Nǔnywɛ́tɔ́xó 1:8 - MAWUXÓWÉMA

⁸ Nǔ e ɖo jijɛ wɛ lɛ́ɛ bǐ wɛ cikɔ, é cikɔ káká bɔ è sixú ɖɔ ǎ. Nukún mɔ bó kpo ɖo biba ná mɔ wɛ, tó se bó kpo ɖo biba ná se wɛ.

Nǔnywɛ́tɔ́xó 1:8 Iomraidhean Croise

Ɖɛhan 63:5

Un ná nɔ́ dó kú nú we ɖo gbɛzán ce lɛ́ɛ bǐ mɛ. Un ná dlɛ́n alɔ sɛ́ dó we, bó ná ɖɔ xó nú we.

Nǔnywɛ́xó 27:20

Kútomɛ nɔ́ gɔ́ xo gbeɖé ǎ; domaɖó-azan nɔ gɔ́ xo gbeɖé ǎ; mɔ̌ ɖokpó ɔ́, nǔ nɔ kpé gbɛtɔ́ gbeɖé ǎ.

Nǔnywɛ́tɔ́xó 1:7

Tɔsisa lɛ́ɛ bǐ ɔ́, xu mɛ wɛ yě bǐ nɔ́ sa yi kɔn dó; có xu ɔ́ ká nɔ́ gɔ́ gbeɖé ǎ. Fí ɖokpó ɔ́ jɛ́n tɔsisa lɛ́ɛ nɔ́ fɔ́n bó nɔ́ ɖo sisa yi wɛ tɛgbɛ.

Nǔnywɛ́tɔ́xó 2:11

Ée un ka wá kpɔ́n nǔ e un wa lɛ́ɛ bǐ mɛ sɛ́ dó, bó kpɔ́n wǔvɛ́ e un mɔ ɖ'é mɛ lɛ́ɛ bǐ sɛ́ dó ɔ́, un mɔ ɖɔ nǔ énɛ́ lɛ́ɛ bǐ ɔ́, nǔ yǎyá wɛ; wezun kán ɖo jɔhɔn gúdo wɛ. Nǔ e wa wɛ è nɔ ɖe ɖo hwe glɔ́ fí ɔ́, le ɖé ɖ'é mɛ ǎ.

Nǔnywɛ́tɔ́xó 2:26

Nǔgbó ɔ́, Mawu wɛ nɔ́ ná nǔnywɛ́, nukúnnú mɔ jɛ nǔ mɛ kpó awǎjijɛ kpó mɛ e nɔ wa jlǒ tɔn é; lo ɔ́, é nɔ́ zɔ́n azɔ̌ mɛ e nɔ wa nǔ nyanya é, bɔ é nɔ́ wa azɔ̌, bó nɔ́ kplé dɔkun nú mɛ e nɔ wa jlǒ éyɛ́ Mawu ɔ́ tɔn é; dɔkun kplé ɖ'ayǐ ɔ́, un mɔ ɖɔ énɛ́ lɔ ɔ́ nǔ yǎyá wɛ; wezun kán ɖo jɔhɔn gúdo wɛ.

Nǔnywɛ́tɔ́xó 4:8

Nya ɖé tíin, bɔ é ɖokpó wɛ ɖo ayǐ, mɛɖé ɖo kpɔ́ xá ɛ ǎ. Nya ɔ́ ɖó vǐ ǎ, é ɖó nɔví ǎ, é ká fɔ́n ɔ́, azɔ̌ wa wɛ jɛ́n é nɔ́ ɖe; dɔkun kplé dó dɔkun jí wɛ jɛ́n é nɔ́ ɖe. É nɔ́ wá kanbyɔ́ éɖée ɖɔ: “Mɛ̌ kplé dɔkun ɔ́ ɖ'ayǐ ná wɛ un ka ɖe bó gbɛ́ gbɛ ce ɖu?” Un mɔ ɖɔ nǔ énɛ́ lɔ ɔ́, nǔ yǎyá wɛ; gbɛ mɛtɔn zán nyi do wɛ.

Nǔnywɛ́tɔ́xó 6:7

Nǔ ná gló wú wɛ gbɛtɔ́ nɔ́ wa azɔ̌; nǔ ká nɔ́ kpé e gbeɖé ǎ.

Ajée 1:9

Jinukún gěgé ɖó nukún wɛ mi ɖe, mi bo ka kpɔ́n kpɛ e mi ya é! Kpɛ énɛ́ e mi bɛ́ yi xwé gbe ɔ́, un fún funfún dó, bɔ bǐ gba dó. Nyɛ Mawu Mavɔmavɔ Nǔbǐwúkpétɔ́ ɔ́, má lɛ́ kan nǔ ɖokpó byɔ́ mi: Étɛ́wú nǔ ká ɖo mɔ̌ cí wɛ? Nǔ e wú wɛ ɔ́ wɛ nyí ɖɔ xwé ce ɖo gbigba, bɔ mi mɔ bó jó dó, bɔ ɖokpó ɖokpó mitɔn ka ɖo nukún kpé dó étɔn wú wɛ.

Matíe 11:28

“Mi wá gɔ̌n ce; mi mɛ e agban kpinkpɛn hinhɛn cikɔ ná lɛ́ɛ é bǐ, bónú ma ná gbɔjɛ́ mi.”

Matíe 5:6

Nǔ nyɔ́ nú mɛ e nǔjlɔ́jlɔ́wiwa sín xovɛ́ nɔ sín, bɔ kɔ tɔn nɔ xú yě lɛ́ɛ é; ɖó yě ná gɔ́ xo.