Eblée 9:18 - MAWUXÓWÉMA

¹⁸ Énɛ́ wútu wɛ hun to kɔn nyi ayǐ hwɛ̌ cóbɔ akɔjijɛ nukɔntɔn ɔ́ ɖésú bɛ́ azɔ̌.

Eblée 9:18 Iomraidhean Croise

Tíntɔ́n 12:22

Énɛ́ ɔ́ gúdo ɔ́, mi ná blá izɔ́puma, bó ná sɔ́ dó hun e mi yí dó gannú mɛ ɔ́ mɛ, bó ná sá d'agba ɔ́ kpó hɔntogbó ɔ́ sín hɔnkpo we lɛ́ɛ kpó wú. Mɛ ɖěbǔ ní má ká tɔ́n sín xwé tɔn gbe káká jɛ zǎnzǎn ó.

Levíi ví 8:24

Énɛ́ ɔ́ gúdo ɔ́, é ylɔ́ Aalɔ́ɔn ví súnnu lɛ́ɛ, bɔ yě sɛkpɔ́ ɛ, bɔ é sá hun ɔ́ ɖě dó tó yětɔn ɖisíxwé tɔn ɔ́ sín nuvínu, bó sá dó alɔ yětɔn ɖisí ɔ́ sín alɔsú wú, bó sá dó afɔ yětɔn ɖisí ɔ́ sín afɔsú wú, lobo mi hun e kpo ɔ́ gbɔn vɔ̌sákpe ɔ́ wú lɛ́ dó.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Eblée 9:17

Đó ényí mɛ e wlán wěma énɛ́ ɔ́ kpo ɖo gbɛ jɛ́n wɛ ɔ́, hǔn wěma ɔ́ wa azɔ̌ ǎ; hwenu e mɛ ɔ́ kú ɔ́ jɛ́n wěma ɔ́ ná wa azɔ̌.

Eblée 9:19

Nǔ nukɔntɔn e Mɔyízi bló ɔ́ wɛ nyí ɖɔ: é xa nǔ e sɛ́n ɔ́ zɔ́n ɖɔ è ní wa lɛ́ɛ bǐ ɖo togun ɔ́ bǐ nukɔn lě e è wlǎn gbɔn dó sɛ́nwéma ɔ́ mɛ é. Énɛ́ ɔ́ gúdo ɔ́, é sɔ́ nyibúví kpódó gbǎgbá kpó sín hun, kpó sin kpó; é sɔ́ izɔ́pukpo, kpó avɔ vɔvɔ cɛ́cɛ́ ɖé kpó, bó sɔ́ dó hun kpó sin kpó ɔ́ mɛ, lobo mì dó sɛ́nwéma ɔ́ wú, bó lɛ́ mì dó togun ɔ́ bǐ wú.

Eblée 9:22

Nǔgbó ɔ́, ɖo sɛ́n ɔ́ mɛ ɔ́, nǔ lɛ́ɛ bǐ wɛ è nɔ ɖibla slá wǔ ná kpódó hun kpó, bɔ cóbónú Mawu ná sɔ́ hwɛ kɛ mɛɖé ɔ́, hun jɛ́n nɔ́ kɔn nyi ayǐ.