Nǔnywɛ́tɔ́xó 4:1 - MAWUXÓWÉMA

¹ Un lɛ́ mɔ lě e gbɛtɔ́ lɛ́ɛ nɔ́ dó ya nú nɔzo yětɔn lɛ́ɛ gbɔn ɖo hwe glɔ́ fí é. Mi kpɔ́n! Mɛ e dó ya ná wɛ è ɖe lɛ́ɛ ɖo avǐ ya wɛ. Mɛ ɖěbǔ ká ɖe bó ná dó gbɔ nú yě ǎ. Mɛ e ɖo ya dó nú yě wɛ lɛ́ɛ sí wɛ acɛkpikpa ɔ́ ɖe; énɛ́ wú wɛ mɛ ɖěbǔ má ɖe bó ná dó gbɔ nú yě ǎ.

Nǔnywɛ́tɔ́xó 4:1 Iomraidhean Croise

Jɔ̌bu 16:4

Ényí mi ɖo tɛn ce mɛ, bɔ nyɛ ɖo tɛn mitɔn mɛ ɔ́, nyi lɔmɔ̌ ná ɖɔ xó mi ɖɔhun; xó e un ná ɖɔ dó mi wú ɔ́ ná syɛ́n ɖésú; nǔ mitɔn ná blá wǔ nú mì, bɔ un ná húnhún ta.

Jɔ̌bu 35:9

È ɖo mɛ lɛ́ɛ táfú wɛ dín; yě ɖo azɔn wɛn wɛ. Yě ɖo xó sú wɛ ɖɔ è nǐ wǎ yí émí ɖo acɛgannaganna-kpanúmɛtɔ́ lɛ́ɛ sí.

Jɔ̌bu 6:29

Mi jó xó dó, mi ma dó hwɛ agɔ ó. Mi jó xó dó, xomɛvɔ́nɔ wɛ un nyí.

Jɔ̌bu 9:24

Nú to ɖé jɛ adǎnúwatɔ́ lɛ́ɛ lɔ mɛ ɔ́, Mawu nɔ blá nukún mɛ nú hwɛɖɔtɔ́ tɔn lɛ́ɛ; é má nyí é wɛ nɔ́ wa mɔ̌ ǎ ɔ́, mɛ̌ ká wɛ lo?

Ɖɛhan 12:5

é ní vívá kún nú mɛ e nɔ ɖɔ: “Đɛ̌ bí nú mǐ, mǐ nyɔ̌ xó ɖɔ, mɛ̌ ka ná sixú kpa acɛ nú mǐ” lɛ́ɛ.

Ɖɛhan 142:4

Mawu Mavɔmavɔ, hwenu e awakanmɛ kú mì ɔ́, hwi wɛ tunwun tɔ e mɛ hwe ɖa wɛ un ɖe é; kɛntɔ́ ɖó mɔ gbɔn ali e jí un ɖe é.

Ɖɛhan 142:5

Nyi kɔ kpɔ́n akpá ce, kpɔ́n, mɛɖé ɖo jɛ ce jí kpɔ́n wɛ ǎ; un ka sɔ́ ɖó fí ɖé bó ná hɔn yi ǎ, mɛɖé ɖo ce ɖɔ wɛ ǎ.

Ɖɛhan 42:3

Mawu sín kɔ ɖo xúxú mì wɛ; Mawu gbɛɖe ɔ́ sín kɔ ɖo xúxú mì wɛ. Hwetɛ́nu un ka ná sixú byɔ́ xɔ tɔn mɛ, bó ná yi nɔtɛn tɔn?

Ɖɛhan 42:9

Kéze ɔ́, Mawu Mavɔmavɔ nɔ ɖe xomɛnyínyɔ́ tɔn xlɛ́ mì; zǎn mɛ ɔ́, han tɔn nɔ ɖo nu ce, han e un nɔ ji ɔ́, ɖɛ wɛ é nyí bɔ un nɔ xo sɛ́ dó Mawu ce, Mawu ce e hɛn mì ɖó gbɛ é.

Ɖɛhan 69:20

A tunwun cí e è kɔn dó kɔ nú mì é, a tunwun winnyá e un ɖu é, bó tunwun lě e wi ce kɔ́n gbɔn é, a mɔ nǔ jɛ kɛntɔ́ ce lɛ́ɛ bǐ wú.

Ɖɛhan 69:21

Cí e è kɔn dó kɔ nú mì ɔ́ gba hǔn dó nú mì, bɔ un ɖo azɔn jɛ wɛ. Un ɖo te kpɔ́n mɛ e ná kú nǔbláwǔ nú mì é, un ka mɔ mɛɖé ǎ. Un ɖo te kpɔ́n mɛ e ná dó gbɔ nú mì é, un ka mɔ mɛ ɖěbǔ ǎ.

Ɖɛhan 80:5

Mawu Mavɔmavɔ, Mawu Nǔbǐwúkpétɔ́, káká jɛ hwetɛ́nu ɖɛ e xo wɛ togun towe ɖe é ká ná dó xomɛsin nú we yi jɛ?

Tíntɔ́n 1:16

É ɖɔ nú yě ɖɔ: “Nú mi nɔ aji nú nyɔ̌nu Eblée lɛ́ɛ ɖě hǔn, mi kpɔ́n vǐ e é ji ɔ́: ényí súnnu wɛ hǔn, mi hu, é ká nyí nyɔ̌nu wɛ hǔn, mi jó e dó nyi gbɛ.”

Tíntɔ́n 1:22

Axɔ́sú Ejípu tɔn ɔ́ ká ná gbe togun tɔn ɔ́ bǐ ɖɔ: “È ji vǐ súnnu Eblée ɖěbǔ hǔn, mi sɔ́ ɛ nyi dó Nilu mɛ , mi ka ná jó nyɔ̌nu lɛ́ɛ bǐ dó nyi gbɛ.”

Nǔnywɛ́xó 19:7

Wamamɔnɔ ɔ́, nɔví tɔn lɛ́ɛ ɖésú nɔ gbɛ́ wǎn n'i; xɔ́ntɔn tɔn lɛ́ɛ tɔn sɔ́ nyí ɖiɖɔ ǎ; yě bǐ nɔ́ nɔ zɔ n'i; é nɔ́ mɔ yě mɛ ɖěbǔ bó ná ɖɔ xó xá ǎ.

Nǔnywɛ́xó 28:3

Wamamɔnɔ e nɔ táfú mɛ e ma ɖó mɛɖé ǎ ɔ́, é cí jǐgbó e nɔ́ ja bó nɔ́ hɛn gle bǐ gblé é ɖɔhun.

Nǔnywɛ́xó 29:2

Hwɛjijɔnɔ kpa acɛ ɖo to mɛ ɔ́, toví lɛ́ɛ nɔ́ j'awǎ; é ká nyí mɛdídá wɛ ɖo tonu ɔ́, toví lɛ́ɛ nɔ́ sa vo.

Nǔnywɛ́tɔ́xó 3:16

Un lɛ́ mɔ nǔ ɖěvo ɖo hwe glɔ́ fí: fí e è ɖǒ ná wa nǔ ɖó sɛ́nxwi jí ɖe ɔ́, è nɔ wa nǔ agɔ ɖo fínɛ́; fí e è ɖǒ ná ɖɔ hwɛ jlɔ́jlɔ́ ɖe ɔ́, è nɔ dó hwɛ agɔ ɖo fínɛ́.

Nǔnywɛ́tɔ́xó 5:8

Ényí to ɖé ká tíin bó ɖó axɔ́sú, bɔ axɔ́sú ɔ́ nɔ́ jɛ hun dó glezɔ́ jí ɔ́, énɛ́ ná nyɔ́ hú.

Nǔnywɛ́tɔ́xó 7:7

Nǔnywɛ́tɔ́ e nɔ kpa acɛ gannaganna nú mɛ ɔ́ hɛn ɔ́, é ná wa nǔ xlonɔ ɖɔhun; akpaɖuɖu nɔ́ zɔ́n bɔ é nɔ́ húzú ahizinɔ.

Nǔnywɛ́tɔ́xó 8:9

Nǔ énɛ́ lɛ́ɛ ɔ́, un mɔ bǐ. Un lin tamɛ dó nǔ e wa wɛ è ɖe ɖo hwe glɔ́ fí lɛ́ɛ bǐ wú. Un mɔ ɖɔ gbɛtɔ́ ɖě nɔ́ kpa acɛ gannaganna nú nɔzo tɔn, bó nɔ́ wa nǔ dó wǔ tɔn.

Ezayíi 5:7

Mawu Mavɔmavɔ Nǔbǐwúkpétɔ́ ɔ́ sín vǐwungle ɔ́, akɔta Izlayɛ́li tɔn wɛ. Vǐwuntín e nyɔ́ nukún tɔn mɛ ɖésú ɔ́, Judáa togun ɔ́ wɛ. Mawu Mavɔmavɔ ɖó nukún yě ɖɔ yě ná nɔ nyi sɛ́n, lo ɔ́, sɛ́n wɛ yě nɔ́ gba; Mawu Mavɔmavɔ ɖó nukún yě ɖɔ yě ná nɔ́ xwedó hwɛjijɔ, lo ɔ́, alě e ná wɛ mɛ e táfú wɛ yě ɖe lɛ́ɛ kɛ́ɖɛ́ wɛ è nɔ́ se.

Ezayíi 51:23

Un ná sɔ́ kɔ́fu ɔ́ dó alɔ mɛ nú mɛ e ɖo ya dó nú we wɛ lɛ́ɛ, mɛ e nɔ ɖɔ nú we ɖɔ: ‘Mlɔ̌ ayǐ nú mǐ ná gbɔn jǐ we.’ Bɔ a nɔ sɔ́ nɛgbé towe dó húzú ayǐkúngban bɔ yě nɔ́ gbɔn jí lɛ́ɛ; a nɔ sɔ́ nɛgbé towe dó húzú ali bɔ yě nɔ́ gbɔn jí.”

Ezayíi 59:7

Afɔ e ɖo glɔ̌ mitɔn lɛ́ɛ nɔ́ ɖo wezun jí xwe nǔ nyanya kɔn, bó nɔ́ ɖo hwlɛndó jí bó ná kɔn xomɛvɔ́nɔ kanjɔ kɔn nyi ayǐ. Ayi e ɖo xo mitɔn mɛ ɔ́ dá kpɔ́n! Mi gbɔn fí ɖé ɔ́, dǎka xixo kpó nǔ gblégblé kpó kɛ́ɖɛ́ jɛ́n è nɔ mɔ gbɔn fí ɔ́.

Jelemíi 16:7

Mɛ ɖé ná yi cyɔ yětɔn nu, bó ná yi ɖu nǔ, bó ná dó xo hwihwɛ́ mɛ e nǔ wa lɛ́ɛ e ǎ. Mɛ ɖé ka ná ba ahan nú mɛ e tɔ́ kú ná é, abǐ nɔ kú ná é dó dó gbɔ n'i ǎ.

Gbɛvíhan 1:16

Énɛ́ ɔ́ wú wɛ un ɖo avǐ ya wɛ; ɖasin ɖo sisa sín nukún ce jí wɛ; mɛ e sixú dó gbɔ nú mì bó ná hlɔ̌nhlɔ́n mì ɔ́ sɛ yi zɔ nú mì; mɛ e ná ná gbɛ mì ɔ́ sɛ yi zɔ nú mì. Ahwi xo vǐ ce lɛ́ɛ bǐ ɖó kɛntɔ́ ɖu ɖo jǐ ce.

Gbɛvíhan 1:17

Sinyɔ́ɔ ɖo alɔ nyi alɔ mɛ wɛ, mɛ ɖěbǔ ká ɖe bó ná dó wǔsyɛ́n lanmɛ n'i ǎ. Mawu Mavɔmavɔ ɖe gbe bɔ to e lɛ́ lɛ̌ dó Izlayɛ́li lɛ́ɛ lɛ́ húzú kɛntɔ́ tɔn. Yě ɖěbǔ mɔ Jeluzalɛ́mu ɔ́, ji mɛ jɛ́n nɔ́ nylá yě.

Gbɛvíhan 1:2

Zǎn mɛ hweɖěbǔnu ɔ́, avǐ ya wɛ jɛ́n é nɔ ɖe, ɖasin nɔ sa tɔ gbɔn nukún tɔn mɛ. Mɛ ɖěbǔ ká ɖe bó ná dó gbɔ n'i ǎ; mɛ e yí wǎn n'i lɛ́ɛ ɖě dó gbɔ n'i ǎ. Xɔ́ntɔn tɔn lɛ́ɛ bǐ hɔn jó e dó; kɛntɔ́ tɔn lɛ́ɛ wɛ yě húzú din.

Gbɛvíhan 1:9

Nǔ kwíji kwíji e é wa lɛ́ɛ hɛn awu tɔn blí; é lɛ́n nǔ e ná wá jɛ ɔ́ kpɔ́n ɖ'ayǐ ǎ. Éɖíe ká wá mɔ ajijimɛ ɖɔ émí j'ayǐ e; mɛ ɖěbǔ ká ɖe bó ná dó wǔsyɛ́n lanmɛ n'i ǎ. É ɖɔ: “Mawu Mavɔmavɔ, kpɔ́n ya e ji wɛ un ɖe ɔ́! Kpɔ́n lě e kɛntɔ́ ɖu ɖo jǐ ce gbɔn é.”

Amɔ́si 3:10

Mawu Mavɔmavɔ ɖɔ: “Samalíinu lɛ́ɛ tunwun nǔ e nyí nǔjlɔ́jlɔ́wiwa ɔ́ ɖě ǎ. Nǔ e yě fán asú mɛ bó yí lɛ́ɛ kpó nǔ e yě fin lɛ́ɛ kpó wɛ yě bɛ́ kplé ɖó hɔn yětɔn lɛ́ɛ mɛ.”

Amɔ́si 3:9

Mi zé gbe yi jǐ bó ɖɔ ɖo Acidɔ́di kpó Ejípu kpó sín hɔn lɛ́ɛ mɛ ɖɔ: “Mi sɛ miɖée kplé ɖo Samalíi sín só ɔ́ ta, bó ná kpɔ́n nǔ hannyahannya wiwa e ɖo fínɛ́ lɛ́ɛ kpó dǎnúwiwa e ɖo fínɛ́ lɛ́ɛ kpó.”

Malacíi 2:13

Nǔ e mi nɔ lɛ́ bló ɔ́ ɖíe: mi nɔ ya avǐ, bɔ ɖasin mitɔn nɔ sa gbɔn vɔ̌sákpe Mawu Mavɔmavɔ tɔn jí. Mi nɔ ya avǐ bó nɔ wɛn azɔn, ɖó Mawu Mavɔmavɔ sɔ́ nɔ́ ké ya nú vɔ̌sánú mitɔn lɛ́ɛ ǎ, é ka sɔ́ nɔ yí nǔ e mi nɔ hɛn wá n'i lɛ́ɛ ɖě ǎ.

Malacíi 3:18

Mi ná lɛ́ vɔ́ mɔ vogbingbɔn e ɖo hwɛjijɔnɔ lɛ́ɛ kpódó mɛdídá lɛ́ɛ kpó tɛ́ntin é, vogbingbɔn e ɖo mɛ e nɔ sɛn mì kpó mɛ e ma nɔ sɛn mì ǎ lɛ́ɛ kpó tɛ́ntin é.”

Malacíi 3:5

Mawu Mavɔmavɔ Nǔbǐwúkpétɔ́ ɔ́ ɖɔ: ‘Un ná wá tɛ́ntin mitɔn, bó ná ɖɔ hwɛ xá mi. Un ná hwlɛndó, bó ná dó hwɛ mɛ e nɔ wa bǒ lɛ́ɛ, mɛ e nɔ lɛ aga lɛ́ɛ, mɛ e nɔ dó akpá bó má nɔ́ ɖe ǎ lɛ́ɛ, mɛ e ma nɔ sú axɔ́ azɔ̌watɔ́ ǎ lɛ́ɛ, mɛ e nɔ táfú asúkúsi kpó tɔ́cyɔvǐ kpó, abǐ mɛ e nɔ́ jɛ agɔ dó jǒnɔ lɛ́ɛ, kpódó mɛ e ma nɔ ké ya ɖěbǔ nú mì ǎ lɛ́ɛ bǐ kpó.’ ”

Matíe 26:56

Lo ɔ́, nǔ énɛ́ lɛ́ɛ bǐ jɛ, bónú xó e Mawu ko ɖɔ gbɔn gbeyíɖɔ tɔn lɛ́ɛ jí, bɔ è wlǎn dó Mawuxówéma mɛ ɔ́ ná dó jɛ.” Ahwanvú Jezu tɔn lɛ́ɛ bǐ ka jó e dó, bó hɔn.

Sɛ́nflínmɛ 28:33

Nǔkún e ná nyɔ́ ɖo ayǐkúngban mitɔn jí lɛ́ɛ kpó nǔ e mi ná jɛ tagba bó wa lɛ́ɛ kpó ɔ́, togun e mi ma tunwun vɔ́vɔ́ ǎ lɛ́ɛ wɛ ná ɖu bǐ. Bɔ ayǐ hɔ́n tɛgbɛ ɔ́, è nǎ nɔ táfú mi, bó ná nɔ́ wló mi ɖu.

Sɛ́nflínmɛ 28:48

mi ná nɔ xovɛ́, bó nɔ nugblá, bó nɔ mɛ̌, bó nɔ nǔɖé má ɖó, bó sɛn kɛntɔ́ e Mawu Mavɔmavɔ ná sɛ́ dó mi lɛ́ɛ. Azɔ̌ syɛ́nsyɛ́n wɛ Mawu Mavɔmavɔ ná ɖó kɔ jí nú mi káká bó ná sú kún mitɔn dó.

Jaki 5:4

Mi sú axɔ́ azɔ̌watɔ́ e ɖo azɔ̌ wa wɛ ɖo gle mitɔn mɛ lɛ́ɛ ǎ. Mi ɖótó vo e sa wɛ yě ɖe ɔ́! Mɛ e ɖo jinukún mitɔn lɛ́ɛ bɛ́ yi xwé gbe nú mi wɛ lɛ́ɛ sín xósúsú hun káká wá jɛ Aklúnɔ Nǔbǐwúkpétɔ́ ɔ́ sín tómɛ.

Hwɛɖɔtɔ́ 4:3

Yavíni ɖó ahwankɛkɛ́ví gannɔ afɛnɛ kanwe ko (900), bó ɖo acɛ gannaganna kpa nú Izlayɛ́li ví lɛ́ɛ wɛ sín xwe ko ɖíe. Énɛ́ ɔ́, Izlayɛ́li ví lɛ́ɛ sú xó ylɔ́ Mawu Mavɔmavɔ ɖɔ é ní wá gɔ́ alɔ nú émí.