ ná nɔ gbɛ ná ɔ́, nǔ xixa wɛ. Énɛ́ ɔ́, ayi mǐtɔn ná mɔ nǔ.

Nǔnywɛ́tɔ́xó 2:14

Nǔgbó wɛ, mɛ e ɖó nǔnywɛ́ ɔ́, ayi tɔn nɔ mɔ nǔ; xlonɔ ɔ́, ayi tɔn ka tɔ́n nukún; amɔ̌, un mɔ ɖɔ yě mɛ we lɛ́ɛ ɔ́, tɔ ɖokpó ɔ́ mɛ hwe ɖa wɛ yě ɖe.

Nǔnywɛ́tɔ́xó 2:16

Nǔnywɛ́tɔ́ ɔ́, è nɔ flín i káká sɔ́yi ǎ; mɔ̌ ɖokpó ɔ́, è nɔ flín xlonɔ lɔmɔ̌ káká sɔ́yi ǎ. Ayǐ ɖo hǐnhɔ́n dó ayǐ jí wɛ ɔ́, è nɔ wɔn yě. Nǔnywɛ́tɔ́ nɔ́ kú, xlonɔ lɔ nɔ kú.

Nǔnywɛ́tɔ́xó 3:19

Đó nǔ e ɖo te kpɔ́n kanlin ɔ́ jɛ́n ɖo te kpɔ́n gbɛtɔ́ lɔ; funfún e ɖo kanlin xomɛ é jɛ́n ɖo gbɛtɔ́ xomɛ; kanlin ná kú, gbɛtɔ́ lɔ ná kú. Gbɛtɔ́ nyí nǔɖé hú kanlin ǎ; ɖó nǔ lɛ́ɛ bǐ wɛ nyí nǔ yǎyá.

Nǔnywɛ́tɔ́xó 3:20

Nǔ e ɖo gbɛ é bǐ wɛ è zě kɔ́ dó bló; bǐ wɛ ná lɛ́ húzú kɔ́; fí ɖokpó ɔ́ wɛ bǐ xwe.

Nǔnywɛ́tɔ́xó 6:6

Gbɛtɔ́ ná bó nɔ gbɛ xɔ xwe afɔwó (2.000), bó má ká mɔ gbɛ víví ǎ ɔ́, gbɛ wɛ nyí gbɛ énɛ́ ɔ́ a? Nǔ e ɖó funfún e bǐ jɛ́n ná wá kú ǎ cé?

Nǔnywɛ́tɔ́xó 9:2

Nǔ ɖokpó ɔ́ wɛ nɔ́ jɛ dó mɛ bǐ jí; nǔ e jɛ dó nǔjlɔ́jlɔ́watɔ́ jí ɔ́ wɛ nɔ́ jɛ dó mɛdídá jí; nǔ e nɔ́ jɛ dó mɛ ɖagbe kpó mɛ mímɛ́ kpó jí ɔ́ wɛ nɔ́ jɛ dó mɛ blíblí jí. Nǔ e nɔ́ jɛ dó mɛ e nɔ sá vɔ̌ é jí ɔ́ wɛ nɔ́ jɛ dó mɛ e ma nɔ sá vɔ̌ ǎ é jí; nǔ e nɔ́ jɛ dó mɛ e nɔ wa nǔ ɖó sɛ́nxwi jí ɔ́ jí ɔ́ wɛ nɔ́ jɛ dó hwɛhutɔ́ jí; nǔ e nɔ́ jɛ dó mɛ e nɔ dó akpá ɔ́ jí ɔ́ wɛ nɔ́ jɛ dó mɛ e ma nɔ glá dó akpádídó wú ǎ e jí.

Nǔnywɛ́tɔ́xó 9:3

Nǔ e nylá hú nǔ bǐ ɖo hwe glɔ́ fí lɛ́ɛ ɔ́ ɖokpó nɛ́ nyí nǔ ɖokpó ɔ́ e nɔ́ jɛ dó gbɛtɔ́ lɛ́ɛ bǐ jí é nɛ́. Énɛ́ wɛ zɔ́n bɔ dǎkaxixo kpó nǔ agɔ agɔ wiwa kpó nɔ́ gɔ́ gbɛtɔ́ sín ayi mɛ hwebǐnu. Énɛ́ ɔ́ gúdo ɔ́, gbɛtɔ́ nɔ́ yi maɖɔnǔxwɛ.

Nǔnywɛ́tɔ́xó 9:5

Nǔgbó ɔ́, mɛ e ɖo gbɛ lɛ́ɛ má tunwun ɖɔ émí ná kú vɔ́vɔ́ a? Lo ɔ́, mɛ e ko kú lɛ́ɛ sɔ́ tunwun nǔɖé ǎ. Nǔ ɖó nukún ɖěbǔ sɔ́ ɖe nú yě ǎ, ɖó è ko wɔn yě.

Ezayíi 47:7

A nɔ ɖɔ: ‘Un ná nɔ gbɛ káká sɔ́yi, un ná ɖu gǎn ɖo gbɛ ɔ́ nu káká sɔ́yi.’ A ka lin tamɛ dó nǔ e ɖo jijɛ wɛ lɛ́ɛ wú ǎ; a lin nǔ e ná wá jɛ sɔ ɔ́ kpɔ́n ǎ.

Jelemíi 16:8

“Ma ka yi xwé e gbe è ɖo agɔ̌ ɖu ɖe wɛ ɔ́ ó. Ma yi dɔ̌n bó yi jínjɔ́n ayǐ bó ɖu nǔ bó nu ahan xá yě ó.

Ajée 1:5

Nyɛ Mawu Mavɔmavɔ Nǔbǐwúkpétɔ́ ɔ́, má kan nǔ ɖokpó byɔ́ mi. Mi ka nɔ lin tamɛ dó nǔ e ɖo mi gbo wɛ lɛ́ɛ wú a?

Malacíi 2:2

Ényí mi ma ɖótó mì ǎ ɔ́, ényí mi ma sɔ́ dó ayi mɛ ɖɔ mi ná sɔ́ nyǐkɔ ce su ǎ ɔ́, un ná sɛ́ nyladó dó mi, bó ná hɛn nyɔ̌ná mitɔn lɛ́ɛ gblé. Nǔgbó wɛ, un dó nu mi, ɖó mi sɔ́ dó ayi mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Kɛ́nsísɔ́ 23:10

Mɛ̌ ká sixú xa Jakɔ́bu ví wɔ̌buwɔ́bú énɛ́ lɛ́ɛ, bó ná ɖɔ mɛ nabí e ɛnɛvlɔ́ɖó Izlayɛ́li ví lɛ́ɛ tɔn nyí é? Un byɔ́ ɖɔ má kú kú e hwɛjijɔnɔ lɛ́ɛ kú é. Un byɔ́ ɖɔ gbɛzán ce ní fó yědɛɛ lɛ́ɛ tɔn ɖɔhun.”

Matíe 5:4

Nǔ nyɔ́ nú mɛ e ɖo aluwɛ mɛ lɛ́ɛ, ɖó è nǎ dó gbɔ nú yě.

Sɛ́nflínmɛ 32:29

Nǔnywɛ́ kpɛɖé jɛ́n hwedó yě, bɔ yě ná tunwun fí e nǔ e wa wɛ yě ɖe ɔ́ kplá yě xwe é.

Sɛ́nflínmɛ 32:46

é ɖɔ nú yě ɖɔ: “Mi zé xó e ɖɔ nú mi wɛ un ɖe égbé lɛ́ɛ ylɔ́ ɖɔ nǔ. Mi xa yě nú vǐ mitɔn lɛ́ɛ, bónú yě ní wa nǔ e sɛ́n ɔ́ ɖɔ é.

Filípunu 3:19

Fí e yě ná yi dɔn ɖe ɔ́ wɛ yě kán wezun xwe; ɖó nǔ ɖokpó e yě nɔ sɛn ɔ́ wɛ nyí adɔgo yětɔn ; yě nɔ xɔ susu ɖo nǔ e ɖó ná hu winnyá nú yě ɔ́ mɛ, bɔ gbɛ mɛ fí sín nǔ lɛ́ɛ kɛ́ɖɛ́ jí jɛ́n ayixa yětɔn nɔ ɖe.

Eblée 9:27

Gbɛtɔ́ ɖěbǔ ɔ́, azɔn ɖokpó géé wɛ é ɖó ná kú, bɔ énɛ́ ɔ́ gúdo ɔ́, Mawu ná ɖɔ hwɛ xá ɛ.