Nǔnywɛ́tɔ́xó 11:2 - MAWUXÓWÉMA

² Zě akwɛ́ towe dó ajɔ̌ tɛnmɛ tɛnmɛ mɛ, ɖó a tunwun nǔ nyanya e ná wá jɛ ɖo gbɛ ɔ́ mɛ sɔ ɔ́ ǎ.

Nǔnywɛ́tɔ́xó 11:2 Iomraidhean Croise

Nǔnywɛ́xó 6:16

Nǔ ayizɛ́n wɛ nɔ vɛ́ Mawu Mavɔmavɔ wú, bɔ é nɔ́ gbɛ́ wǎn ná: nyi ɖokpónɔ wɛ tíin, adingban, xomɛvɔ́nɔ huhu, ayixa e nɔ lɛ́n nǔ nyanya ná wa é, wezun kán ɖo nǔ nyanya wiwa gúdo, kúnnu-agɔɖetɔ́ e nɔ́ ɖo adingban te é. Nǔ tɛ́nwe wɛ é nɔ́ gbɛ́ wǎn ná: é nɔ́ gbɛ́ wǎn nú hun dɔn kpé ɖo nɔví nɔví tɛ́ntin.

Ɖɛhan 112:9

É nɔ́ hun alɔ dó ná nǔ mɛ, é nɔ́ ná nǔ wamamɔnɔ lɛ́ɛ, é nɔ́ nyí hwɛjijɔnɔ ɖo Mawu nukɔn tɛgbɛ, hlɔ̌nhlɔ́n tɔn nɔ ɖo jijɛ jí wɛ kpó susu kpó.

Jɔ̌bu 5:19

Adǎn gěgé ná gbo we adǎn ɖěbǔ ká gbo we ɔ́, é ná nɔ́ hwlɛ́n we sín mɛ, bɔ nǔɖé ná wa we gbeɖé ǎ.

Daniyɛ́li 4:27

lobo sú xó bó ɖɔ: “Kpɔ́n Babilɔ́nu to ɖaxó e un gbá, bó sɔ́ dó bló hɔnmɛ ná é! É xlɛ́ lě e un syɛ́n gbɔn é, é xlɛ́ lě e acɛkpikpa ce xɔ susu gbɔn é.”

Eblée 13:3

Mi flín mɛ e ɖo ganxó lɛ́ɛ, mi ɖésúnɔ wɛ ɖo ganxó ɖɔhun. Mi flín mɛ e è ɖo ya dó ná wɛ lɛ́ɛ, ɖó mi ɖésú ɖó agbaza.

Efɛ́zinu 5:16

Mi hwlɛndó hwenu lɛ́ɛ, bó wa nǔ; ɖó hwenu e mǐ ɖe ɔ́ nyɔ́ ǎ.

Galatinu 6:1

Nɔví lɛ́ɛ mi! Mi mɛ e ko ɖó nukɔn yiyi ɖo nǔɖiɖi mɛ lɛ́ɛ ɔ́, ényí mɛɖé ɖo nǔ ɖěbǔ wa nyi do wɛ, bónú è gbo e dó hǔn, mi ɖe e ɖó ali jí; mi ka bló kpódó xomɛfífá kpó. Un ka lɛ́ ɖo ɖiɖɔ nú mi wɛ ɖɔ mi cɔ́ miɖée, bónú mi ɖésúnɔ má wá jɛ tɛ́nkpɔ́n mɛ ó.

Luki 17:4

É na bó hu hwɛ dó we azɔn tɛ́nwe ɖo kéze ɖokpó ɔ́ mɛ, lobo wá gɔ̌n towe azɔn tɛ́nwe mɔ̌, bó ɖɔ nú we ɖɔ: ‘Nǔ e un wa nyi do nú we ɔ́ vɛ́ nú mì’ hǔn, sɔ́ kɛ ɛ.”

Matíe 18:22

Jezu ka yí gbe n'i bó ɖɔ: “káká yi azɔn tɛ́nwe kɛ́ɖɛ́ kpowun wɛ é ná nyí ǎ; lo ɔ́, azɔn kanɖé gban (70) kanɖé gban (70) donu tɛ́nwe.

Matíe 5:42

Ényí mɛɖé byɔ́ nǔ we hǔn, nǎ ɛ; mɛɖé ja nǔ hwé gbé ɖo así towe hǔn, ma ɖe kɔ dó e ó.

Micée 5:5

Ahwanfunfun yětɔn ná zɔ́n bɔ yě ná kpa acɛ nú Asilíi, Nɛmulɔ́di sín to ɔ́. Yě ná hwlɛ́n mǐ gán sín Asilíinu lɛ́ɛ lɔ mɛ, hwenu e yě ná dó asá dogbó mǐtɔn, bó byɔ́ to mǐtɔn mɛ é.

Ɛsitɛ́ɛ 9:22

Nǔgbó ɔ́, azǎn énɛ́ lɛ́ɛ gbe ɔ́, Jwifu lɛ́ɛ gosín kɛntɔ́ yětɔn lɛ́ɛ sín kannu. Sun énɛ́ ɔ́ mɛ ɔ́, aluwɛ e mɛ yě ɖe ɔ́ húzú awǎjijɛ, bɔ nyladó yětɔn húzú nyɔ̌ná. Énɛ́ ɔ́ wú ɔ́, yě ɖó ná ɖu xwe kpódó awǎjijɛ kpó, bó ná ɖu xwe sɛ́ dó yěɖée, lobo ná ná nǔ wamamɔnɔ lɛ́ɛ, bó dó flín nǔ e jɛ nɛ́ lɛ́ɛ ná.

Ɛsitɛ́ɛ 9:19

Énɛ́ ɔ́ wú wɛ Jwifu e ɖo gletoxo lɛ́ɛ mɛ lɛ́ɛ sɔ́ azǎn wɛ̌nɛgɔ́ e ɖo Adáasun ɔ́ mɛ ɔ́ dó ɖó xwezán ná. Yě nɔ́ ɖu xwe bo nɔ j'awǎ, bó nɔ́ ɖu xwe sɛ́ dó yěɖée.

Nɛɛmíi 8:10

Ɛsidlási lɛ́ ɖɔ nú yě ɖɔ: “Mi yi xwé mitɔn lɛ́ɛ gbe, bó ɖu nǔ ɖagbe, bó nu ahan ɖagbe lɛ́ɛ. Ényí mɛɖé tíin bó má kó ɖó nǔɖé ɖo fínɛ́ bó ná ɖu ǎ hǔn, mi má ée ɖo mi sí ɔ́ xá ɛ, ɖó azǎn égbé tɔn ɔ́, Aklúnɔ mǐtɔn wɛ è sɔ́ ɖó te ná. Mi ma nɔ aluwɛ mɛ ó. Awǎjijɛ e nɔ gosín Mawu Mavɔmavɔ gɔ́n ɔ́ ná ná hlɔ̌nhlɔ́n mi.”

Nǔnywɛ́xó 19:17

Mɛ e nɔ ná nǔ wamamɔnɔ ɔ́, nǔ wɛ é nya nú Mawu Mavɔmavɔ; Mawu ná ná ajɔ tɔn ɛ.

Nǔnywɛ́tɔ́xó 11:3

Ényí jǐ wu ganjí ɔ́, é nɔ́ ja. Atín ɖé mu jɛ tofɔligbé abǐ totaligbé ɔ́, fí e é mu jɛ ɔ́ jɛ́n é nɔ́ cí.

Nǔnywɛ́tɔ́xó 11:8

Gbɛtɔ́ ɖó ná j'awǎ ɖo gbɛzán tɔn bǐ mɛ; é ná bó dɔ́ ji káká ɔ́, é ɖó ná j'awǎ. É ní ká flín ɖɔ azǎn gěgé ná tíin bɔ zǎn ná kú dó émí kéze. Nǔ e ná wá jɛ lɛ́ɛ bǐ wɛ nyí nǔ yǎyá.

Nǔnywɛ́tɔ́xó 12:1

Mɛwínnyáwínnyá, flín mɛ e ɖó we ɔ́ ɖo hwenu e a kpo ɖo wǐnnyáwínnyá mɛ é; flín i cóbónú azǎn nyanya lɛ́ɛ ná wá; flín i cóbónú xwe e mɛ a nǎ wa ɖɔ émí kún sɔ́ mɔ gbɛ ɔ́ sín vǐví ɖé ó ɔ́ ná wá.

1 Samuwɛ́li 25:8

É jló e hǔn, é ní kanbyɔ́ yě, yě ná tínmɛ n'i. Mi ɖɔ n'i ɖɔ ní kɛnklɛ́n bó nyɔ́ xomɛ dó mi wú, ɖó égbé ɔ́, xwe ɖu wɛ mǐ ɖe. Mi ɖɔ n'i ɖɔ un ɖo kɛnklɛ́n dó n'i wɛ ɖɔ nú é ɖó nǔɖé ɖo fínɛ́ hǔn, é ní ná nyɛ mɛsɛntɔ́ tɔn ɔ́ kpó mi kpó.”