Nǔnywɛ́tɔ́xó 3:4 - MAWUXÓWÉMA

⁴ Hwenu e è nǎ ya avǐ dó ɔ́ ɖe, bɔ hwenu e è nǎ ko nǔ dó é ɖe. Hwenu e è nǎ sa gbɛvo dó ɔ́ ɖe, bɔ hwenu e è nǎ ɖú we dó é ɖe.

Nǔnywɛ́tɔ́xó 3:4 Iomraidhean Croise

Bǐbɛ́mɛ 21:6

Bɔ Sala ɖɔ: “Mawu dó nǔkiko nú mì; mɛ ɖěbǔ se ɔ́, mɛ ɔ́ ná ko mì.”

2 Samuwɛ́li 6:16

Hwenu e akɔjijɛgbá Mawu Mavɔmavɔ tɔn ɖo Davídi Toxo mɛ byɔ́ wɛ ɔ́, Sawúlu sín vǐ nyɔ̌nu Mikali Davídi si ɔ́ kpɔ́n sɛ́ dó gbɔn flɛtɛ́li nu, bó mɔ axɔ́sú Davídi ɖo we ɖú wɛ, bó ɖo lɛ́ lɛ̌ wɛ ɖo akɔjijɛgbá ɔ́ nukɔn, bɔ Davídi sín nǔ vɛ́ wǔ tɔn ɖésú.

Ɖɛhan 30:11

Mawu Mavɔmavɔ, ɖǒtó mì, kú nǔbláwǔ nú mì. Mawu Mavɔmavɔ, wǎ hwlɛ́n mì.

Ɖɛhan 30:5

Mi mɛ e ɖo gbejí nú Mawu Mavɔmavɔ lɛ́ɛ ɔ́, mi ɖɔ xó lómílómí dó mlá nyǐkɔ tɔn dó han mɛ. Mi sɔ́ nyǐkɔ mímɛ́ tɔn su.

Tíntɔ́n 15:20

Miliamu, gbeyíɖɔ Mawu tɔn, Aalɔ́ɔn nɔví ɔ́ zé hǔn, bɔ nyɔ̌nu e ɖo Izlayɛ́li lɛ́ɛ bǐ xwedó e, bó ɖo hun xo wɛ, bó ɖo xwe ɖu wɛ.

Nǔnywɛ́tɔ́xó 3:5

Hwenu e è nǎ nyi hwǎn dó ɔ́ ɖe, bɔ hwenu e è nǎ cyán hwǎn dó é ɖe. Hwenu e è nǎ kplá así kɔ nú mɛ dó ɔ́ ɖe, bɔ hwenu e è ma ná kplá así kɔ nú mɛ dó ǎ é ɖe.

Nǔnywɛ́tɔ́xó 7:14

Nǔ nyɔ́ nú we hǔn, j'awǎ; nǔ ká gblé dó we hǔn, lin tamɛ. Mawu wɛ nɔ́ bló bɔ nǔ nɔ nyɔ́ nú mɛ abǐ nǔ nɔ gblé dó mɛ: é nɔ́ bló mɔ̌ bónú gbɛtɔ́ ní má tunwun nǔ e ɖo nǎ wá jɛ wɛ sɔ é ó.

Ezayíi 40:1

Mawu mitɔn ɖɔ: “Mi dó wǔsyɛ́n lanmɛ nú togun ce. Mi dó wǔsyɛ́n lanmɛ n'i.

Ezayíi 40:2

Mi ná akɔ́nkpinkpan Jeluzalɛ́mu. Mi sú xó bó ɖɔ n'i ɖɔ é kún sɔ́ ná yi mɛɖe ɖě ó; mi ɖɔ n'i ɖɔ é kó sú hwɛ xɔ́ fó, ɖó hwɛ e é hu lɛ́ɛ ɔ́, Mawu Mavɔmavɔ dɔn bǐ sín tó n'i.”

Matíe 11:17

Yě nɔ́ ɖo ɖiɖɔ wɛ ɖɔ: ‘Mǐ kún kpete dó ji awǎjijɛ han nú mi, bɔ mi gbɛ́ we ɖú; mǐ ji nǔwamɛ han nú mi bɔ mi gbɛ́ alě ná.’

Matíe 9:15

Jezu ka yí gbe nú yě ɖɔ: “Mɛ e è ylɔ́ wá alɔ wlíwlí tɛnmɛ lɛ́ɛ sixú nɔ aluwɛ mɛ hwenu e asisúnɔ ɔ́ ɖo kpɔ́ xá yě ɔ́ ǎ; nǔ sixú nyí mɔ̌ ǎ; amɔ̌, hwenu ná wá su bɔ è nǎ wá zé asisúnɔ ɔ́ gǎnnugǎnnu sín yě gɔ̌n; hwe énɛ́ nu ɔ́, yě ná blá nu.

Luki 1:58

Mɛ e ɖo xwé tɔn kpá lɛ́ɛ kpódó hɛ̌nnumɔ tɔn lɛ́ɛ kpán se ɖɔ Aklúnɔ ɖe nǔbláwǔkúnúmɛ tɔn xlɛ́ ɛ, bɔ yě j'awǎ xá ɛ.

Hlɔ̌manu 12:15

Mi nɔ jɛ awǎ xá mɛ e ɖo awǎ jɛ wɛ lɛ́ɛ, bó nɔ́ ya avǐ xá mɛ e ɖo avǐ ya wɛ lɛ́ɛ.

2 Kɔlɛ́ntinu 7:10

Đó aluwɛ e Mawu nɔ dó wa azɔ̌ ná ɔ́ nɔ́ ná mɛ jijɔ húzúhúzú e nɔ kplá mɛ bɔ è nɔ mɔ hwlɛngán é, bɔ é sɔ́ nɔ vɛ́ nú mɛ ǎ. Lo ɔ́, aluwɛ e mɛ gbɛ ɔ́ nɔ dɔn mɛ dó ɔ́, kú wɛ é nɔ kplá mɛ hɛn yi.

Jaki 4:9

Mi nɔ aluwɛ mɛ; mi ya avǐ, bó ná alě; nǔ wɛ mi ɖó ná ko ǎ; avǐ wɛ mi ɖó ná ya, bó zé awǎjijɛ mitɔn dó húzú aluwɛ ná.