Nǔnywɛ́tɔ́xó 5:2 - MAWUXÓWÉMA

² Nǔ linlin hú gǎn mɛ ɔ́, dlɔ̌ wɛ è nɔ kú; mɔ̌ ɖokpó ɔ́, è ɖo xó ɖɔ wɛ dín ɔ́, xó gbló wɛ è nɔ ɖɔ.

Nǔnywɛ́tɔ́xó 5:2 Iomraidhean Croise

Bǐbɛ́mɛ 18:27

Ablaxámu lɛ́ yí xó bó ɖɔ: “Aklúnɔ, kɛnklɛ́n, ta wɛ un syɛ́n bó ɖɔ xó nú we, ɖó kɔ́ kpó afín kpó yǎyá wɛ un nyí.

Bǐbɛ́mɛ 18:30

Ée Mawu Mavɔmavɔ ɖɔ mɔ̌ ɔ́, Ablaxámu ɖɔ: “Aklúnɔ, nú un lɛ́ kpo ɖo xó ɖɔ wɛ hǔn, kɛnklɛ́n bó má sin xomɛ ó; un ná lɛ́ ɖɔ xó; afɔ nyɔ́ ɔ́, è sixú mɔ mɛ ɖagbe gban (30).” “Nú un mɔ mɛ ɖagbe gban (30) ɖo toxo ɔ́ mɛ ɔ́, un ná gba toxo ɔ́ ǎ.”

Bǐbɛ́mɛ 18:32

Ablaxámu lɛ́ ɖɔ: “Aklúnɔ, kɛnklɛ́n bó ma sin xomɛ ó; xó gǔdo gúdo tɔn ɖíe ɖɔ gbé un ja e. Afɔ nyɔ́ ɔ́, è sixú mɔ mɛ ɖagbe wǒ ɖo toxo ɔ́ mɛ.” Mawu Mavɔmavɔ ka ɖɔ: “Un ná gba toxo ɔ́ ǎ, ɖó mɛ ɖagbe wǒ énɛ́ lɛ́ɛ wú.”

Bǐbɛ́mɛ 28:20

Ée Jakɔ́bu bló mɔ̌ ɔ́, é d'akpá ɖɔ: “Ényí Mawu nɔ kpɔ́ xá mì ɔ́, nú é kpé nukún wǔ ce ɖo ali jí ɔ́, ényí é ná nǔɖuɖu mì bó ná nǔ e un ná dó ɔ́ mì ɔ́,

Bǐbɛ́mɛ 28:22

Awǐnnya élɔ́ e un sɔ́ tun te dó bló awǐnnya e è nǎ nɔ́ sɛn ɔ́ ná nyí Mawu xwé.” Bɔ é ɖɔ nú Mawu ɖɔ: “Nǔ e a nǎ ná mì lɛ́ɛ ɔ́, un ná ná we bǐ sín mǎɖówǒ.”

Ɖɛhan 115:3

Mawu mǐtɔn ɖo sɛ́xwé; nǔ e jló e lɛ́ɛ bǐ wɛ é nɔ́ bló.

Nǔnywɛ́xó 10:19

Mɛ e nɔ ɖɔ xó dín é nɔ́ gɔn xó ɖɔ nyi do nú mɛ ǎ; mɛ e ka nɔ hɛn nu tɔn ɔ́, ayi tɔn ɖo te.

Nǔnywɛ́xó 20:25

È ma lin tamɛ kpɔ́n ǎ, bó dó akpá ɖɔ émí ná sɔ́ nǔɖé ɖó vo nú Mawu, abǐ è ko dó akpá ɔ́ cóbó wá jɛ tamɛ lin jí ɔ́, nǔ nyanya wɛ.

Nǔnywɛ́tɔ́xó 10:12

Nǔnywɛ́tɔ́ ɖo xó ɖɔ wɛ ɔ́, xó tɔn nɔ́ zɔ́n bɔ è nɔ ɖó sísí n'i. Xlonɔ ka yí xó ɔ́, é nɔ́ ɖɔ xó bó nɔ́ kɔ́n wi éɖée tɔn.

Nǔnywɛ́tɔ́xó 10:13

Xlonɔ kɛ nu ɔ́, xó majɛtó majɛtó ɖé wɛ é nɔ́ bɛ́; é nɔ́ ɖo xó gblégblé, xó má nyɔ́ se ɖɔ wɛ káká yí fó.

Nǔnywɛ́tɔ́xó 5:3

Nú a dǒ akpá nú Mawu hǔn, ɖe; ma nú é nɔ lǐnlín mɛ ó, ɖó Mawu nɔ́ yí wǎn nú xlonɔ lɛ́ɛ ǎ. Akpá e a dǒ ɔ́, bo ɖe.

Nǔnywɛ́tɔ́xó 5:7

Nú a mɔ bɔ è ɖo wamamɔnɔ blɛ́ ɖu wɛ, bó ɖo hwɛ agɔ dó wɛ, bó ɖo mɛ táfú wɛ ɖo tokpɔn ɖé mɛ hǔn, ma nú é kpácá we ó, ɖó azɔ̌watɔ́ ɖaxó ɖokpó ɖokpó ɖó gǎn bɔ é nɔ́ nya xɛ ɖo jǐ tɔn, bɔ mɛ ɖěvo lɛ́ ɖe bó nyí gǎn nú yě mɛ we lɛ́ɛ, lobo nɔ nya xɛ ɖo yě jí.

Ezayíi 55:9

Lě e jǐxwé yi jǐ hú ayǐkúngban sɔ ɔ́, mɔ̌ wɛ walɔ ce lɛ́ɛ yi jǐ hú walɔ mitɔn lɛ́ɛ sɔ. Mɔ̌ ɖokpó ɔ́ wɛ linlin ce lɛ́ɛ yi jǐ hú linlin mitɔn lɛ́ɛ sɔ.

Levíi ví 5:4

“Kpɔ́ndéwú ɖěvo: Ényí mɛɖé ɖo alisá ɖó wɛ, bó xwlé nǔ ɖɔ émí ná wa nǔ ɖagbe abǐ nǔ nyanya ɔ́, nú é ná bó má tunwun cóbó ɖɔ ǎ, bó ká wá tunwun hweɖénu ɔ́, é ji nǔɖé ɔ́, é ná kpan.

Matíe 6:7

“Mi ɖo ɖɛ xo wɛ hǔn, mi ma nɔ wlí xómaɖixó lɛ́ɛ ɖɔ mɛ e ma nɔ sɛn Mawu ǎ lɛ́ɛ ɖɔhun ó; yědɛɛ lɛ́ɛ wɛ nɔ vɛdó ɖɔ xó gěgé wlí ɖɔ wɛ ná zɔ́n bɔ Mawu ná yí ɖɛ émítɔn sín.

Matíe 6:9

Lě e mi ɖó ná nɔ xo ɖɛ gbɔn ɔ́ ɖíe: ‘Tɔ́ mǐtɔn e ɖo sɛ́xwé ɔ́, nyǐkɔ towe ní nyí nǔsísí.

Maki 6:23

Bó dó akpá n'i ɖɔ: “Nǔ ɖěbǔ e a ko sixú byɔ́ ɔ́, é ná bo nyí axɔ́súɖuto ce sín vlɔ̌ɖówe ɔ́, un ná ná we.”

Jaki 3:2

Mǐ mɛ bǐ wɛ nɔ wa nǔ nyi do gbɔn alɔkpa gěgé mɛ. Ényí mɛɖé ma wa nǔ nyi do gbeɖé ɖo xó ɖiɖɔ tɔn lɛ́ɛ mɛ ǎ ɔ́, mɛ ma ɖó blɔ̌ ɖo wǔ wɛ nyí mɛ énɛ́; mɛ énɛ́ hɛn ɔ́, é ná lɛ́ ɖu ɖo agbaza éɖée tɔn bǐ jǐ.

Hwɛɖɔtɔ́ 11:30

É dó akpá élɔ́ nú Mawu Mavɔmavɔ ɖɔ: “Ényí a zě Amumɔ́ɔ ví lɛ́ɛ ɖó acɛ ce mɛ ɔ́,