Nǔnywɛ́tɔ́xó 3:3 - MAWUXÓWÉMA

³ Hwenu e è nǎ hu mɛ dó ɔ́ ɖe, bɔ hwenu e è nǎ gbɔ azɔn nú mɛ dó é ɖe. Hwenu e è nǎ mu xɔ dó ɔ́ ɖe, bɔ hwenu e è nǎ mɛ xɔ dó é ɖe.

Nǔnywɛ́tɔ́xó 3:3 Iomraidhean Croise

Bǐbɛ́mɛ 9:6

Nyɛ Mawu bló gbɛtɔ́ bɔ é nyí akpajlɛ́ ce; énɛ́ wú ɔ́, mɛ e kɔn gbɛtɔ́ sín hun kɔn nyi ayǐ ɔ́, gbɛtɔ́ wɛ ná kɔn hun tɔn kɔn nyi ayǐ.

Ezayíi 44:26

Amɔ̌, nǔ e mɛsɛntɔ́ ce lɛ́ɛ ɖɔ ɔ́, un nɔ bló, xó e mɛsɛ́dó ce lɛ́ɛ ɖɔ lɛ́ɛ ɔ́, un nɔ bló bɔ bǐ nɔ́ nyí wiwa. Un ɖɔ dó Jeluzalɛ́mu wú ɖɔ: ‘É ná vɔ́ ji gba. È nǎ bló nǔ e gblé lɛ́ɛ bǐ ɖó.’ Un ɖɔ dó toxo Judáa tɔn lɛ́ɛ wú ɖɔ: ‘È nǎ vɔ̌ toxo lɛ́ɛ gbá.’

Ezayíi 6:10

Blǒ bónú ayixa yětɔn ní syɛ́n, yě nǐ tlí tó bó tɔ́n nukún; ma lɔn nú nukún yětɔn mɔ nǔ ó, ma lɔn nú tó yětɔn se nǔ ó, ma lɔn nú ayixa yětɔn mɔ nǔ ó; é má nyí mɔ̌ ǎ ɔ́, yě táá lɛ́ kɔ́ wá gɔ̌n ce, bónú azɔn yětɔn ná gbɔ.”

Jelemíi 1:10

Kpɔ́n! Égbé din ɔ́, un sɔ́ we ɖó akɔta lɛ́ɛ kpó axɔ́súɖuto lɛ́ɛ kpó nu: un ná acɛ we bɔ a nǎ hɔn yě atín ɖɔhun, a nǎ mu yě zin dɛ́ atín ɖɔhun; a nǎ hɛn nǔ gblé, a nǎ dó nǔ ahannya; a nǎ gbá xɔ, a nǎ tun atín.”

Jelemíi 31:28

Káká jɛ din ɔ́, un húzú kpan nukɔn yě, bó hɔn yě atín ɖɔhun; un gbo yě atín ɖɔhun; un hɛn nǔ gblé; un dó nǔ ahannya; un wa nǔ xá yě; amɔ̌, din ɔ́, un ná bló nǔ bǐ nú yě bó ná vɔ́ yě gbá xɔ ɖɔhun; un ná vɔ́ yě tun atín ɖɔhun. Nyɛ Mawu Mavɔmavɔ wɛ ɖɔ mɔ̌.

Jelemíi 33:6

“É ká ɖo mɔ̌ có un ná kpé nukún dó toxo ɔ́ wú lě e è nɔ kpé nukún dó mɛ e gblé wǔ é wú ɔ́ ɖɔhun. Un ná gbɔ azɔn n'i, bɔ é ná jɛ te. Un ná ná fífá kpó ayij'ayǐ kpó mɛ e ɖo toxo ɔ́ mɛ lɛ́ɛ.

Jelemíi 45:4

Mawu Mavɔmavɔ ko ɖɔ nyi ní ɖɔ nú we ɖɔ: ‘Un ɖo xɔ e un gbá ɔ́ gba wɛ, un ɖo atín e un tun ɔ́ hɔn wɛ. Un ná ɖo mɔ̌ bló wɛ gbɔn to ɔ́ bǐ mɛ,

Ezekiyɛ́li 13:14

Un ná mu dǒ e mi tlɛ́ é, un ná mu sín aga káká yi do, bɔ è nǎ mɔ nǔ jɛ dodó ɔ́ wú. É ná mu jɛ mi jí, bó ná vó mi. Énɛ́ ɔ́, mɛ bǐ ná tunwun ɖɔ nyɛ wɛ nyí Mawu Mavɔmavɔ.

Ajée 1:2

Xó e Mawu Mavɔmavɔ Nǔbǐwúkpétɔ́ ɔ́ ɖɔ nú yě gbɔn Ajée jí ɔ́ ɖíe: “Togun ɔ́ nɔ ɖo ɖiɖɔ wɛ ɖɔ: ‘Hwenu ko su ǎ, hwenu e è nǎ vɔ́ Mawu Mavɔmavɔ xwé ɔ́ gbá dó ɔ́ kó su ǎ.

Ajée 1:4

Bɔ din ɔ́, é nyɔ́ ɖɔ mi ní jó xwé ce dó nyi gbigba mɔ̌, bó yi cí xwé mitɔn e mi va, bo ɖó acɔ́ ná sɔ mɔ̌ lɛ́ɛ gbe a?

Zakalíi 1:12

Ée yě ɖɔ mɔ̌ ɔ́, wɛnsagun ɔ́ sú xó ɖɔ: ‘Mawu Mavɔmavɔ Nǔbǐwúkpétɔ́! Xwe kanɖé gban (70) ɖíe wɛ a ko ɖo xomɛ sin dó Judáa sín toxo lɛ́ɛ wɛ e; a sin xomɛ dó Jeluzalɛ́mu, bó sin dó toxo ɖě lɛ́ɛ lɔ. Hwetɛ́nu wɛ a ka ná gɔn nǔbláwǔ kú nú yě yi jɛ?’ ”

Sɛ́nflínmɛ 32:39

Mi mɔ din ɖɔ nyɛ ɖokpó géé wɛ nyí Mawu. Mi mɔ din ɖɔ nǔ e è ɖǒ ná sɛn ɔ́ ɖě kún tíin zɛ nyɛ wú ó. Un nɔ hɛn mɛ ɖó gbɛ, un nɔ hu mɛ. Un nɔ gblé wǔ mɛ, un nɔ hu akpa nú mɛ. Mɛɖé nɔ yí mɛ sín alɔ ce mɛ ǎ.

1 Samuwɛ́li 2:25

Ényí gbɛtɔ́ ɖě hu hwɛ dó ɖě ɔ́, Mawu ná ɖɔ hwɛ xá ɛ. É ká nyí Mawu Mavɔmavɔ wɛ é hu hwɛ dó ɔ́, mɛ̌ ká ná ɖɔ gbo n'i?” Yě ká ɖótó tɔ́ yětɔn sín xó ǎ; yě ɖótó ǎ, ɖó Mawu Mavɔmavɔ ka ko jló ná hu yě.

1 Samuwɛ́li 2:6

Mawu Mavɔmavɔ wɛ ɖó acɛ bó ná hu mɛ, é wɛ ká lɛ́ ɖó acɛ bó ná hɛn mɛ ɖó gbɛ. É wɛ ɖó acɛ bo ná sɔ́ mɛ dó do gɔngɔn mɛ ɖo kúxwé; é wɛ lɛ́ ɖó acɛ bo ná fɔ́n mɛ sín kú.