Nǔnywɛ́tɔ́xó 7:1 - MAWUXÓWÉMA

¹ È mlǎ nyǐkɔ ɖagbe mɛ ɔ́, é nyɔ́ hú célu e nyɔ́ wǎn ganjí é. Azǎn e gbe è kú ɔ́ nyɔ́ hú azǎn e gbe è jɔ é.

Nǔnywɛ́tɔ́xó 7:1 Iomraidhean Croise

Jɔ̌bu 3:17

Mɛdídá lɛ́ɛ sɔ́ ɖó adǎn ɖě ɖo yɔdo mɛ fínɛ́ ǎ. Mɛ e nǔ cikɔ ná, mɛ e má ɖó gǎn ǎ lɛ́ɛ nɔ gbɔjɛ́ ɖo fínɛ́.

Ɖɛhan 133:2

É cí ami wǎnɖagbenɔ ɖɔhun, ami wǎnɖagbenɔ e è kɔn dó ta nú Aalɔ́ɔn é ɖɔhun, é sa gbɔn atán tɔn mɛ, é sa káká wá awu tɔn kɔ.

Nǔnywɛ́xó 15:30

È ko nǔ dó mɛ ɔ́, xomɛ nɔ hun mɛ; wɛn ɖagbe nɔ dó wǔsyɛ́n lanmɛ nú mɛ.

Nǔnywɛ́xó 22:1

È mlǎ nyǐkɔ ɖagbe mɛɖé ɔ́, é nyɔ́ hú mɛ ɔ́ jɛ dɔkun gbɔn tókɔ awɔnkɔ. Wǎn yí nú mɛ xɔ akwɛ́ hú kpatágan; é xɔ akwɛ́ hú siká.

Nǔnywɛ́xó 25:10

É má nyí mɔ̌ ǎ ɔ́, é táá wá se, bó zun we, bɔ wi e ɖo ta towe ɔ́ ná kɔ́n bǐ sésé.

Nǔnywɛ́xó 27:9

Nǔsáwǔ wǎnnywɛ́ lɛ́ɛ kpó célu lɛ́ɛ kpó nɔ́ ná bɔ xomɛ nɔ hun mɛ; amɔ̌, xomɛfífá e xɔ́ntɔn nɔ́ ɖó dó mɛ wú ɔ́ nyí célu ɖé ɔ́, é nyɔ́ wǎn hú nǔ énɛ́ lɛ́ɛ bǐ.

Nǔnywɛ́tɔ́xó 10:1

Nú sukpɔ kúkú ɖo célu mɛ ɔ́, é nɔ́ hɛn célu ɔ́ gblé, bɔ é nɔ́ hwɛ́n nǔ kúkú. Mɔ̌ ɖokpó ɔ́, nǔgblégbléwiwa kpɛví ɖé nɔ́ hɛn nǔnywɛ́ kpó susu kpó gblé.

Nǔnywɛ́tɔ́xó 4:2

Un mɔ din ɖɔ mɛ e ko kú lɛ́ɛ ɖu gbɛ hú mɛ e kpo ɖo gbɛ din lɛ́ɛ.

Nǔnywɛ́tɔ́xó 7:8

Hwenu e è fó nǔɖé dó ɔ́, é nyɔ́ hú hwenu e è bɛ̌ é. È xwesɔ ɔ́, é nyɔ́ hú è blǒ glagla.

Hanvíví 1:3

Wǎn towe nyɔ́ se tawun! Nyǐkɔ towe nyí ami wǎnɖagbenɔ ɖé bó gba kpé fí bǐ. Énɛ́ wú wɛ ɖyɔ̌vǐ lɛ́ɛ yí wǎn nú we.

Hanvíví 4:10

Nɔví ce nyɔ̌nu, asixɔ́ntɔn ce, wǎn e a yí nú mì ɔ́ nɔ́ dó vǐví lan ce mɛ, wǎn e a yí nú mì ɔ́ nɔ́ mú mì hú vɛ̌ɛn; wǎn towe nyɔ́ se nú mì hú célu bǐ.

Ezayíi 56:5

un ná tun awǐnnya ɖokpó te ɖo xwé ce gbe, bó ná wlán nyǐkɔ yětɔn d'é wú; énɛ́ ɔ́ ná xɔ akwɛ́ nú yě hú vǐ súnnu kpó nyɔ̌nu kpó. Nyǐkɔ e un ná ná yě ɔ́ ná nɔ te káká sɔ́yi, é ná súnsún gbeɖé ǎ.”

Jonási 4:3

Din ɔ́, Mawu Mavɔmavɔ, gbɔ bo hu mì; ɖó un kú din ɔ́, é nyɔ́ nú mì hú un nɔ gbɛ.”

Luki 10:20

É ɖo mɔ̌ có, yɛ nyanya lɛ́ɛ e jó ta nú mi é wú wɛ xomɛ ná hun mi ǎ; lo ɔ́, xomɛ ní hun mi ɖó nyǐkɔ mitɔn e è wlǎn ɖó sɛ́xwé é wú.”

Jǎan 13:2

Jezu kpódó ahwanvú tɔn lɛ́ɛ kpó ɖo gbada nǔɖuɖu ɖu wɛ. Awǒvi ka ko sɔ́ linlin nyanya dó ayi mɛ nú Judási Sinmɔ́ɔ Isikaliɔ́ti ví ɔ́, ɖɔ ní sa Jezu.

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

2 Kɔlɛ́ntinu 5:8

Akɔ́nkpinkpan gɔ́ ayi mɛ nú mǐ, bɔ nǔ e jló mǐ tawun ɔ́ wɛ nyí ɖɔ mǐ ní gosín agbaza élɔ́ mɛ, bó ná yi nɔ xwé mǐtɔn gbe, ɖo Aklúnɔ gɔ́n.

Eblée 11:2

Nǔ e gbɛtɔ́ xóxó hwenu tɔn lɛ́ɛ ɖi ɔ́ wɛ zɔ́n bɔ Mawu ɖe kúnnu ɖagbe nú yě.

Eblée 11:39

È ɖe kúnnu ɖagbe nú yě ɖó nǔɖiɖi yětɔn wú; có yě ka mɔ nǔ e sín akpá Mawu dó nú yě ɔ́ yí ǎ.

Nǔɖexlɛ́mɛ 14:13

Un se gbe ɖé bɔ gbe ɔ́ ɖɔ nú mì sín jǐxwé ɖɔ: “Wlǎn nǔ élɔ́: ‘Mɛ e ɖo kúkú wɛ ɖo Aklúnɔ mɛ bɛ́ sín din lɛ́ɛ ɔ́, nǔ nyɔ́ nú yě!’ ” Yɛ ɔ́ ɖɔ: “Ɛɛn nǔgbó wɛ, yě hɛn ɔ́, yě ná gbɔjɛ́ ɖo azɔ̌ syɛ́nsyɛ́n e yě wa lɛ́ɛ mɛ, ɖó ɖagbe e yě wa lɛ́ɛ kpó yě kpo ɖo yiyi wɛ.”

Hwliti 3:14

Bɔ Hwliti mlɔ́ afɔ tɔn ligbé fínɛ́ káká bɔ ayǐ hɔ́n. É ká yá wǔ fɔ́n zǎn bó sí te cóbɔ gbɛmɛ hɔ́n. Bowozi ka ɖɔ n'i ɖɔ: “Mɛ ɖé ní má tunwun ɖɔ nyɔ̌nu wá dɔ́ fí ó.”