Nǔnywɛ́tɔ́xó 2:1 - MAWUXÓWÉMA

¹ Un wá ɖɔ nú nyɛɖée ɖɔ: “Din ɔ́, un ná ɖu gbɛ ce lě e é jló mì gbɔn é, un ná mɔ nǔ jɛ gbɛ víví wú.” Énɛ́ lɔ ɔ́, un mɔ ɖɔ nǔ yǎyá ɖokpó wɛ.

Nǔnywɛ́tɔ́xó 2:1 Iomraidhean Croise

Bǐbɛ́mɛ 11:7

Ée é nyí mɔ̌ din ɔ́, mǐ ní jɛ te, bó ná sɔ́ gbe vovo dó nu nú yě; énɛ́ ɔ́, mɛ ɖě ɔ́ sɔ́ ná mɔ nǔ jɛ xó e ɖɔ wɛ mɛ ɖě ɔ́ ɖe ɔ́ mɛ ǎ.”

2 Axɔ́sú 5:5

Ée é ɖɔ mɔ̌ ɔ́, axɔ́sú ɔ́ ɖɔ: “Ényí mɔ̌ wɛ hǔn, bo yi. Un ná wlán wěma ɖokpó dó así nú we, bɔ a nǎ sɔ́ nú Izlayɛ́li xɔ́sú ɔ́.” Ée Naamáni xweyǐgbe ɔ́, é hɛn kpatágan kilóo afɔɖé kanwe ko (300) mɔ̌, bó hɛn siká ɖagbe ɖagbe kilóo kanɖé ko (60) mɔ̌, bó hɛn nǔzínzán ɖagbe ɖagbe wǒ.

Ɖɛhan 10:6

É nɔ́ ɖɔ dó ayi mɛ ɖɔ: “Nǔɖé nɔ́ sɛ tɛn nú mì ǎ, awě ɖě ná xo mì gbeɖé kpɔ́n ǎ.”

Ɖɛhan 14:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Xlonɔ lɛ́ɛ nɔ́ ɖɔ dó ayi mɛ ɖɔ: “Mawu ɖě tíin ǎ.” Yě gblé, bó ja dɔn dě ɖɔhun; zǐnzán yětɔn gbɛ́ hɛn, mɛ ɖé ɖo yě mɛ bó nɔ wa nǔ ɖagbe ǎ.

Ɖɛhan 27:8

Un ɖo tamɛ lin dó xó e a ɖɔ ɔ́ wú wɛ; a ɖɔ: “Mi ba mì!” Din ɔ́, Mawu Mavɔmavɔ! Un ɖo biba we wɛ.

Nǔnywɛ́xó 14:13

È nɔ ɖo wǔvɛ́ mɔ wɛ ɖo ayi mɛ cóbó nɔ́ ko nǔ; è nɔ ɖo awǎjijɛ mɛ có awǎjijɛ ɔ́ sixú wá húzú aluwɛ.

Nǔnywɛ́tɔ́xó 11:9

Mɛ wínnyáwínnyá, din e a kpo ɖo wǐnnyáwínnyá mɛ ɔ́, j'awǎ. Awǎjijɛ ní gɔ́ ayi towe mɛ hwenu e a kpo ɖo wǐnnyáwínnyá mɛ é. Ayi towe mɔ nǔɖé hǔn blǒ; nǔɖé nyɔ́ nukún towe mɛ hǔn, wa. Lo ɔ́, tunwun ganjí ɖɔ Mawu ná wá ɖɔ hwɛ xá we ɖó nǔ e a wa lɛ́ɛ ɖokpó ɖokpó wú.

Nǔnywɛ́tɔ́xó 2:10

Nǔ e nukún ce mɔ bɔ é jló mì lɛ́ɛ ɔ́, un gɔn ɖě ɖó ǎ; gbɛɖuɖu e nɔ jló mì ɔ́, un gɔn ɖě ɖu ǎ. Azɔ̌ e un wa lɛ́ɛ ɔ́, un ɖu bǐ sín le bɔ é jɛ mɛ nú mì. Énɛ́ lɛ́ɛ wɛ nyí le e nyí ce ɖo azɔ̌ e un wa lɛ́ɛ mɛ é.

Nǔnywɛ́tɔ́xó 2:15

Ényí nǔ ɖokpó ɔ́ wɛ ɖo te kpɔ́n nyi kpó xlonɔ kpó ɔ́, étɛ́ un ka ɖó nǔnywɛ́ hú i dó wa ná? Un lɛ́ mɔ ɖo fínɛ́ ɖɔ nǔnywɛ́ ɖó hú mɛ ɔ́, nǔ yǎyá wɛ.

Nǔnywɛ́tɔ́xó 2:25

Đó xó e Mawu ɖɔ é ɖíe: “Mɛ̌ ká sixú ɖu nǔ, bó ɖu gbɛ víví nyɛ mɛ vo?”

Nǔnywɛ́tɔ́xó 7:4

Nǔnywɛ́tɔ́ sín ayi nɔ ɖo xwé e gbe avǐ ɖe ɔ́ gbe; xlonɔ sín ayi ka nɔ ɖo xwé e gbe awǎjijɛ ɖe é gbe.

Nǔnywɛ́tɔ́xó 8:15

Énɛ́ ɔ́ wú wɛ nyɛ mɔ ɖɔ é nyɔ́ ɖɔ mɛ bǐ ní j'awǎ, ɖó nǔ ɖagbe ɖěbǔ ɖe nú gbɛtɔ́ ɖo hwe glɔ́ fí zɛ é ná ɖu nǔ, bó nu ahan, bó ɖu gbɛ wú ǎ. Awǎjijɛ e gbɛtɔ́ ná mɔ ɖo nǔ énɛ́ lɛ́ɛ mɛ é wɛ nyí nǔ e ná dó vǐví n'i ɖo gbɛzán e Mawu ná ɛ ɖo ayǐkúngban jí fí ɔ́ mɛ é; awǎjijɛ e é ná mɔ ɔ́ wɛ nyí nǔ e ná dó vǐví n'i ɖo tagba e jɛ wɛ é nɔ́ ɖe ɖo hwe glɔ́ fí é mɛ é.

Ezayíi 5:5

Din ɔ́, un ná ɖɔ nǔ e un ná wa xá vǐwungle ce ɔ́ nú mi: un ná hɔn kpá e un dó lɛ́ lɛ̌ dó é, bɔ kanlin lɛ́ɛ ná ɖu. Un ná mu dǒ e un mɛ lɛ́ lɛ̌ dó é, bɔ aligbɔntɔ́ lɛ́ɛ ná gbídí i.

Ezayíi 50:11

Mi mɛ e ka flɔ́ myɔ, bó hɛn gǎ e nɔ́ dó nǔ zo lɛ́ɛ ɔ́, nǔ e ɖo te kpɔ́n mi ɔ́ ɖíe: myɔ e mi flɔ́ é kpó gǎ e mi hɛn lɛ́ɛ kpó wɛ Mawu sɔ́ ɖó te nú mi. Wǔvɛ́ mɛ wɛ mi ná kú dó.

Ezayíi 50:5

Aklúnɔ Mavɔmavɔ hun tó ce, énɛ́ ɔ́, nyi lɔ sɔ́ gbɛ́ ɖɔ un kún ná se xó tɔn ó ǎ; un sɔ́ ɖe afɔ dó gǔdo ǎ.

Luki 12:19

lobo ná ɖɔ nú nyɛɖée ɖɔ: nǔ e ná hɛn mì káká nú xwe mɔ̌kpán ɔ́ ɖo así ce; din ɔ́, un ná gbɔjɛ́, bó ná ɖu nǔ, bó nu ahan, bó ná ɖu gbɛ.’

Luki 16:19

Nya dɔkunnɔ ɖé tíin, bó nɔ dó akwɛ́núvɔ vɔvɔ ɖagbe ɖagbe lɛ́ɛ, bó nɔ ɖo acɔ́ mɛ hwebǐnu, lobo nɔ ɖo agɔ̌ ɖu wɛ ayǐhɔ́ngbe ayǐhɔ́ngbe.

Luki 16:23

Hwenu e dɔkunnɔ ɔ́ ɖo kútomɛ, bó ɖo wǔvɛ́ mɔ wɛ ɖésú ɔ́, é zé ta yi jǐ, bó mɔ Ablaxámu sɛ́ dó, bɔ Lazáa ɖo akɔ́n tɔn mɛ;

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

Jaki 4:13

Din ɔ́, mi mɛ e nɔ ɖɔ: “Égbé abǐ sɔ ɔ́, mǐ ná yi to lě mɛ; mǐ ná nɔ fínɛ́ xɔ xwe ɖokpó; mǐ ná wa ajɔ̌ bó ná mɔ akwɛ́” lɛ́ɛ ɔ́, mi ɖótó mì.

Jaki 5:1

Din ɔ́, dɔkunnɔ lɛ́ɛ mi, mi ɖótó mì! Mi ya avǐ, bó só hehe, ɖó nǔ nyanya e ná jɛ dó mi jí lɛ́ɛ wú!

Jaki 5:5

Acɔ́ mɛ wɛ mi nɔ, bó ɖu gbɛ ɖo ayǐkúngban ɔ́ jí; nǔ ɖagbe ɖagbe lɛ́ɛ wɛ mi ɖu, bó dó jǒ ɖ'ayǐ nú gbe e gbe è nǎ kplá mi yi lanhutɛn é.