Eblée 9:12 - MAWUXÓWÉMA

¹² Azɔn ɖokpó géé jɛ́n Klísu byɔ́ Tɛn mímɛ́ bǐ ɔ́ mɛ bɔ xó fó; é ka nyí gbǎgbá sín hun kpó nyibúví sín hun kpó wɛ é hɛn byɔ́ mɛ ǎ; é ɖésúnɔ sín hun wɛ é hɛn bó dó mɔ hwlɛngán mavɔ mavɔ yí nú mǐ.

Eblée 9:12 Iomraidhean Croise

Daniyɛ́li 9:24

Mawu zé xwe tɛ́nwe tɛ́nwe donu kanɖé gban (70) ɖó te nú togun towe, kpó to mímɛ́ e mɛ a ɖe ɔ́ kpó. Hwenu tají ɖé wɛ bɔ tónúmase bǐ ná fó, bɔ nǔwanyido bǐ ná nɔ te, bɔ è nǎ zé hwɛ bǐ kɛ mɛ, lobɔ hwɛjijɔ mavɔ mavɔ ɔ́ ná bɛ́ azɔ̌, bɔ nǔmimɔ lɛ́ɛ kpó xóɖɔɖ'ayǐ lɛ́ɛ kpó ná jɛ, bɔ è nǎ lɛ́ ylɔ́ Mawu nyíkɔ dó goxɔ mímɛ́ bǐ ɔ́ jí.

Levíi ví 16:15

Énɛ́ ɔ́ gúdo ɔ́, é ná gbo gbe gbǎgbá e è sɔ́ ɖó te nú togun ɔ́ sín hwɛsɔ́kɛmɛ ɔ́, bó ná zé hun tɔn yi xɔmɛgbovɔ ɔ́ gúdo, bó ná zán lě e é zán nyibúsú ɔ́ sín hun gbɔn é.

Levíi ví 4:3

“Ényí vɔ̌sánú-xwlémawutɔ́ ɖaxó ɔ́ wɛ hu hwɛ, bɔ é sín éyɛ́ wú, bɔ togun ɔ́ bǐ nyí nǔwanyidotɔ́ ɔ́, é ní zé nyibúsú wínnyáwínnyá e má ɖó blɔ̌ ɖěbǔ ǎ é ɖokpó dó sá vɔ̌ ná nú Mawu Mavɔmavɔ, bónú Mawu Mavɔmavɔ ná sɔ́ hwɛ e é hu lɛ́ɛ kɛ ɛ.

Levíi ví 8:2

“Kplá Aalɔ́ɔn kpó vǐ tɔn súnnu lɛ́ɛ kpó, bó hɛn awu lɛ́ɛ, ami e è nɔ ɖó ta nú mɛ é, nyibúsú e è nǎ dǒ sá hwɛsɔ́kɛmɛvɔ́ ná é, agbo we lɛ́ɛ, kpódó xasun e mɛ è bɛ̌ wɔ̌xúxú e mɛ è ma dó tɔ́n ǎ é kpó dó é.

Levíi ví 9:15

Énɛ́ ɔ́ gúdo ɔ́, Aalɔ́ɔn xwlé vɔ̌ e togun ɔ́ hɛn wá ɔ́ Mawu Mavɔmavɔ. É gbo gbe gbǎgbá ɔ́ dó hwɛ e togun ɔ́ hu é tamɛ, bó dó sá hwɛsɔ́kɛmɛvɔ́ lě e é bló nyibúví ɔ́ tɔn gbɔn é.

Zakalíi 3:9

Un dó awǐnnya ɖé do nyi Jozuwée nukɔn; awǐnnya ɖokpó géé wɛ, bó ká ɖó nukún tɛ́nwe, bɔ yě nɔ́ kɔ́n . Nyɛ ɖésúnɔ ná wlán nǔɖé d'é wú, bó ná ɖe hwɛ e ɖo to élɔ́ hɛn kwíji wɛ lɛ́ɛ síin kéze ɖokpó mɛ. Ɛɛn, un ɖɔ mɔ̌! Nyɛ Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Maki 3:29

Mɛ ɖěbǔ ka nylá nu dó Yɛsinsɛn wú ɔ́, è ɖo hwɛ ɖé ná sɔ́ kɛ ɛ wɛ ǎ; ɖó hwɛ e è ma ná sɔ́ kɛ mɛ gbeɖé ǎ ɔ́ wɛ é hu.”

Luki 1:68

“È nǐ kpa susu nú Aklúnɔ, Mawu Izlayɛ́li tɔn, ɖó é wá ba togun tɔn kpɔ́n, lobo hwlɛ́n ɛ gán.

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

Efɛ́zinu 1:7

Đó Mawu ɖe mǐ sín nǔ nyanya mɛ, bó sɔ́ hwɛ mǐtɔn lɛ́ɛ kɛ mǐ gbɔn Jezu Klísu sín hun gbla mɛ . Lě e é ɖe xomɛnyínyɔ́ tɔn maɖójlɛ̌ ɔ́ xlɛ́ mǐ gbɔn é nɛ́.

Kolósinu 1:14

Vǐ vívɛ́ná énɛ́ wɛ zɔ́n, bɔ Mawu xɔ mǐ sín kannumɔgbénu, bó sɔ́ hwɛ mǐtɔn lɛ́ɛ kɛ mǐ.

1 Tɛsalonikinu 1:10

lobo ná nɔ te kpɔ́n ɖɔ vǐ tɔn Jezu ní gosín sɛ́xwé wá é. Vǐ tɔn énɛ́ ɔ́ wɛ é fɔ́n sín kú, bɔ é hwlɛ́n mǐ sín xomɛsin Mawu tɔn e jǎwe ɔ́ mɛ.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 1:3

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Eblée 10:19

Énɛ́ hǔn nɔví ce lɛ́ɛ mi, mǐ ɖó jiɖiɖe kpíkpé ɖɔ mǐ ná yi Tɛn mímɛ́ bǐ ɔ́ mɛ gbɔn hun Jezu tɔn gbla mɛ.

Eblée 10:4

Đó nyibúsú sín hun kpó gbǎgbá sín hun kpó sixú súnsún hwɛ mɛtɔn lɛ́ɛ gbeɖé ǎ.

Eblée 13:12

Énɛ́ ɔ́ wútu wɛ Jezu lɔ kú ɖo toxo ɔ́ gúdo, bó ná sɔ́ hun é ɖésúnɔ tɔn dó slá wǔ nú togun ɔ́.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Eblée 9:13

Mɛ e ɖu su lɛ́ɛ ɔ́, gbǎgbá sín hun kpó nyibúsú sín hun kpó wɛ è nɔ dó slá wǔ nú agbaza yětɔn; nyibú asi wínnyáwínnyá wɛ è nɔ dó zo, bó nɔ́ fúnfún afín tɔn yě jǐ, bó nɔ́ dó slá wǔ nú agbaza yětɔn.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

Eblée 9:19

Nǔ nukɔntɔn e Mɔyízi bló ɔ́ wɛ nyí ɖɔ: é xa nǔ e sɛ́n ɔ́ zɔ́n ɖɔ è ní wa lɛ́ɛ bǐ ɖo togun ɔ́ bǐ nukɔn lě e è wlǎn gbɔn dó sɛ́nwéma ɔ́ mɛ é. Énɛ́ ɔ́ gúdo ɔ́, é sɔ́ nyibúví kpódó gbǎgbá kpó sín hun, kpó sin kpó; é sɔ́ izɔ́pukpo, kpó avɔ vɔvɔ cɛ́cɛ́ ɖé kpó, bó sɔ́ dó hun kpó sin kpó ɔ́ mɛ, lobo mì dó sɛ́nwéma ɔ́ wú, bó lɛ́ mì dó togun ɔ́ bǐ wú.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

Eblée 9:7

Amɔ̌, tɛn wegɔ́ ɔ́, vɔ̌sánú-xwlémawutɔ́ ɖaxó ɔ́ kɛ́ɖɛ́ jɛ́n nɔ byɔ́ mɛ; azɔn ɖokpó wɛ é nɔ byɔ́ mɛ ɖo xwe ɖokpó mɛ. É ɖó ná hɛn kanlin sín hun byɔ́ mɛ, bó ná zé xwlé Mawu dó hwɛ e é ɖésúnɔ hu lɛ́ɛ kpódó ée togun ɔ́ ma tunwun ǎ bo hu lɛ́ɛ kpó tamɛ.

Nǔɖexlɛ́mɛ 5:9

Yě ɖo han yɔ̌yɔ́ ɖé ji wɛ ɖɔ: “A nyǐ mɛ e jɛ xá bó ná yí wěma ɔ́, bó gba wuntun lɛ́ɛ é; ɖó è hu we, bɔ gbɔn hun towe gbla mɛ ɔ́, a xɔ gbɛ nú gbɛtɔ́ lɛ́ɛ nú Mawu, ɖo gbe lɛ́ɛ bǐ mɛ, ɖo togun lɛ́ɛ bǐ mɛ, ɖo to lɛ́ɛ bǐ mɛ.