Eblée 9:2 - MAWUXÓWÉMA

² È gbǎ goxɔ ɖokpó bɔ è nɔ ylɔ́ tɛn nukɔntɔn e ɖo goxɔ ɔ́ mɛ ɔ́ ɖɔ Tɛn mímɛ́. Fí énɛ́ ɔ́ wɛ è fɔ zogbɛ́nhɛnnú kpó távo kpó, kpódó wɔ̌xúxú e è xwlé Mawu lɛ́ɛ kpán ɖó.

Eblée 9:2 Iomraidhean Croise

Tíntɔ́n 25:23

“A nǎ zě kasyatín dó bló távo ɖokpó ná. Ga tɔn ná ɖó mɛ̌tlu ɖokpó, gblǒ tɔn ná ɖó mɛ̌tlu vlɔ́, bɔ jǐ yiyi tɔn ná ɖó mɛ̌tlu ɖokpó é hwe ɛnɛvlɔ́ɖó.

Tíntɔ́n 25:30

A nǎ nɔ́ bɛ́ wɔ̌xúxú e è nɔ ná mì lɛ́ɛ ɖó távo ɔ́ jí; wɔ̌xúxú ná nɔ́ hán ɖo távo ɔ́ jí gbeɖé ǎ.”

Tíntɔ́n 25:31

“A nǎ zě siká akú dó bló zogbɛ́nhɛnnú ɖokpó ná, bɔ é ná ɖó ala tɛ́nwe. É ná ɖó cícá ǎ, bǐ ná ɖo bǔte; afɔ tɔn, ala tɔn lɛ́ɛ, folówa tɔn lɛ́ɛ, nǔ e mɛ folówa nɔ tɔ́n sín lɛ́ɛ kpódó folówa e ma tɔ́n ǎ lɛ́ɛ kpó bǐ ná ɖo bǔte.

Tíntɔ́n 26:1

“Goxɔ ɔ́, lɛ̌ɛnkanvɔxwɛ gaga wǒ wɛ a nǎ dó bló ná. Avɔxwɛ lɛ́ɛ ɔ́, avɔlɔntɔ́ e alɔnu yětɔn mɛ́ ganjí lɛ́ɛ ná zé kan didɛ kwlésinnɔ, vɔvɔ, kpódó vɔvɔ cɛ́cɛ́ kpó dó lɔn ná, bó ná lɔn wɛnsagun susunɔ lɛ́ɛ gbɔn mɛ, dó ba acɔ́ ná.

Tíntɔ́n 26:33

A nǎ zé xɔmɛgbovɔ ɔ́ gbɔn nǔhɛnnú lɛ́ɛ glɔ́. “Xɔmɛgbovɔ énɛ́ ɔ́ gúdo wɛ è nǎ sɔ́ akɔjijɛgbá ɔ́ ɖó. Xɔmɛgbovɔ ɔ́ wɛ ná gbo Tɛn mímɛ́ ɔ́ kpó tɛn mímɛ́ bǐ ɔ́ kpó.

Tíntɔ́n 26:35

A nǎ zé távo ɔ́ kpó zogbɛ́nhɛnnú ɔ́ kpó ɖó xɔmɛgbovɔ ɔ́ gúdo: Zogbɛ́nhɛnnú ná ɖo afɔligbé, bɔ távo ɔ́ ná ɖo taligbé.

Tíntɔ́n 29:1

“Lě e a nǎ bló gbɔn nú Aalɔ́ɔn kpó vǐ tɔn súnnu lɛ́ɛ kpó, bó ná ɖe yě ɖó vo, bɔ yě ná nɔ́ wa vɔ̌sánú-xwlémawutɔ́ sín azɔ̌ ɔ́ nú mì ɔ́ ɖíe: “Zě nyibúsú wínnyáwínnyá ɖokpó, bó zé agbo we; blɔ̌ ɖěbǔ má ɖo yě wú ó.

Tíntɔ́n 29:35

“A nǎ xwedó nǔ énɛ́ lɛ́ɛ e un ɖɔ nú we dó Aalɔ́ɔn kpó vǐ tɔn súnnu lɛ́ɛ kpó wú lɛ́ɛ bǐ. Azǎn tɛ́nwe wɛ a nǎ sɔ́ ɖó te, dó sɔ́ yě vɔ̌sánú-xwlémawutɔ́.

Tíntɔ́n 40:2

“Sun nukɔntɔn ɔ́ sín azǎn nukɔntɔn ɔ́ gbe ɔ́, a nǎ blǒ goxɔ e mɛ un ná nɔ wá kpé togun ɔ́ ɖe ɔ́, nɔtɛn ce ɔ́.

Tíntɔ́n 40:4

A nǎ zé távo ɔ́ wá, bó ná to wɔ̌xúxú e è nǎ mì lɛ́ɛ ɖ'é jí, a nǎ zé zogbɛ́nhɛnnú ɔ́ wá, bó ná to zogbɛ́n lɛ́ɛ ɖ'é jí.

Matíe 12:4

É byɔ́ sinsɛnxɔ mɛ, bɔ é kpódó mɛ tɔn lɛ́ɛ kpó ɖu nǔɖuɖu e è sɔ́ xwlé Mawu é; ɖo sɛ́n mǐtɔn mɛ ɔ́, yě ká ɖó ná ɖu ǎ; vɔ̌sánú-xwlémawutɔ́ lɛ́ɛ kɛ́ɖɛ́ jɛ́n wɛ ɖó ná ɖu.

Matíe 5:15

È ka nɔ ta zogbɛ́n bó nɔ́ sɔ́ dó zɛ̌n glɔ́ ǎ; lo ɔ́, nǔ ta aga wɛ è nɔ sɔ́ ɖó, bɔ é nɔ́ ɖi ɖɛ̌ nú mɛ e ɖo xwé gbe lɛ́ɛ bǐ ná mɔ nukúnnú.

Eblée 9:25

Jwifu lɛ́ɛ sín vɔ̌sánú-xwlémawutɔ́ ɖaxó ɔ́ nɔ hɛn kanlin e è dǒ sá vɔ̌ ná nú Mawu ɔ́ sín hun, bó nɔ byɔ́ Tɛn mímɛ́ bǐ ɔ́ mɛ xwewú xwewú; Klísu ɔ́ ka byɔ́ mɛ, bó ná sɔ́ éɖée dó sá vɔ̌ ná azɔn gěgé ǎ.