Nǔnywɛ́tɔ́xó 6:3 - MAWUXÓWÉMA

³ Mɛ ɖé sixú ɖó vǐ kɔn nyi kpɔ́, bó lɛ́ dɔ́ ji káká bɔ afɔfún nyí hwa bɔ alɔfún nyí hwa. Nú é má ká ɖu gbɛ ɖé ɖo gbɛ tɔn mɛ ǎ ɔ́, étɛ́ é ká nɔ gbɛ dó wa? Nú è ma ka lɛ́ ɖi i dó yɔdo mɛ ǎ ɔ́, étɛ́ é ká nɔ gbɛ dó wa? Nyɛ mɔ ɖɔ vǐ e flɛ́ kɛ́n ɔ́ tɔn nyɔ́ hú éyɛ́ tɔn,

Nǔnywɛ́tɔ́xó 6:3 Iomraidhean Croise

Bǐbɛ́mɛ 33:5

Esawu zé ta bo mɔ nyɔ̌nu lɛ́ɛ kpó vǐ yětɔn lɛ́ɛ kpó, bó kanbyɔ́ Jakɔ́bu ɖɔ: “Mɛ̌ ká nyí mɛ élɔ́ lɛ́ɛ?” Bɔ Jakɔ́bu yí gbe n'i ɖɔ: “Vǐ e Mawu jɔwǔ mì, bó ná nyɛ mɛsɛntɔ́ towe ɔ́ lɛ́ɛ wɛ.”

Bǐbɛ́mɛ 47:9

Bɔ Jakɔ́bu yí gbe n'i ɖɔ: “Un gbɔn gbě jí gbě jí káká nú xwe kantɔn wǒ (130). Un ɖó xwe nabí ɖé ǎ; nǔ e ká gbo mì ɔ́ syɛ́n. Xwe ce sɔ tɔ́gbó ce lɛ́ɛ tɔn ǎ. Gbě jí gbě jí jɛ́n yě lɔ ka gbɔn.”

2 Axɔ́sú 10:1

Akábu ɖó vǐ súnnu kpó vǐvú súnnu kpó kanɖé gban (70). Samalíi wɛ yě nɔ́ nɔ. Jehu sɛ́ wěma dó ahwangán Izleyɛ́li tɔn lɛ́ɛ, tomɛxó lɛ́ɛ, kpó mɛ e nɔ kplɔ́n nǔ Akábu ví lɛ́ɛ kpó ɖo Samalíi. É ɖɔ dó wěma ɔ́ mɛ ɖɔ:

2 Axɔ́sú 9:35

Yě tɔ́n, bó ná yi sɔ́ cyɔ ɔ́ yi, lo ɔ́, yě sɔ́ mɔ nǔɖé zɛ takágo tɔn kpó afɔ tɔn lɛ́ɛ kpó, kpódó alɔ tɔn lɛ́ɛ kpó wú ǎ.

1 Tan 28:5

Đo vǐ tobutóbú e é ná mì lɛ́ɛ mɛ ɔ́, vǐ ce Salomɔ́ɔ wɛ é sɔ́, bɔ é ná yi axɔ́súzinkpo Izlayɛ́li tɔn ɔ́ jí, bó ná ɖu axɔ́sú ɖo Mawu Mavɔmavɔ nyíkɔ mɛ.

2 Tan 11:21

Hlobowámu yí wǎn nú Maaka Abusalɔ́mu ví ɔ́ hú asi ɖě lɛ́ɛ bǐ. Asi afɔtɔn-nukún-atɔn wɛ é ɖó, bó lɛ́ ɖó asi kanɖé ko (60) ɖěvo. É ɖó vǐ súnnu koatɔ́n-nukún-atɔn (28) bó ɖó vǐ nyɔ̌nu kanɖé ko (60).

Ɛsitɛ́ɛ 5:11

Ée yě wá ɔ́, é jɛ lě e dɔkun tɔn lɛ́ɛ sukpɔ́ sɔ ɔ́, lě e vǐ tɔn lɛ́ɛ sukpɔ́ sɔ ɔ́ ɖó hǎ nú yě jí; é ɖó lě e axɔ́sú ɔ́ sɔ́ ɛ ɖó tɛn ɖaxó mɛ gbɔn ɔ́, lě e é sɔ́ ɛ ɖó nukɔn nú azɔ̌watɔ́ lɛ́ɛ kpó azaglɔ́gán lɛ́ɛ bǐ kpó gbɔn, bó dó sɔ́ ɛ su ɔ́ hǎ nú yě.

Ɛsitɛ́ɛ 7:10

Bɔ è dǒ kan kɔ nú Hamáa dó kpo e é kpa ɖ'ayǐ nú Maadocée ɔ́ wú; énɛ́ ɔ́, axɔ́sú ɔ́ sín xomɛ fá.

Jɔ̌bu 3:11

Aniwú un ma ka kú ɖo nɔ ce xomɛ ǎ? Aniwú un ma ka lɛ́ kɔ ɖo ajidonu ǎ?

Jɔ̌bu 3:16

Abǐ étɛ́wú un ma nyí vǐflɛ́kɛ́n e è sɔ́ hwlá ɔ́ ǎ? Étɛ́wú un ma nyí vǐ e má mɔ hwe ɖó nukún wú ɔ́ ǎ é?

Ɖɛhan 58:8

Yě ní sa yi ayǐsun ɖɔhun, yě da gǎ hǔn, ní má yi zɔ ó.

Nǔnywɛ́xó 17:6

Vǐvú lɛ́ɛ wɛ nyí jɛ̌gbákún ɖo ta nú degénɔ kpikpoe lɛ́ɛ, bɔ tɔ́ lɛ́ɛ nyí susu vǐ yětɔn lɛ́ɛ tɔn.

Nǔnywɛ́tɔ́xó 4:3

Lo ɔ́, mɛ e ma jɔ wá gbɛ ɔ́ mɛ ǎ ɔ́ ɖu gbɛ hú yě bǐ; ɖó éyɛ́ mɔ nǔ agɔ e è nɔ wa ɖo hwe glɔ́ fí lɛ́ɛ kpɔ́n ǎ.

Nǔnywɛ́tɔ́xó 6:4

ɖó vǐ e flɛ́ kɛ́n wá gbɛ ɔ́ mɛ dó wǔvɔ́; é lɛ́ kɔ yi zǐnflú mɛ, bɔ mɛɖé sɔ́ nɔ́ flín i ǎ,

Jelemíi 22:19

È nǎ ɖi i kanlin ɖɔhun. È nǎ dɔn ɛ gbɔn kɔ́ mɛ, bó dɔn ɛ nyi Jeluzalɛ́mu toxo ɔ́ gúdo.”

Jelemíi 36:30

Énɛ́ wú ɔ́, Mawu Mavɔmavɔ ɖɔ dó Yoyakímu wú ɖɔ: Yoyakímu ví ɖě ná yi Davídi zinkpo jí ǎ. Cyɔ tɔn ná nɔ agě jí, bɔ hwe ná hun d'é jí, bɔ ahǔn na nɔ ja d'é jí.

Jelemíi 8:2

bó tɛ́ xú énɛ́ lɛ́ɛ gbɔn fí bǐ; è nǎ tɛ́ ɖó hwe kpó sun kpó sunví lɛ́ɛ bǐ kpó nukɔn; nǔ énɛ́ lɛ́ɛ wɛ mɛ énɛ́ lɛ́ɛ yí wǎn ná bó sɛn. Nǔ énɛ́ lɛ́ɛ wɛ yě xwedó, nǔ énɛ́ lɛ́ɛ wɛ yě nɔ́ kan nǔ byɔ́, nǔ énɛ́ lɛ́ɛ wɛ yě nɔ́ ɖe kɔ́ ná hwenu e yě ɖo gbɛ é. Mɛ ɖé ná ɖ'alɔ xú énɛ́ lɛ́ɛ wú ǎ; mɛɖé ká ná ɖi yě ǎ; yě ná nyí zunkɔ́ kpowun ɖo ayǐkúngban jí.

Matíe 26:24

Nyɛ Gbɛtɔ́ví ɔ́ ɖó ná kú, lě e è ko wlán gbɔn ɖó wǔtu ce é; amɔ̌, heelú mɛ e ka ná sa mì é; mɛ énɛ́ gbɔ bó gɔn gbɛ wá ɔ́, é nyɔ́ n'i hú.”