Nǔnywɛ́tɔ́xó 10:2 - MAWUXÓWÉMA

² Nǔnywɛ́tɔ́ sín ayixa nɔ zɔ́n bɔ é nɔ́ wa nǔ ɖagbe; xlonɔ tɔn ka nɔ zɔ́n bɔ é nɔ́ wa nǔ nyanya.

Nǔnywɛ́tɔ́xó 10:2 Iomraidhean Croise

Nǔnywɛ́xó 14:8

Gbɛtɔ́ e ɖó ayi te ɔ́ nɔ́ kpɔ́n afɔ bo nɔ ɖe, ɖó nǔnywɛ́tɔ́ wɛ; mɛ e ma ɖó nǔnywɛ́ ǎ é ká nɔ́ bú ali ɖó xlo tɔn wú.

Nǔnywɛ́xó 15:7

Nǔnywɛ́tɔ́ xó ɔ́, nǔ wɛ é nɔ́ kplɔ́n mɛ; xlonɔ sín ayixa ká gbɔn vo.

Nǔnywɛ́xó 17:16

Akwɛ́ jɛ xlonɔ lɔ mɛ ɔ́, ani wɛ é ná dó wa? Nǔnywɛ́ wɛ é ná sɔ́ dó yí ná a? Ayi tɔn sixú mɔ mɔ̌ ǎ.

Nǔnywɛ́tɔ́xó 10:10

Ényí asyɔ́ví ɖé kpo nu bónú è ma gan ǎ ɔ́, è nɔ zǎn hlɔ̌nhlɔ́n dín. È sɔ́ nǔnywɛ́ dó wa nǔ ɔ́, è nɔ mɔ nu tɔn.

Nǔnywɛ́tɔ́xó 10:14

Xlonɔ ɔ́, xó ɖɔ wɛ é nɔ́ ɖe magbokɔ. Nǔ ka ɖo mɔ̌ có gbɛtɔ́ tunwun nǔ e ɖo nǎ jɛ wɛ sɔ ɔ́ ǎ. Énɛ́ ɔ́ wú ɔ́, mɛ̌ wɛ sixú tunwun nǔ e ná jɛ ɖo kú tɔn gúdo ɔ́, bó ná ɖɔ n'i?

Nǔnywɛ́tɔ́xó 9:10

Alɔ towe jɛ nǔ ɖěbǔ wú hǔn, zě hlɔ̌nhlɔ́n towe bǐ dó bló, ɖó kútomɛ fí e a xwe ɔ́, nǔɖé ɖo dɔ̌n bɔ è nɔ wa ǎ; tamɛlinlin ɖě ɖo dɔ̌n ǎ, nǔtunwuntunwun ɖě ɖo dɔ̌n ǎ, nǔnywɛ́ ɖě ɖo dɔ̌n ǎ.

Matíe 25:33

Un ná sɔ́ mɛ ɖagbe lɛ́ɛ ɖó ɖisí ce xwé, bó ná sɔ́ mɛ nyanya lɛ́ɛ ɖó amyɔ ce xwé,

Matíe 6:33

Axɔ́súɖuɖu Mawu tɔn kpódó jlǒ tɔn wiwa kpó ní nɔ́ myá nukún nú mi jɛ nukɔn; énɛ́ ɔ́, é ná ná nǔ énɛ́ lɛ́ɛ bǐ mi.

Kolósinu 3:1

Mawu kó fɔ́n mi sín kú kpó Klísu kpó. Hǔn mi bo ba nǔ e ɖo sɛ́xwé lɛ́ɛ; fínɛ́ wɛ Klísu jínjɔ́n ɖisíxwé nú Mawu ɖe.