Nǔnywɛ́tɔ́xó 2:3 - MAWUXÓWÉMA

³ Un gblɔ́n adǎn ɖɔ un ná wa nǔ xlonɔ lɛ́ɛ ɖɔhun bó ná nu vɛ̌ɛn ganjí; un ná bló mɔ̌, bɔ ayi ce ka na kpo ɖo te, bɔ un ná nɔ kanbyɔ́ nyɛɖée ɖɔ é ká nyɔ́ ɖɔ gbɛtɔ́ ná zán gbɛ tɔn gbɔn mɔ̌ ɖo hwe glɔ́ fí a jí.

Nǔnywɛ́tɔ́xó 2:3 Iomraidhean Croise

Bǐbɛ́mɛ 47:9

Bɔ Jakɔ́bu yí gbe n'i ɖɔ: “Un gbɔn gbě jí gbě jí káká nú xwe kantɔn wǒ (130). Un ɖó xwe nabí ɖé ǎ; nǔ e ká gbo mì ɔ́ syɛ́n. Xwe ce sɔ tɔ́gbó ce lɛ́ɛ tɔn ǎ. Gbě jí gbě jí jɛ́n yě lɔ ka gbɔn.”

Jɔ̌bu 14:14

Gbɛtɔ́ ká kú ɔ́, é ká sixú lɛ́ wá gbɛ a? Ényí gbɛ wɛ é sixú lɛ́ wá ɔ́, un na bo ɖo mɛɖezɔ́ wú ɔ́, un ná ɖo nukúnɖíɖó mɛ káká bɔ mɛ e ná ɖyɔ́ mì ɔ́ ná wá.

Ɖɛhan 104:15

é nɔ́ ná vɛ̌ɛn e nɔ dó wǔyá lanmɛ nú mɛ é, é nɔ́ ná ami e nɔ zɔ́n bɔ nukún mɛ nɔ́ kɔ́n é, é nɔ́ ná nǔɖuɖu e nɔ́ ná hlɔ̌nhlɔ́n mɛ é.

Nǔnywɛ́xó 20:1

Vɛ̌ɛn nɔ zɔ́n goyíyí mɛ; ahan syɛ́nsyɛ́n nɔ́ zɔ́n zǐngídiɖúɖú mɛ; mɛ e nɔ nu mú é ɖě ná ɖó nǔnywɛ́ gbeɖé ǎ.

Nǔnywɛ́tɔ́xó 1:17

Un ɖɔ un ná ba do ná céɖécéɖé bó ná tunwun vogbingbɔn e ɖo nǔnywɛ́ kpó xlojijɔ kpó mɛ é, bó wá mɔ ɖɔ énɛ́ ɔ́ lɔmɔ̌ ɔ́, wezun kán ɖo jɔhɔn gúdo wɛ.

Nǔnywɛ́tɔ́xó 10:19

Dɔkunnɔ nɔ ɖu nǔ bó nɔ́ dó ɖe ayi ɖ'ayǐ; é nɔ́ nu vɛ̌ɛn dó j'awǎ; akwɛ́ tɔn nɔ́ zɔ́n bɔ é nɔ́ ɖó nǔ bǐ.

Nǔnywɛ́tɔ́xó 12:13

Xó e ká sú ta nú xó énɛ́ lɛ́ɛ bǐ é ɖíe: Đǒ sísí nú Mawu bó bló nǔ e é zɔ́n lɛ́ɛ; nǔ e ɖo ta jí bɔ gbɛtɔ́ bǐ ɖó ná wa é nɛ́.

Nǔnywɛ́tɔ́xó 2:24

Nǔɖé sɔ́ nyɔ́ nú gbɛtɔ́ ɖo gbɛmɛ zɛ é ná ɖu nǔ, bó nu ahan, bó ɖu azɔ̌ e é wa ɔ́ sín gbɛ wú ǎ. Nǔ énɛ́ lɛ́ɛ lɔ ɔ́, un mɔ ɖɔ Mawu wɛ nɔ hun alɔ bo nɔ ná mɛ.

Nǔnywɛ́tɔ́xó 5:18

Nǔgbó ɔ́, Mawu sixú dó dɔkun nú mɛ ɖé, bɔ é jɛ dɔkun bó mɔ ɖu. Mɛ énɛ́ ɔ́ hɛn ɔ́, é ná ɖu éé nyí étɔn é, é ná ɖu azɔ̌ e é wá ɔ́ sín gbɛ. É cí mɔ̌ nú mɛ ɖé hǔn, Mawu wɛ ná ɛ.

Nǔnywɛ́tɔ́xó 6:12

Gbɛtɔ́ sín gbɛ nɔ dín wá yi bléwún yɛ ɖɔhun; mɛ̌ ká tunwun nǔ e nyɔ́ nú gbɛtɔ́ ɖo azǎn kpɛ e é ná bló ɖo hwe glɔ́ fí é mɛ é? Nǔ e ná wá jɛ ɖo kú tɔn gúdo ɖo hwe glɔ́ fí ɔ́, mɛ̌ ká sixú tunwun bó ɖɔ n'i?

Nǔnywɛ́tɔ́xó 7:18

Xwedó xó nukɔntɔn énɛ́ ɔ́, ma ka wɔn wegɔ́ ɔ́ lɔ ó; nǔgbó wɛ, mɛ e nɔ ɖó sísí nú Mawu lɛ́ɛ ná sɔ́ xó we énɛ́ lɛ́ɛ dó wa azɔ̌ ná.

Nǔnywɛ́tɔ́xó 7:25

Énɛ́ ɔ́, un zin alɔ dó akɔ́n bó jɛ nǔ kplɔ́n jí, bó jɛ do ba nú nǔ jí. Un jló ná tunwun nǔ e nyí nǔnywɛ́ ɔ́ é, un jló ná tunwun nǔ e wú nǔ lɛ́ɛ nɔ́ jɛ gbɔn mɔ̌ é. Un lɛ́ jló ná tunwun nǔ e nyí dǎkaxixo é, nǔ e nyí xlojijɔ é, nǔ e nyí taɖuhunhun é kpó nǔ e nyí tamɛmasɔgbe é kpó.

Nǔnywɛ́tɔ́xó 8:15

Énɛ́ ɔ́ wú wɛ nyɛ mɔ ɖɔ é nyɔ́ ɖɔ mɛ bǐ ní j'awǎ, ɖó nǔ ɖagbe ɖěbǔ ɖe nú gbɛtɔ́ ɖo hwe glɔ́ fí zɛ é ná ɖu nǔ, bó nu ahan, bó ɖu gbɛ wú ǎ. Awǎjijɛ e gbɛtɔ́ ná mɔ ɖo nǔ énɛ́ lɛ́ɛ mɛ é wɛ nyí nǔ e ná dó vǐví n'i ɖo gbɛzán e Mawu ná ɛ ɖo ayǐkúngban jí fí ɔ́ mɛ é; awǎjijɛ e é ná mɔ ɔ́ wɛ nyí nǔ e ná dó vǐví n'i ɖo tagba e jɛ wɛ é nɔ́ ɖe ɖo hwe glɔ́ fí é mɛ é.

Matíe 6:24

“Mɛ ɖé sixú sɛn gǎn we ǎ; ɖó é ná gbɛ́ wǎn nú mɛ ɖě, bo na yí wǎn nú mɛ ɖě; abǐ é ná se tónú nú mɛ ɖě, bo na vɛ́ tóli nú mɛ ɖě. Mi sixú sɛn Mawu bo lɛ́ sɛn dɔkun ǎ.”

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

Hwɛɖɔtɔ́ 9:13

Lo ɔ́, vǐwuntín ɖɔ nú yě ɖɔ: ‘Mi lin ɖɔ nyɛ ná jó vɛ̌ɛn e un nɔ ná, bɔ é nɔ dó xomɛhunhun nú Mawu kpó gbɛtɔ́ kpó ɔ́ dó, bó ná dó ya nú nyɛɖée ɖɔ un ɖo axɔ́sú ɖu nú atín lɛ́ɛ wɛ a?’

1 Samuwɛ́li 25:36

Hwenu e Avigayilu ɖo xwé gbe wá wɛ ɔ́, Navalu ko ylɔ́ agɔ̌ ɖaxó ɖokpó axɔ́sú ɖé ɖɔhun. É kó nu ahan bo mú bǐ, bɔ xomɛ ɖo hunhun i wɛ ɖo gbɛmɛ. Avigayilu ka ɖɔ xó ɖěbǔ n'i ǎ. É tín nǔ ɖěbǔ mɛ n'i káká cóbɔ ayǐ hɔ̌n ǎ.