Eblée 9:11 - MAWUXÓWÉMA

¹¹ Lo ɔ́, Klísu ɔ́ wá, bó nyí vɔ̌sánú-xwlémawutɔ́ ɖaxó nú nǔ ɖagbe e wá lɛ́ɛ, bɔ goxɔ e mɛ é nɔ wa azɔ̌ tɔn lɛ́ɛ ɖe ɔ́ ɖo tají bó sɔgbe, bɔ nǔ bǐ vɔ ɖ'é wú hú ée gbɛtɔ́ gbá ɔ́; é nyí gbɛmɛ fí sín nǔ ǎ.

Eblée 9:11 Iomraidhean Croise

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Ɖɛhan 40:7

A ba ɖɔ è nǐ sá vɔ̌ nú émí ǎ; a jlǒ ɖɔ è nǐ ná nǔ émí ǎ; a nǎ mɔ jɛ mɛ tɔn mì. A jlǒ ɖɔ è nǐ dó kanlin zo dó sá vɔ̌ nú émí ǎ. A ka ba ɖɔ è nǐ hu kanlin dó hwɛ mɛtɔn lɛ́ɛ tamɛ ǎ.

Ezayíi 59:20

Mawu Mavɔmavɔ ná wá Jeluzalɛ́mu, bó ná hwlɛ́n Izlayɛ́li ví lɛ́ɛ, Izlayɛ́li ví e ná lɛ́ kɔ sín hwɛ yětɔn gúdo lɛ́ɛ. Xó e Mawu Mavɔmavɔ ɖɔ ɔ́ nɛ́.

Jelemíi 33:8

Un ná súnsún hwɛ e yě hu dó mì lɛ́ɛ bǐ, bɔ gǔ e yě fɔ́n dó jǐ ce tɛnmɛ tɛnmɛ ɔ́, un ná zé bǐ kɛ yě, lobo ná zé yě dó húzú mɛ mímɛ́.

Malacíi 3:1

Xósin e Mawu Mavɔmavɔ Nǔbǐwúkpétɔ́ ɔ́ ná mi ɔ́ ɖíe: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.

Matíe 11:3

nú yě ní yi kanbyɔ́ ɛ ɖɔ: “Hwi wɛ nyí mɛ e ɖó ná wá, bɔ mǐ ɖo te kpɔ́n é a? Abǐ mɛ ɖěvo wɛ mǐ ná nɔ te kpɔ́n?”

Matíe 2:6

‘Hwɛ, Bɛteleyɛ́mu, toxo e ɖo Juda yíkúngban jí é! A ɖo tó ɖěbǔ ɖo Juda toxo ɖaxó lɛ́ɛ mɛ ǎ, ɖó agblo towe mɛ wɛ axɔ́sú ɖé ná tɔ́n ɖe, bó ná kpé nukún dó togun ce Izlayɛ́li wú.’ ”

Maki 14:58

“Mǐ se, bɔ é ɖɔ: ‘Un ná gba sinsɛnxɔ élɔ́ e gbɛtɔ́ sɔ́ alɔ dó gbá é, bó ná sɔ́ azǎn atɔn ɖó te, bó ná gbá ɖěvo e gbɛtɔ́ sín alɔ ma gbá ǎ é.’ ”

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 4:25

Nyɔ̌nu ɔ́ ka ɖɔ n'i ɖɔ: “Un nywɛ́ ɖɔ Mɛsíya ɔ́ ɖó ná wá: (Mɛsíya ɔ́ sín tínmɛ wɛ nyí Klísu.) Bɔ hwenu e éyɛ́ ná wá ɔ́, é ná tín nǔ bǐ mɛ nú mǐ.”

Mɛsɛ́dó 7:48

“Lo ɔ́, Mawu Ajalɔ̌nlɔn ɔ́ nɔ́ nɔ xɔ e gbɛtɔ́ gbá é mɛ ǎ, lě e gbeyíɖɔ tɔn ko ɖɔ gbɔn é; é ɖɔ:

2 Kɔlɛ́ntinu 4:18

Đó nǔ e è nɔ mɔ ɖó nukún wú ɔ́ jí wɛ ayixa mǐtɔn ɖe ǎ; lo ɔ́, nǔ e è ma nɔ mɔ ɖó nukún wú ǎ ɔ́ jí wɛ ayixa mǐtɔn ɖe. Nǔ e è nɔ mɔ ɖó nukún wú ɔ́, hwenu kpɛɖé jɛ́n wɛ é nɔ́ nɔ ayǐ ná; lo ɔ́, nǔ e è ma nɔ mɔ ɖó nukún wú ǎ ɔ́, é nɔ́ nɔ ayǐ káká sɔ́yi.

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

Kolósinu 2:11

È ko gbo ada nú mi ɖo bǔ e mi ɖe xá Klísu é mɛ; é ka nyí ada e gbɛtɔ́ lɛ́ɛ nɔ gbo nú mɛ ɔ́ wɛ ǎ; lo ɔ́, ada e Klísu nɔ gbo nú mɛ ɔ́ wɛ, bɔ é ɖe mi sín agbaza mitɔn hwɛhutɔ́ ɔ́ sín acɛ mɛ.

Eblée 10:1

Sɛ́n Jwifu lɛ́ɛ tɔn nyí nǔ ɖagbe e jǎwe lɛ́ɛ sín ninɔmɛ pɛ́pɛ́pɛ́ ǎ; yɛ nǔ lɛ́ɛ tɔn kpowun wɛ. Sɛ́n ɔ́ sixú zɔ́n bɔ mɛ e nɔ sɛkpɔ́ Mawu lɛ́ɛ ná nyí mɛ mímɛ́ bɔ nǔ vɔ ɖ'é wú ǎ; é sixú zɔ́n nú yě ná nyí mɛ mímɛ́ gbɔn vɔ̌ ɖokpó e sá wɛ è nɔ ɖe ayǐhɔ́ngbe ayǐhɔ́ngbe ɖo xwewú xwewú tɛgbɛ ɔ́ gbla mɛ gbeɖé ǎ.

Eblée 12:27

Xógbe “un ná lɛ́ húnhún” ɔ́ ɖe xlɛ́ ɖɔ nǔ e Mawu bló lɛ́ɛ ná húnhún, bó ná bú, bónú nǔ e ma sixú húnhún ǎ é ná nɔ ayǐ.

Eblée 13:14

Đó mǐ ɖó toxo e nɔ nɔ ayǐ káká sɔ́yi ɔ́ ɖo ayǐkúngban jí fí ǎ; amɔ̌ mǐ ɖo toxo Mawu tɔn e jǎwe ɔ́ ba wɛ.

Eblée 2:17

Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 4:15

Vɔ̌sánú-xwlémawutɔ́ ɖaxó e ma sixú kpé wú bó ji ya xá mǐ ɖo gǎnmaɖó mǐtɔn lɛ́ɛ mɛ ǎ ɔ́ wɛ mǐ ɖó ǎ. É nyɔ́ wa ɔ́, vɔ̌sánú-xwlémawutɔ́ ɖaxó mǐtɔn ɔ́, è tɛ́n ɛ kpɔ́n mǐ ɖɔhun ɖo nǔ bǐ mɛ; amɔ̌, é hu hwɛ ǎ.

Eblée 7:1

Mɛlukisedɛ́ki énɛ́ ɔ́, Salɛ́mu xɔ́sú wɛ é nyí, bó lɛ́ nyí vɔ̌sánú-xwlémawutɔ́ Mawu Ajalɔ̌nlɔn ɔ́ tɔn. Hwenu e Ablaxámu fun ahwan lobo ɖu ɖo axɔ́sú lɛ́ɛ jí, bó lɛ́ kɔ wá xwé ɔ́, Mɛlukisedɛ́ki yi kpé e, bó dó acɛ jǐ tɔn.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.

2 Jǎan 1:7

Adingbannɔ gěgé gba kpé gbɛ ɔ́ mɛ, bó nɔ gbɛ́ ɖɔ Jezu Klísu kún zɔn agbaza mɛ wá ó. Mɛ e nɔ wa nǔ gbɔn mɔ̌ ɔ́, adingbannɔ wɛ; Klísu Kɛntɔ́ ɔ́ wɛ.