Nǔnywɛ́tɔ́xó 1:2 - MAWUXÓWÉMA

² Nǔ bǐ wɛ nyí nǔ yǎyá, nǔ bǐ wɛ nyí walá. Nyɛ nǔnywɛ́tɔ́ ɔ́ wɛ ɖɔ mɔ̌.

Nǔnywɛ́tɔ́xó 1:2 Iomraidhean Croise

Jɔ̌bu 11:12

Gbe e gbe è nǎ kpé wú bó dé tócí gbě tɔn ɔ́, gbe nɛ́ gbe ɔ́, gbɛtɔ́ e má ɖó fɔn taglo mɛ ǎ é ná húzú nǔnywɛ́tɔ́.

Ɖɛhan 144:4

Gbɛtɔ́ ɔ́, jɔhɔn ɖɔhun kpowun wɛ wá yi; azǎn tɔn lɛ́ɛ nɔ́ dín wá yi léwún yɛ ɖɔhun.

Ɖɛhan 89:47

Mawu Mavɔmavɔ, káká jɛ hwetɛ́nu wɛ a nǎ zé hwiɖée hwlá dó yi jɛ? Káká jɛ hwetɛ́nu wɛ xo towe mɛ ná hun agbǎn yi jɛ?

Nǔnywɛ́tɔ́xó 11:10

Hɔn nú nǔ e ná zɔ́n bɔ a nǎ jɛ aluwɛ mɛ lɛ́ɛ, bó hɔn nú nǔ e ná zɔ́n bɔ a nǎ jɛ azɔn lɛ́ɛ é, ɖó wǐnnyáwínnyá mɛ sín hwenu nɔ wá yi azizɔ ɖɔhun.

Nǔnywɛ́tɔ́xó 11:8

Gbɛtɔ́ ɖó ná j'awǎ ɖo gbɛzán tɔn bǐ mɛ; é ná bó dɔ́ ji káká ɔ́, é ɖó ná j'awǎ. É ní ká flín ɖɔ azǎn gěgé ná tíin bɔ zǎn ná kú dó émí kéze. Nǔ e ná wá jɛ lɛ́ɛ bǐ wɛ nyí nǔ yǎyá.

Nǔnywɛ́tɔ́xó 12:8

Nyɛ nǔnywɛ́tɔ́ ɔ́, un mɔ ɖɔ nǔ bǐ wɛ nyí nǔ yǎyá, nǔ bǐ wɛ nyí walá.

Nǔnywɛ́tɔ́xó 2:11

Ée un ka wá kpɔ́n nǔ e un wa lɛ́ɛ bǐ mɛ sɛ́ dó, bó kpɔ́n wǔvɛ́ e un mɔ ɖ'é mɛ lɛ́ɛ bǐ sɛ́ dó ɔ́, un mɔ ɖɔ nǔ énɛ́ lɛ́ɛ bǐ ɔ́, nǔ yǎyá wɛ; wezun kán ɖo jɔhɔn gúdo wɛ. Nǔ e wa wɛ è nɔ ɖe ɖo hwe glɔ́ fí ɔ́, le ɖé ɖ'é mɛ ǎ.

Nǔnywɛ́tɔ́xó 2:15

Ényí nǔ ɖokpó ɔ́ wɛ ɖo te kpɔ́n nyi kpó xlonɔ kpó ɔ́, étɛ́ un ka ɖó nǔnywɛ́ hú i dó wa ná? Un lɛ́ mɔ ɖo fínɛ́ ɖɔ nǔnywɛ́ ɖó hú mɛ ɔ́, nǔ yǎyá wɛ.

Nǔnywɛ́tɔ́xó 2:17

Ée un mɔ mɔ̌ é ɔ́, un gbɛ́ wǎn nú gbɛ ɔ́, ɖó nǔ e gbɛtɔ́ nɔ wa ɖo hwe glɔ́ fí ɔ́ ɖě nyí nǔɖé wa nú ǎ; un mɔ ɖɔ nǔ énɛ́ lɛ́ɛ bǐ ɔ́, nǔ yǎyá wɛ; wezun kán ɖo jɔhɔn gúdo wɛ.

Nǔnywɛ́tɔ́xó 2:19

Azɔ̌ e un zán nǔnywɛ́ ce bó wa ɖo hwe glɔ́ fí ɔ́, mɛ e ɖo do ce mɛ ná wá nɔ wɛ ɔ́ wɛ ɖo acɛ ná kpa ná wɛ; é to ká ná ɖó nǔnywɛ́ kpó é ná jɔ xlo kpó ɔ́, mɛ̌ ká tunwun; énɛ́ lɔ ɔ́ un mɔ ɖɔ nǔ yǎyá wɛ.

Nǔnywɛ́tɔ́xó 2:21

Gbɛtɔ́ zé nǔnywɛ́ tɔn, bó zé lě e é mɔ nukúnnú jɛ gbɛ ɔ́ wú gbɔn ɔ́ dó wa nǔ ná, bó mɔ nu tɔn, có é ná jó nǔ énɛ́ bǐ dó nú mɛ e ná wá nɔ do tɔn mɛ é; mɛ énɛ́ ká mɔ wǔvɛ́ ɖé xá ɛ ǎ. Énɛ́ lɔ ɔ́ un mɔ ɖɔ nǔ yǎyá wɛ, nǔ ɖǒ ná nyí mɔ̌ ǎ.

Nǔnywɛ́tɔ́xó 2:23

Đó ayǐ hɔ́n tɛgbɛ ɔ́, adǎn jɛ́n nɔ́ ɖo gbigbo e wɛ; nǔ lin wɛ jɛ́n é nɔ́ ɖe, bó nɔ́ ɖo kéve xo wɛ ɖo gbɛ nukɔn. Zǎn na bo kú ɔ́, é nɔ́ vo ɖo ayi mɛ ǎ. Nǔ énɛ́ lɔ ɔ́ un mɔ ɖɔ nǔ yǎyá wɛ.

Nǔnywɛ́tɔ́xó 2:26

Nǔgbó ɔ́, Mawu wɛ nɔ́ ná nǔnywɛ́, nukúnnú mɔ jɛ nǔ mɛ kpó awǎjijɛ kpó mɛ e nɔ wa jlǒ tɔn é; lo ɔ́, é nɔ́ zɔ́n azɔ̌ mɛ e nɔ wa nǔ nyanya é, bɔ é nɔ́ wa azɔ̌, bó nɔ́ kplé dɔkun nú mɛ e nɔ wa jlǒ éyɛ́ Mawu ɔ́ tɔn é; dɔkun kplé ɖ'ayǐ ɔ́, un mɔ ɖɔ énɛ́ lɔ ɔ́ nǔ yǎyá wɛ; wezun kán ɖo jɔhɔn gúdo wɛ.

Nǔnywɛ́tɔ́xó 2:8

Un kplé kpatágan kpó siká kpó kɔn nyi kpɔ́; dɔkun énɛ́ lɛ́ɛ ɔ́, axɔ́sú e ɖo acɛ ce mɛ lɛ́ɛ gɔ́n wɛ yě gosín, bó gosín tokpɔn e ɖo acɛ ce mɛ lɛ́ɛ mɛ. Un ɖó hansinɔ súnnu kpó nyɔ̌nu kpó, bɔ yě nɔ́ wá ji han dó ɖe ayi ɖ'ayǐ nú mì. Nǔ e nyí gbɛ bɔ súnnu lɛ́ɛ nɔ́ ɖu ɔ́, un ɖu; un da asi kɔn nyi kpɔ́.

Nǔnywɛ́tɔ́xó 3:19

Đó nǔ e ɖo te kpɔ́n kanlin ɔ́ jɛ́n ɖo te kpɔ́n gbɛtɔ́ lɔ; funfún e ɖo kanlin xomɛ é jɛ́n ɖo gbɛtɔ́ xomɛ; kanlin ná kú, gbɛtɔ́ lɔ ná kú. Gbɛtɔ́ nyí nǔɖé hú kanlin ǎ; ɖó nǔ lɛ́ɛ bǐ wɛ nyí nǔ yǎyá.

Nǔnywɛ́tɔ́xó 4:16

Yɔkpɔ́vú énɛ́ ɔ́ ná ɖu axɔ́sú ɖo mɛ gěgé nu; é ká ɖo mɔ̌ có axɔ́súɖuɖu tɔn sɔ́ nɔ́ wá nyí xomɛhunhunnú ɖe nú mɛ e ná wá jɔ sɔ lɛ́ɛ ǎ; un mɔ ɖɔ nǔ énɛ́ lɔ ɔ́, nǔ yǎyá wɛ; wezun kán ɖo jɔhɔn gúdo wɛ.

Nǔnywɛ́tɔ́xó 4:4

Un lɛ́ mɔ nǔ jɛ wú ɖɔ gbɛtɔ́ nɔ́ jɛ tagba bó nɔ lébe nú azɔ̌ tɔn. Nǔ e wú é nɔ́ ɖo mɔ̌ wa wɛ ɔ́ wɛ nyí ɖɔ nǔ ná nyɔ́ nú éyɛ́ hú mɛ bǐ. Un mɔ ɖɔ nǔ énɛ́ lɔ ɔ́, nǔ yǎyá wɛ; wezun kán ɖo jɔhɔn gúdo wɛ.

Nǔnywɛ́tɔ́xó 4:8

Nya ɖé tíin, bɔ é ɖokpó wɛ ɖo ayǐ, mɛɖé ɖo kpɔ́ xá ɛ ǎ. Nya ɔ́ ɖó vǐ ǎ, é ɖó nɔví ǎ, é ká fɔ́n ɔ́, azɔ̌ wa wɛ jɛ́n é nɔ́ ɖe; dɔkun kplé dó dɔkun jí wɛ jɛ́n é nɔ́ ɖe. É nɔ́ wá kanbyɔ́ éɖée ɖɔ: “Mɛ̌ kplé dɔkun ɔ́ ɖ'ayǐ ná wɛ un ka ɖe bó gbɛ́ gbɛ ce ɖu?” Un mɔ ɖɔ nǔ énɛ́ lɔ ɔ́, nǔ yǎyá wɛ; gbɛ mɛtɔn zán nyi do wɛ.

Nǔnywɛ́tɔ́xó 5:10

Ényí mɛ ɖé jɛ dɔkun sukpɔ́ ɔ́, ɖuɖutɔ́ nɔ́ sukpɔ́; ényí nǔ ká ɖo mɔ̌ ɔ́, mɛ e jɛ dɔkun ɔ́, le tɛ́ ká ɖ'é mɛ n'i nɛ́? É ná kpɔ́n dɔkun tɔn lɛ́ɛ ɖó nukún wú kpowun.

Nǔnywɛ́tɔ́xó 6:11

ɖó è ɖo xó ɖɔ wɛ magbokɔ ɔ́, xógbló nɔ́ sukpɔ́ ɖ'é mɛ. Étɛ́ è ka nɔ mɔ ɖo xó ɖɔ magbokɔ ɔ́ mɛ?

Hlɔ̌manu 8:20

Nǔ e è blǒ lɛ́ɛ jɛ nǔ e ma nɔ kplá mɛ yi fí ɖé ǎ ɔ́ sín acɛ mɛ; é ka nyí yě ɖésúnɔ wɛ jló, bó jɛ acɛ tɔn mɛ ǎ; Mawu wɛ sɔ́ yě ɖó acɛ tɔn mɛ; é ɖo mɔ̌ có nukúnɖíɖó ɖé ka tíin.