Eblée 9:10 - MAWUXÓWÉMA

¹⁰ Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.

Eblée 9:10 Iomraidhean Croise

Tíntɔ́n 29:4

“Mɔ̌ ɖokpó ɔ́, a nǎ kplá Aalɔ́ɔn kpódó vǐ tɔn súnnu lɛ́ɛ kpó wá goxɔ ɔ́ nukɔn; fínɛ́ wɛ un ná ɖɔ xó xá togun ɔ́ ɖe, bó ná zé sin dó slá wǔ nú yě.

Tíntɔ́n 40:12

“A nǎ kplá Aalɔ́ɔn kpó vǐ tɔn lɛ́ɛ kpó yi goxɔ ce lihɛ́nnu, bó ná zé sin dó slá wǔ nú yě.

Ezekiyɛ́li 4:14

Ée Mawu ɖɔ mɔ̌ ɔ́, un sú xó bó ɖɔ: “Á! Aklúnɔ Mavɔmavɔ, un hɛn nyɛɖée blí kpɔ́n gbeɖé ǎ! Sín vǔ ce káká wá jɛ din ɔ́, un ɖu kanlin kúkú kpɔ́n ǎ, abǐ kanlin e gběkanlin ɖé hu ɔ́ kpɔ́n ǎ ; lan e nyí su nú mǐ lɛ́ɛ ɔ́, ɖěbǔ jɛ nu ce kpɔ́n ǎ.”

Levíi ví 13:58

“Nú è nya nǔ énɛ́ lɛ́ɛ e fun hwa ɔ́, nú nǔ e tɔ́n ɖ'é mɛ ɔ́ wá yi ɔ́, è nǎ vɔ́ nǔ e mɛ nǔ tɔ́n ɖe ɔ́ nya azɔn wegɔ́ ɔ́, bɔ é ná húzú nǔ mímɛ́.”

Levíi ví 16:24

É ná lɛ wǔ ɖo tɛn mímɛ́ ɖé mɛ, bó ná fɔ avɔ tɔn lɛ́ɛ dó. Énɛ́ ɔ́ gúdo ɔ́, é ná tɔ́n, bó ná bló lě e è nɔ bló gbɔn bó nɔ́ xwlé vɔ̌sánú Mawu Mavɔmavɔ ɔ́ dó sá vɔ̌ e è nɔ dó zo ɔ́ dó é ɖésúnɔ ta mɛ, bó sá dó togun ɔ́ ta mɛ, bɔ é ná súnsún hwɛ sín kɔ nú é ɖésúnɔ kpó togun ɔ́ kpó.

Levíi ví 16:4

É ná lɛ wǔ, bó ná dó awu gaga, bó ná dó gbagwé, bó ná sin gǒjíblánú, bó ná sɔ́ tablá ɖó ta; lɛ̌ɛnkanvɔ wɛ è dǒ tɔ nǔ énɛ́ lɛ́ɛ bǐ. Nǔ énɛ́ lɛ́ɛ bǐ wɛ è sɔ́ ɖó vo nú Mawu Mavɔmavɔ.

Levíi ví 22:6

Mɛ e ná ɖ'alɔ nǔ énɛ́ lɛ́ɛ ɖě wú ɔ́ ná nyí mɛ blíblí káká jɛ gbadanu; wǔ jɛ́n é ná lɛ bǐ hwɛ̌, cóbó ná sixú ɖu nǔ e è ɖe ɖó vo nú mì lɛ́ɛ.

Kɛ́nsísɔ́ 6:3

é ná nu vɛ̌ɛn ǎ; é ná nu ahan syɛ́nsyɛ́n ɖěbǔ ǎ; é ná nu vɛ̌ɛn sinvɛ́sinvɛ́ ǎ, é ná nu vinɛ́gli ahan syɛ́nsyɛ́n tɔn ǎ; é ná nu ahan e è sɔ́ vǐwun dó ɖa ná ɔ́ ɖěbǔ ǎ. É ná ɖu vǐwun mú ǎ, é ká ná ɖu ée kó xú ɔ́ ǎ.

Maki 7:4

Yě ka gosín kplétɛn fí ɖé bó wá xwé gbe ɔ́, yě ɖó ná slá wǔ hwɛ̌, cóbó ná jɛ nǔ ɖu jí. Yě lɛ́ ɖó su ɖěvo lɛ́ɛ bó nɔ́ nyi, bɔ é nyí hwɛndo nú yě, ɖi kɔ́fu, tɔyizɛ́n kpódó ganvɔzɛ́n kpó e yě ɖó ná klɔ́ ɖó alɔkpa ɖé jí, cóbó zán ɔ́ ɖɔhun.

Galatinu 4:9

Amɔ̌ din e mi tunwun Mawu ɔ́, un ka ná ɖɔ din e mi tunwun Mawu ɔ́ lɔ ǎ; din e Mawu tunwun mi ɔ́, nɛ̌ mi ka sixú lɛ́ lɛ́ kɔ yi nǔmaɖinǔ énɛ́ lɛ́ɛ e má ɖó gǎn ǎ lɛ́ɛ kɔn gbɔn? Étɛ́wú mi ka jló ná lɛ́ húzú kannumɔ nǔ énɛ́ lɛ́ɛ tɔn?

Efɛ́zinu 1:10

Tito énɛ́ e Mawu bló fó ɖo hwe tɔn nu ɔ́ wɛ nyí ɖɔ nǔ e ɖo jǐnukúnsin lɛ́ɛ, kpó ée ɖo ayǐkúngban jí lɛ́ɛ bǐ kpó ná kplé ɖo gǎn ɖokpó géé glɔ́; Gǎn énɛ́ wɛ nyí Klísu.

Efɛ́zinu 2:15

É bló bɔ é sɔ́ byɔ́ ɖɔ è ní se tónú nú Jwifu lɛ́ɛ sín sɛ́n, kpó nǔ é nɔ zɔ́n lɛ́ɛ kpó, kpódó gbeta tɔn lɛ́ɛ kpán ǎ. É zé akɔta we énɛ́ lɛ́ɛ dó húzú togun yɔ̌yɔ́ ɖokpó ná ɖo bǔ e mǐ ɖe xá Klísu é mɛ. Lě e é ná fífá mǐ gbɔn é nɛ́.

Sɛ́nflínmɛ 21:6

Énɛ́ ɔ́ gúdo ɔ́, tomɛxó toxo énɛ́ ɔ́ tɔn lɛ́ɛ bǐ ná klɔ́ alɔ kɔn nyi nyibúsixwɛ e è gba zogúdo ná é jí ɖo tɔ ɔ́ nu,

Sɛ́nflínmɛ 23:11

Ényí mɛɖé ɖo mi mɛ, bó húzú mɛ blíblí zǎn mɛ, ɖó sin e nɔ gosín súnnuxwé ɔ́ wú ɔ́, é ná tɔ́n sín fí e mi ɖó gɔnu ɖó é, bó sɔ́ ná wá fínɛ́ có zǎn ná kú ǎ.

Kolósinu 2:16

Ényí mɔ̌ hǔn, mi ma lɔn nú mɛɖé ní ɖɔ nú mi ɖɔ nǔ lě wɛ nyɔ́ bɔ mi ná ɖu, abǐ nǔ lě wɛ nyɔ́ bɔ mi ná nu, abǐ xwezán lě wɛ mi ná nyi, sun wá jǐ sín azǎn lě wɛ mi ná nyi, abǐ gbɔjɛzán Jwifu lɛ́ɛ tɔn lě wɛ mi ná nyi ó.

Eblée 10:22

Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.

Eblée 13:9

Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

Eblée 2:5

Nǔgbó ɔ́, ényí wɛnsagun lɛ́ɛ wɛ Mawu ná acɛ dó gbɛ́ e jǎwe, bɔ mǐ ɖo xó tɔn ɖɔ wɛ ɔ́ nu ǎ.

Eblée 6:2

è nǐ lɛ́ kɔ sín nǔkplɔ́nmɛ e kunkplá yɛhwesin lilɛ tɛnmɛ tɛnmɛ lɛ́ɛ kpódó alɔ ɖó mɛ jí kpó ɔ́ gúdo, bó lɛ́ kɔ sín mɛkúkú ná fɔ́n sín kú xó kpódó hwɛɖónúmɛ mavɔ mavɔ sín xó jlájlá kpó gúdo.

Eblée 7:12

Đó ényí è ɖyɔ̌ vɔ̌sánú-xwlémawutɔ́zɔ́ sín kanfifɔ ɔ́, é ɖo dandan mɛ bɔ è nǎ ɖyɔ́ sɛ́n ɔ́ lɔmɔ̌.

Eblée 7:16

Sɛ́n gbɛtɔ́ tɔn lɛ́ɛ ɖě wɛ è xwedó bó sɔ́ ɛ vɔ̌sánú-xwlémawutɔ́ ǎ; hlɔ̌nhlɔ́n gbɛ maɖókpodó tɔn gbla mɛ wɛ é húzú vɔ̌sánú-xwlémawutɔ́ gbɔn.

Eblée 9:1

Akɔjijɛ nukɔntɔn ɔ́ ko ɖó tito lɛ́ɛ nú Mawu sinsɛn, bó ɖó sinsɛnxɔ e gbɛtɔ́ sɔ́ alɔ dó gbá é ɖokpó.