Eblée 9:23 - MAWUXÓWÉMA

²³ Nǔ énɛ́ lɛ́ɛ e nyí xlɛ́ nǔ e ɖo sɛ́xwé lɛ́ɛ tɔn ɔ́, lě e è ɖǒ ná nɔ slá wǔ nú yě gbɔn é nɛ́. Amɔ̌, nǔ e ɖo sɛ́xwé lɛ́ɛ ɖésú ɔ́, vɔ̌ e è nǎ sá dó slá wǔ nú yědɛɛ lɛ́ɛ ɔ́ ná nyɔ́ hú mɔ̌ titewungbe.

Eblée 9:23 Iomraidhean Croise

Luki 24:26

Klísu ɔ́ má kó ɖó ná ji ya énɛ́ lɛ́ɛ hwɛ̌, cóbó ná dó sixú byɔ́ susu tɔn mɛ ǎ cé?”

Luki 24:46

É ɖɔ nú yě ɖɔ: “È ko wlán ɖ'ayǐ ɖɔ: Klísu ɔ́ ɖó ná ji ya, káká bó kú, bɔ Mawu ka na lɛ́ fɔ́n ɛ sín kú azǎn tɔn atɔngɔ́ ɔ́ gbe,

Jǎan 14:3

Nú un ko yi bló nɔtɛn ɖó ɖ'ayǐ nú mi vɔ ɔ́, un ná lɛ́ kɔ wá kplá mi, bɔ fí e un ɖe ɔ́, mi lɔmɔ̌ ná nɔ fínɛ́.

Mɛsɛ́dó 23:15

Hǔn din ɔ́, midɛɛ lɛ́ɛ kpódó toxóɖɔgbɛ́ lɛ́ɛ kpó ní byɔ́ ahwangán ɖaxó ɔ́ ɖɔ ní kplá Pɔ́lu wá nú émí; mi ná ɖɔ n'i ɖɔ émí jló ná gbéjé xó tɔn kpɔ́n céɖécéɖé. Cóbónú é ná wá mi gɔ́n ɔ́, mǐdɛɛ lɛ́ɛ ɔ́, mǐ nǎ ko ɖo gbesisɔ mɛ bó ná hu i ɖo alixo.”

Kolósinu 2:17

Nǔ énɛ́ lɛ́ɛ bǐ ɔ́, nǔ ɖagbe e jǎwe ɔ́ sín yɛ kpowun wɛ yě nyǐ; lo ɔ́, Klísu wɛ nyí nǔjɔnǔ ɔ́.

Eblée 10:1

Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 10:4

Đó nyibúsú sín hun kpó gbǎgbá sín hun kpó sixú súnsún hwɛ mɛtɔn lɛ́ɛ gbeɖé ǎ.

Eblée 8:5

Azɔ̌ e wa wɛ vɔ̌sánú-xwlémawutɔ́ énɛ́ lɛ́ɛ ɖe ɔ́ nyí xlɛ̌, bó nyí yɛ nǔ e ɖo sɛ́xwé ɔ́ tɔn. É sɔgbe xá nǔ e jɔ dó Mɔyízi ji ɔ́. Hwenu e é ɖo goxɔ ɔ́ na gbá wɛ ɔ́, Mawu ɖɔ n'i ɖɔ: “Ayi towe ní nɔ ée un xlɛ́ we ɖo só jí ɔ́ jí, bó bló bǐ nú é sɔgbe xá.”

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Eblée 9:24

Đó Tɛn mímɛ́ e mɛ Klísu byɔ́ ɔ́ nyí Tɛn mímɛ́ ɖé kpowun bɔ gbɛtɔ́ lɛ́ɛ bló, bɔ é nyí xlɛ́ Tɛn mímɛ́ titewungbe ɔ́ tɔn ǎ; lo ɔ́, sɛ́xwé ɖésú wɛ é yi. Fínɛ́ wɛ é ɖo Mawu nukɔn ɖe din, dó ta mǐtɔn mɛ.

Nǔɖexlɛ́mɛ 5:9

Yě ɖo han yɔ̌yɔ́ ɖé ji wɛ ɖɔ: “A nyǐ mɛ e jɛ xá bó ná yí wěma ɔ́, bó gba wuntun lɛ́ɛ é; ɖó è hu we, bɔ gbɔn hun towe gbla mɛ ɔ́, a xɔ gbɛ nú gbɛtɔ́ lɛ́ɛ nú Mawu, ɖo gbe lɛ́ɛ bǐ mɛ, ɖo togun lɛ́ɛ bǐ mɛ, ɖo to lɛ́ɛ bǐ mɛ.