Eblée 9:4 - MAWUXÓWÉMA

⁴ Vɔ̌sákpe e è blǒ kpó siká kpó bɔ è nɔ dó zǎlínkpɔ́n zo ɖ'é jí ɔ́ ɖo fínɛ́, bɔ akɔjijɛgbá e wú è kɔn siká dó gbɔn fí bǐ ɔ́ ɖo fínɛ́. Sikázɛ́n e mɛ nǔɖuɖu e è nɔ ylɔ́ ɖɔ mǎna ɔ́ ɖe ɔ́ ɖo akɔjijɛgbá ɔ́ mɛ. Aalɔ́ɔn sín kpo e tɔ́n ama ɔ́ kpódó awǐnnyatɛ e jí è wlǎn akɔjijɛxó lɛ́ɛ dó ɔ́ kpán ɖ'é mɛ.

Eblée 9:4 Iomraidhean Croise

1 Axɔ́sú 7:50

É bló basya lɛ́ɛ, nǔ e è nɔ dó bló myɔ ɖó ná lɛ́ɛ, gannú lɛ́ɛ, kɔ́fu lɛ́ɛ, zǎlínkpɔ́nfyɔ́nú lɛ́ɛ; siká akú wɛ é dó bló yě ná. É bló hɔnsóswé nú tɛn mímɛ́ bǐ ɔ́, bó bló nú tɛn mímɛ́ ɔ́ sín hɔn lɛ́ɛ; siká wɛ è dǒ bló yě ná.

1 Axɔ́sú 8:21

Un bló tɛnmɛ nú gbǎ e mɛ akɔjijɛ sín nǔ lɛ́ɛ ɖe ɔ́ ɖó xɔ ɔ́ mɛ; akɔ e é jɛ xá tɔ́gbó mǐtɔn lɛ́ɛ, hwenu e é ɖe yě tɔ́n sín Ejípu é.”

1 Axɔ́sú 8:9

Nǔɖé ɖo akɔjijɛgbá ɔ́ mɛ zɛ awǐnnyatɛ we e Mɔyízi bɛ́ d'é mɛ ɖo Holɛ́bu, hwenu e Izlayɛ́li ví lɛ́ɛ tɔ́n sín Ejípu, bɔ Mawu Mavɔmavɔ jɛ akɔ xá yě ɔ́ wú ǎ.

2 Tan 5:10

Nǔɖé ɖo akɔjijɛgbá ɔ́ mɛ zɛ awǐnnyatɛ we e Mɔyízi bɛ́ d'é mɛ ɖo Holɛ́bu hwenu e Izlayɛ́li ví lɛ́ɛ tɔ́n sín Ejípu, bɔ Mawu Mavɔmavɔ jɛ akɔ xá yě ɔ́ wú ǎ.

Tíntɔ́n 26:33

A nǎ zé xɔmɛgbovɔ ɔ́ gbɔn nǔhɛnnú lɛ́ɛ glɔ́. “Xɔmɛgbovɔ énɛ́ ɔ́ gúdo wɛ è nǎ sɔ́ akɔjijɛgbá ɔ́ ɖó. Xɔmɛgbovɔ ɔ́ wɛ ná gbo Tɛn mímɛ́ ɔ́ kpó tɛn mímɛ́ bǐ ɔ́ kpó.

Tíntɔ́n 31:18

Ée Mawu ɖɔ xó xá Mɔyízi fó ɖo Sinayíi só ɔ́ jí ɔ́, é bɛ́ awǐnnyatɛ we e jí é ɖésúnɔ sɔ́ alɔví tɔn dó wlán sɛ́n lɛ́ɛ dó ɔ́ n'i.

Tíntɔ́n 32:15

Énɛ́ ɔ́ gúdo ɔ́, Mɔyízi jɛ te sín só ɔ́ jí. Awǐnnyatɛ we lɛ́ɛ ɖo alɔ tɔn mɛ. Awǐnnyatɛ we énɛ́ lɛ́ɛ jí wɛ Mawu wlǎn sɛ́n tɔn lɛ́ɛ dó gǔdo nukɔn.

Tíntɔ́n 34:29

Mɔyízi jɛ te sín Sinayíi só ɔ́ jí, bó hɛn awǐnnyatɛ akɔjijɛ tɔn lɛ́ɛ alɔ mɛ. Ée é ɖɔ xó xá Mawu ɔ́, nukún mɛ tɔn ɖo kínkɔ́n wɛ, é ká tunwun ǎ.

Tíntɔ́n 37:25

Besalɛli zé kasyatín dó bló vɔ̌sákpe ɖokpó, bó nɔ́ dó zǎlínkpɔ́n zo ɖ'é jí. Akpáxwé tɔn lɛ́ɛ bǐ ɖó jlɛ̌ ɖokpó ɔ́; ɖokpó ɖokpó sín ga nyí mɛ̌tlu vlɔ́; vɔ̌sákpe ɔ́ sín jǐ yiyi nyí mɛ̌tlu ɖokpó; zo tɔn ɛnɛ lɛ́ɛ tɔ́n ganjí, bɔ zo lɛ́ɛ kpó vɔ̌sákpe ɔ́ kpó ɖo bǔ.

Tíntɔ́n 39:35

kpó gbǎ e mɛ akɔjijɛwéma ɔ́ ɖe ɔ́ kpó, kpó kpo e è nɔ dó sɔ́ ná lɛ́ɛ kpó, kpódó nusú tɔn kpó;

Tíntɔ́n 40:3

A nǎ zě gbǎ e mɛ akɔjijɛwéma ɔ́ ɖe ɔ́ d'é mɛ, bó ná sɔ́ ɖó xɔmɛgbovɔ ɔ́ gúdo, bónú mɛɖé ní má mɔ ó.

Levíi ví 16:12

é ná ɖe myɔkán ɖo vɔ̌sákpe e ɖo goxɔ Mawu Mavɔmavɔ tɔn nukɔn é jí, dó zǎlínkpɔ́nfyɔ́nú ɖé mɛ, bɔ é ná gɔ́, bó ná wún atínkɛn wǎnnɔ lili alɔgogo we, bó ná sɔ́ bǐ hɛn yi xɔmɛgbovɔ ɔ́ gúdo.

Kɛ́nsísɔ́ 17:10

“Mi gosín togun ɔ́ tɛ́ntin; un ná sú mɛ énɛ́ lɛ́ɛ sín kún dó ɖo nukúnxwixwe ɖokpó mɛ.” Ée Mawu Mavɔmavɔ ɖɔ mɔ̌ ɔ́, Mɔyízi kpó Aalɔ́ɔn kpó xwe agbɔ̌nnusú do,

Kɛ́nsísɔ́ 17:5

Nǔ énɛ́ e è cyɔ́n dó vɔ̌sákpe ɔ́ nɔ́ flín Izlayɛ́li ví lɛ́ɛ ɖɔ mɛ ɖěbǔ kún ɖó acɛ e ná dó zǎlínkpɔ́n zo nú nyɛ Mawu Mavɔmavɔ ɔ́ zɛ kúnkan Aalɔ́ɔn tɔn lɛ́ɛ wú ó. Mɛ ɖěbǔ bló mɔ̌ ɔ́, awě e xo Kolée kpó ahwan tɔn lɛ́ɛ kpó ɔ́ wɛ ná xo mɛ ɔ́, lě e nyɛ Mawu Mavɔmavɔ ko ɖɔ gbɔn Mɔyízi jí é.

Kɛ́nsísɔ́ 17:8

Mɔyízi kpó Aalɔ́ɔn kpó yi Goxɔ ɔ́ nukɔn,

Sɛ́nflínmɛ 9:11

“Ée un bló zǎn kanɖé (40), kéze kanɖé (40) lɛ́ɛ fó bɔ é zé awǐnnyatɛ we e jí é wlán akɔjijɛsɛ́n lɛ́ɛ ɖó é nú mì ɔ́,

Sɛ́nflínmɛ 9:9

Hwenɛ́nu ɔ́, un ko xá só ɔ́ jí, bó xwe awǐnnyatɛ e jí akɔ e Mawu Mavɔmavɔ jɛ xá mi é ɖe ɔ́ yí gbé. Un nɔ só ɔ́ jí xɔ zǎn kanɖé (40), kéze kanɖé (40), nǔ má ɖu, sin ma nu.

Nǔɖexlɛ́mɛ 11:19

Énɛ́ ɔ́, è hun sinsɛnxɔ Mawu tɔn ɖo jǐxwé, bɔ è mɔ akɔjijɛgbá ɔ́ ɖ'é mɛ. Jǐkɛwun, è se gbe ɖé lɛ́ɛ; jǐ dó gbe; ayǐkúngban dán wǔ; kɛ́njí ɖaxó ja.

Nǔɖexlɛ́mɛ 8:3

Wɛnsagun ɖěvo wá cí vɔ̌sákpe ɔ́ kpá; é hɛn nǔ e mɛ è nɔ fyɔ́ zǎlínkpɔ́n ɖe ɔ́ ɖokpó; siká wɛ è dó bló ná. È nǎ ɛ zǎlínkpɔ́n gěgé, bɔ é ná zé kpó mɛɖeɖóvo Mawu tɔn lɛ́ɛ bǐ sín ɖɛ kpó xwlé Mawu ɖo vɔ̌sákpe e è sɔ́ siká dó bló ná ɔ́ jí.