Eblée 9:16 - MAWUXÓWÉMA

¹⁶ Ényí wěma e ɖɔ mɛ e ná ɖu mɛɖé sín gǔ ɔ́ tíin ɔ́, é ɖo dandan mɛ bɔ è nǎ ɖe xlɛ́ ɖɔ mɛ e wlán wěma ɔ́ ko kú.

Eblée 9:16 Iomraidhean Croise

Hlɔ̌manu 5:12

Hwɛhuhu ɔ́, gbɛtɔ́ ɖokpó géé jí wɛ é gbɔn bó wá gbɛ ɔ́ mɛ; mɛ énɛ́ wɛ nyí Adámu; hwɛhuhu ɔ́ ka dɔn kú wá. Énɛ́ ɔ́, gbɛtɔ́ lɛ́ɛ bǐ nɔ kú, ɖó mɛ bǐ wɛ hu hwɛ.

Hlɔ̌manu 6:23

Đó axɔ́ e hwɛhuhu nɔ sú mɛ ɔ́ wɛ nyí kú; amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.

1 Kɔlɛ́ntinu 15:22

Lě e gbɛtɔ́ bǐ nɔ kú ɖó bǔ e yě ɖe xá Adámu ɔ́ wútu ɔ́, mɔ̌ ɖokpó ɔ́, mɛ e ɖo bǔ xá Klísu lɛ́ɛ bǐ ɔ́, Mawu ná fɔ́n yě sín kú.

Eblée 1:3

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Eblée 13:20

Mawu fífánɔ ɔ́ fɔ́n lɛ̌ngbɔ́nyitɔ́ ɖaxó Aklúnɔ mǐtɔn Jezu sín mɛkúkú lɛ́ɛ mɛ gbɔn hun akɔjijɛ mavɔ mavɔ ɔ́ tɔn gbla mɛ ɔ́,

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

Eblée 9:17

Đó ényí mɛ e wlán wěma énɛ́ ɔ́ kpo ɖo gbɛ jɛ́n wɛ ɔ́, hǔn wěma ɔ́ wa azɔ̌ ǎ; hwenu e mɛ ɔ́ kú ɔ́ jɛ́n wěma ɔ́ ná wa azɔ̌.

Jaki 2:10

Đó nú mɛɖé vɛ́ tóli nú nǔ e sɛ́n ɔ́ zɔ́n lɛ́ɛ ɖokpó géé ɔ́, nǔ e sɛ́n ɔ́ zɔ́n lɛ́ɛ bǐ wɛ é vɛ́ tóli ná.