Eblée 9:25 - MAWUXÓWÉMA

²⁵ Jwifu lɛ́ɛ sín vɔ̌sánú-xwlémawutɔ́ ɖaxó ɔ́ nɔ hɛn kanlin e è dǒ sá vɔ̌ ná nú Mawu ɔ́ sín hun, bó nɔ byɔ́ Tɛn mímɛ́ bǐ ɔ́ mɛ xwewú xwewú; Klísu ɔ́ ka byɔ́ mɛ, bó ná sɔ́ éɖée dó sá vɔ̌ ná azɔn gěgé ǎ.

Eblée 9:25 Iomraidhean Croise

Tíntɔ́n 30:10

Aalɔ́ɔn ná nɔ́ sá hwɛsɔ́kɛmɛvɔ́ azɔn ɖokpó ɖo xwe ɖokpó mɛ. É ná kɔn kanlin e è hu dó sá vɔ̌ énɛ́ ɔ́ ná, bó ná mɔ hwɛsɔ́kɛmɛ yí ɔ́, sín hun dó vɔ̌sákpe ɔ́ sín zo e tɔ́n lɛ́ɛ jí. Xwewú xwewú wɛ è nǎ nɔ́ sá vɔ̌ énɛ́ ɔ́, sín jijimɛ ɖě jí yi ɖě jí. È ná zé vɔ̌sákpe ɔ́ ɖó vo nú mì, bɔ é ná nyí nǔ mímɛ́ titewungbe ɖé.”

Eblée 10:10

Đó Jezu Klísu bló nǔ e Mawu jló ɖɔ ní bló é wú ɔ́, è slá wǔ nú mǐ gbɔn agbaza é ɖésúnɔ tɔn e é sɔ́ dó sá vɔ̌ ná azɔn ɖokpó bɔ xó fó ɔ́ gbla mɛ.

Eblée 10:19

Énɛ́ hǔn nɔví ce lɛ́ɛ mi, mǐ ɖó jiɖiɖe kpíkpé ɖɔ mǐ ná yi Tɛn mímɛ́ bǐ ɔ́ mɛ gbɔn hun Jezu tɔn gbla mɛ.

Eblée 9:12

Azɔn ɖokpó géé jɛ́n Klísu byɔ́ Tɛn mímɛ́ bǐ ɔ́ mɛ bɔ xó fó; é ka nyí gbǎgbá sín hun kpó nyibúví sín hun kpó wɛ é hɛn byɔ́ mɛ ǎ; é ɖésúnɔ sín hun wɛ é hɛn bó dó mɔ hwlɛngán mavɔ mavɔ yí nú mǐ.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Eblée 9:2

È gbǎ goxɔ ɖokpó bɔ è nɔ ylɔ́ tɛn nukɔntɔn e ɖo goxɔ ɔ́ mɛ ɔ́ ɖɔ Tɛn mímɛ́. Fí énɛ́ ɔ́ wɛ è fɔ zogbɛ́nhɛnnú kpó távo kpó, kpódó wɔ̌xúxú e è xwlé Mawu lɛ́ɛ kpán ɖó.

Eblée 9:26

Ényí mɔ̌ wɛ é nyí ɔ́, é ɖó ná ko ji ya azɔn mɔ̌kpán sín hwenu e Mawu ɖó gbɛ ɔ́ dó é; nǔgbó ɔ́, azɔn ɖokpó géé jɛ́n é wá, bɔ xó fó, hwenu e nǔ lɛ́ɛ bǐ sín fífó ko sɛ yá é, bó sɔ́ éɖée dó sá vɔ̌ ná, bó ná dó ɖe hwɛhuhu síin.

Eblée 9:7

Amɔ̌, tɛn wegɔ́ ɔ́, vɔ̌sánú-xwlémawutɔ́ ɖaxó ɔ́ kɛ́ɖɛ́ jɛ́n nɔ byɔ́ mɛ; azɔn ɖokpó wɛ é nɔ byɔ́ mɛ ɖo xwe ɖokpó mɛ. É ɖó ná hɛn kanlin sín hun byɔ́ mɛ, bó ná zé xwlé Mawu dó hwɛ e é ɖésúnɔ hu lɛ́ɛ kpódó ée togun ɔ́ ma tunwun ǎ bo hu lɛ́ɛ kpó tamɛ.