Nǔnywɛ́tɔ́xó 12:3 - MAWUXÓWÉMA

³ Hwenɛ́nu wɛ zǎncɔ́tɔ́ towe lɛ́ɛ nɔ́ ɖo sísɔ́sísɔ́ wɛ; súnnu glegbenu towe lɛ́ɛ nɔ́ ɖo tɔ́tɔ́; nyɔ̌nu towe e ɖo nǔ li wɛ lɛ́ɛ nɔ́ ɖó nǔ lili te, ɖó yě sɔ́ sukpɔ́ ǎ; zǐnflú nɔ́ dó dó mɛ e ɖo nǔ kpɔ́n wɛ gbɔn flɛtɛ́li nu lɛ́ɛ.

Nǔnywɛ́tɔ́xó 12:3 Iomraidhean Croise

Bǐbɛ́mɛ 27:1

Izáki ko kpo, bɔ nukún tɔn vɔ́ da bǐ káká bɔ é sɔ́ nɔ́ mɔ nukúnnú ǎ. É ylɔ́ Esawu e tɔ́n jɛ nukɔn ɔ́, bó ɖɔ: “Vǐ ce!” Bɔ vǐ ɔ́ yí gbe n'i ɖɔ: “Wěyi, un ɖo tó ɖó we wɛ!”

Bǐbɛ́mɛ 48:10

Jakɔ́bu sín nukún ɖo te, é ká sɔ́ ɖo nǔ mɔ wɛ ǎ, ɖó é kó kpo. Jozɛ́fu ka kplá vǐ lɛ́ɛ n'i, bɔ é kí si nú yě, bó kplá así kɔ nú yě.

Ɖɛhan 102:23

hwenu e togun lɛ́ɛ bǐ ná kplé ɖo fínɛ́, bɔ axɔ́súɖuto lɛ́ɛ bǐ ná kplé bó ná sɛn Mawu Mavɔmavɔ é.

Ɖɛhan 35:14

Un nɔ ɖo yiyi wɛ wǔbláwúblá, xɔ́ntɔn ce ɖé abǐ nɔví ce ɖé wɛ nǔ wa ɖɔhun. Un nɔ jɛ aluwɛ mɛ, bó nɔ ɖo yiyi wɛ, bó nɔ́ ɖo wǐwá wɛ nɔ ce wɛ kú ɖɔhun.

Ɖɛhan 38:6

Akpa e ɖo wǔtu ce lɛ́ɛ dó kpan bó vó, ɖó gǔgú ce wú.

Zakalíi 8:4

Nǔgbó wɛ! Un ɖɔ bo tɛ ɖɛ̌ jí ɖɔ: Degénɔ kpódó nyɔ̌ɖaxóví kpó e nɔ hɛn kpogɛ, ɖó xwe yětɔn kó sɛ yi wútu lɛ́ɛ ɔ́, yě ná lɛ́ kɔ wá jínjɔ́n Jeluzalɛ́mu sín tokplétɛn lɛ́ɛ.

1 Samuwɛ́li 3:2

É ká wá jɛ zǎn mɛ gbe ɖokpó, bɔ Eli ɖo ayǐmlɔ́mlɔ́ ɖo fí e é nɔ́ mlɔ́ é; é ká sɔ́ ɖo nǔ mɔ wɛ ganjí ǎ.