Eblée 9:7 - MAWUXÓWÉMA

⁷ Amɔ̌, tɛn wegɔ́ ɔ́, vɔ̌sánú-xwlémawutɔ́ ɖaxó ɔ́ kɛ́ɖɛ́ jɛ́n nɔ byɔ́ mɛ; azɔn ɖokpó wɛ é nɔ byɔ́ mɛ ɖo xwe ɖokpó mɛ. É ɖó ná hɛn kanlin sín hun byɔ́ mɛ, bó ná zé xwlé Mawu dó hwɛ e é ɖésúnɔ hu lɛ́ɛ kpódó ée togun ɔ́ ma tunwun ǎ bo hu lɛ́ɛ kpó tamɛ.

Eblée 9:7 Iomraidhean Croise

2 Samuwɛ́li 6:7

Bɔ Mawu Mavɔmavɔ sin xomɛ dó Wúza, bó dɔn tó n'i ɖo fínɛ́ tɛn tɔn mɛ ɖó su e é ɖu ɔ́ wú, bɔ Wúza kú jɛ fínɛ́ ɖo akɔjijɛgbá ɔ́ kpá.

2 Tan 33:9

Lo ɔ́, Manasée dɔn Judáa to ɔ́ kpódó Jeluzalɛ́munu lɛ́ɛ kpó bú, bɔ nǔ nyanya e yě dó sin ɔ́ hú nǔ nyanya e togun e Mawu Mavɔmavɔ nya bo yí ayǐkúngban yětɔn nú Izlayɛ́li ví lɛ́ɛ é tɔn.

Ɖɛhan 19:12

Mawu Mavɔmavɔ, nyɛ mɛsɛntɔ́ towe lɔ nɔ yí kplɔ́n ɖ'é mɛ; mɛ e nɔ xwedó nǔ e a ɖɔ lɛ́ɛ ɔ́, le e yě nɔ́ mɔ ɖ'é mɛ ɔ́ d'agba.

Ɖɛhan 95:10

Yě mɛ énɛ́ lɛ́ɛ dó akpɔ nú mì xɔ xwe kanɖé (40), bɔ un ɖɔ togun élɔ́ sɔ́ ɖó ta ɖé ǎ. Yě mlɛ́ ali e un ɖe nú yě ɔ́ kpɛɖé ǎ.

Tíntɔ́n 30:10

Aalɔ́ɔn ná nɔ́ sá hwɛsɔ́kɛmɛvɔ́ azɔn ɖokpó ɖo xwe ɖokpó mɛ. É ná kɔn kanlin e è hu dó sá vɔ̌ énɛ́ ɔ́ ná, bó ná mɔ hwɛsɔ́kɛmɛ yí ɔ́, sín hun dó vɔ̌sákpe ɔ́ sín zo e tɔ́n lɛ́ɛ jí. Xwewú xwewú wɛ è nǎ nɔ́ sá vɔ̌ énɛ́ ɔ́, sín jijimɛ ɖě jí yi ɖě jí. È ná zé vɔ̌sákpe ɔ́ ɖó vo nú mì, bɔ é ná nyí nǔ mímɛ́ titewungbe ɖé.”

Ezayíi 28:7

Gbeyíɖɔ Mawu tɔn lɛ́ɛ kpó vɔ̌sánú-xwlémawutɔ́ lɛ́ɛ kpó lɔ nu vɛ̌ɛn mú, bó nɔ́ ɖo gblǒ ɖɔ wɛ. Yě nɔ́ nu ahan mú bó nɔ́ ɖo sa fún wɛ. Vɔ̌sánú-xwlémawutɔ́ lɛ́ɛ kpó gbeyíɖɔ Mawu tɔn lɛ́ɛ kpó nɔ́ nu ahan mú, bó nɔ́ ɖo gblǒ ɖɔ wɛ. Yě nɔ́ nu vɛ̌ɛn mú, bɔ ayi yětɔn sɔ́ ɖo te ǎ. Yě nɔ́ nu ahan mú bó nɔ́ ɖo sa fún wɛ. Mawu ɖe nǔ xlɛ́ yě bónú yě ja ɖiɖɔ gbé ɔ́, gblǒ wɛ yě nɔ́ ɖɔ. Yě ɖo hwɛ ɖɔ wɛ ɔ́, xó yětɔn nɔ xwe ali ǎ.

Ezayíi 29:14

Énɛ́ ɔ́ wú wɛ un ná nɔ́ ɖo nǔ jlɛ́ wɛ bɔ ado ná hu i. Nǔnywɛ́tɔ́ tɔn lɛ́ɛ sín nǔnywɛ́ ná nɔ́ xo akpó. Gbɛtɔ́ bíbí tɔn lɛ́ɛ sín bǐbí bǐ ná húzú nǔ yǎyá.”

Ezayíi 3:12

Mawu ɖɔ: “Áo togun ce! Yɔkpɔ́vú kpɛví kpɛví ɖé lɛ́ɛ wɛ ɖo acɛ kpa nú we wɛ; nyɔ̌nu lɛ́ɛ wɛ ɖo gǎn ɖu wɛ. Áo togun ce! Nukɔntɔ́ towe lɛ́ɛ nɔ́ ɖo dindɔn we bú wɛ. Fí e kplá we yi wɛ yě ɖe ɔ́ nyɔ́ ǎ.”

Ezayíi 9:16

Énɛ́ ɔ́ wú wɛ xomɛ ma hun Mawu Mavɔmavɔ dó dɔ̌nkpɛvú lɛ́ɛ wú ǎ; tɔ́cyɔvǐ lɛ́ɛ kpó asúkúsi lɛ́ɛ kpó sín nǔ blá wǔ n'i ǎ, ɖó yě mɛ bǐ wɛ nyí mɛdídá, yě bǐ wɛ nɔ wa nǔ nyanya; xó blíblí wɛ nɔ tɔ́n sín nu yětɔn mɛ. Tó e dɔn nú yě wɛ Mawu Mavɔmavɔ ɖe ɔ́ ká kó fá xomɛ n'i ǎ; alɔ tɔn kpo ɖo dlɛ̌ndlɛ́n bó ná xo togun tɔn.

Ozée 4:12

Togun ce yi kan nǔ ɖo atín vodún tɔn ɔ́ gɔ́n; é ɖɔ vodún ɔ́ ní ɖɔ xó nú émí. Aga jɔhɔn dɔn yě bú. Yě klán sín nyɛ Mawu yětɔn ɔ́ wú, yě dó afɔ gbě.

Levíi ví 16:34

“Sɛ́n ɖé wɛ sɛ́n énɛ́ ɔ́ nyí, bɔ mi ná nɔ́ nyi káká sɔ́yi, bɔ azɔn ɖokpó ɖo xwe ɖokpó mɛ ɔ́, è nǎ nɔ́ sá vɔ̌ e nɔ súnsún hwɛ sín kɔ nú mɛ ɔ́ dó Izlayɛ́li togun ɔ́ bǐ ta mɛ.” Ée Mɔyízi ɖɔ xó énɛ́ lɛ́ɛ nú Aalɔ́ɔn ɔ́, Aalɔ́ɔn bló nǔ e Mawu Mavɔmavɔ ɖɔ nú Mɔyízi é.

Levíi ví 5:18

É ná zé agbo e ma ɖó blɔ̌ ɖěbǔ ǎ, bɔ è nɔ dó sá hwɛxɔ́súsú vɔ́ ná ɔ́ ɖokpó wá nú vɔ̌sánú-xwlémawutɔ́ ɔ́. Agbo ɔ́ ɖó ná xɔ akwɛ́ nabí e è ɖɔ é. Vɔ̌sánú-xwlémawutɔ́ ɔ́ ná bló lě e è nɔ bló gbɔn bó nɔ́ xwlé vɔ̌sánú mì ɔ́ dó sá hwɛxɔ́súsú vɔ́ ná dó ta tɔn mɛ, bɔ Mawu Mavɔmavɔ ná sɔ́ nǔ e é má tunwun ǎ bó wa ɔ́ kɛ ɛ.

Amɔ́si 2:14

Mɛ ɖé ná bó bí ɔ́, é ná sixú hɔn ǎ; mɛɖé ná bó dó hlɔ̌nhlɔ́n ɔ́, é ná sixú sɔ́ hlɔ̌nhlɔ́n tɔn dó wa nǔɖé ná ǎ, mɛɖé ná bó nyí súnnu akowunká ɔ́, é sixú hwlɛ́n gbɛ éɖée tɔn ǎ.

Kɛ́nsísɔ́ 15:25

Vɔ̌sánú-xwlémawutɔ́ ɔ́ ná sá hwɛxɔ́súsú vɔ́ dó Izlayɛ́li ví lɛ́ɛ bǐ tamɛ, bɔ nyɛ Mawu Mavɔmavɔ ná sɔ́ hwɛ kɛ yě; ɖó yě tunwun ǎ, bó hu hwɛ, bo ká hɛn vɔ̌sánú yětɔn wá nú vɔ̌ e è nɔ dó zo nú nyɛ Mawu Mavɔmavɔ ɔ́, bó hɛn kanlin e è nɔ dó sá hwɛxɔ́súsú vɔ́ ná ɖo nukɔn ce ɔ́ wá, ɖó hwɛ e yě má tunwun ǎ bó hu ɔ́ wú.

Efɛ́zinu 4:18

Ayi yětɔn nɔ́ mɔ nǔ ɖěbǔ ǎ. Gbɛ jɔ gbɛ e Mawu nɔ́ ná mɛ ɔ́, yědɛɛ lɛ́ɛ ɖó mǐmá ɖěbǔ ɖ'é mɛ ǎ; ɖó yě gǔ, bó tlí tó taala.

Eblée 10:3

Nǔgbó ɔ́, hwɛ e mɛ lɛ́ɛ hu ɔ́ wɛ vɔ̌sísá énɛ́ lɛ́ɛ nɔ flín yě xwewú xwewú.

Eblée 6:19

Nukúnɖíɖó énɛ́ ɔ́ nɔ hɛn lǐndɔ̌n mǐtɔn syɛ́nsyɛ́n, lě e gandótɔnu nɔ hɛn tɔjíhún syɛ́nsyɛ́n ɖó te gbɔn é. Nukúnɖíɖó énɛ́ ɔ́ wɛ nyí gǎnjɛwú; é lí dǒ; é wɛ nɔ xo avɔ ɖaxó e è dǒ gbo sinsɛnxɔ sɛ́xwé tɔn mɛ ná ɔ́ zlɛ́ bó nɔ dín yi tɛn mímɛ́ bǐ e ɖo sinsɛnxɔ ɔ́ mɛ ɔ́ mɛ.

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Eblée 9:3

Tɛn wegɔ́ e ɖo xɔmɛgbovɔ wegɔ́ ɔ́ gúdo ɔ́, è nɔ ylɔ́ ɖɔ Tɛn mímɛ́ bǐ.