Eblée 8:9 - MAWUXÓWÉMA

⁹ É ná cí akɔ e un jɛ xá tɔ́gbó yětɔn lɛ́ɛ, gbe e gbe un hɛn alɔ yětɔn, bó kplá yě tɔ́n sín Ejípu é ɖɔhun ǎ; yě nɔ gbejí nú akɔjijɛ énɛ́ ɔ́ ǎ. Énɛ́ ɔ́ wú ɔ́, un sɔ́ flín yě ǎ.

Eblée 8:9 Iomraidhean Croise

Bǐbɛ́mɛ 19:16

Yě ɖɔ mɔ̌ có Lɔ̌ti ka ɖo afɔ dɔn dó ayǐ wɛ, bɔ wɛnsagun lɛ́ɛ gbɔ bó hɛn éé kpó asi tɔn kpó, kpódó vǐ tɔn lɛ́ɛ kpó sín alɔ, bó dɔn yě tɔ́n sín toxo ɔ́ mɛ, ɖó Mawu Mavɔmavɔ jló ná hwlɛ́n ɛ gán.

Jɔ̌bu 8:20

Mɛ e wú è ma nɔ mɔ nǔjɛdo ɖé ɖɔ dó ǎ ɔ́, Mawu nɔ́ gbɛ́ wǎn n'i ǎ; é nɔ́ nɔ mɛdídá lɛ́ɛ jí ǎ.

Ɖɛhan 105:43

É ɖe togun tɔn tɔ́n kpó awǎjijɛ kpó, é ɖe mɛ e é cyán lɛ́ɛ tɔ́n kpó awǒbóbó kpó.

Ɖɛhan 77:20

A ɖe ali gbɔn xu mɛ, a ɖe ali gbɔn sin ɖaxó ɖaxó lɛ́ɛ mɛ; mɛ ɖěbǔ ká mɔ afɔdo towe lɛ́ɛ ǎ.

Ɖɛhan 78:57

Yě sɛ yi zɔ nú Mawu, yě nɔ gbejí n'i ǎ tɔ́gbó yětɔn lɛ́ɛ ɖɔhun; yě zɛ ali gǎ e má jlɔ́ ǎ é ɖɔhun.

Tíntɔ́n 32:8

Yě yá wǔ lɛ́ kɔ sín ali e un ɖɔ yě ní gbɔn ɔ́ jí; yě sínsín siká bó dó bló nyibúví ná, bó jɛ kpo ɖo nukɔn tɔn, bó ɖe kɔ́ n'i, bó xwlé vɔ̌sánú i, bó ɖɔ: ‘Izlayɛ́li ví lɛ́ɛ e mi, vodún mǐtɔn e ɖe mǐ tɔ́n sín Ejípu ɔ́ ɖíe!’

Tíntɔ́n 34:10

Mawu Mavɔmavɔ ɖɔ nú Mɔyízi ɖɔ: “Đǒtó! Un ná jɛ akɔ xá mi; un ná bló nǔjíwǔ lɛ́ɛ ɖo togun ɔ́ bǐ nukún mɛ; nǔjíwǔ e è ma mɔ ɖo fí ɖěbǔ ɖo ayǐkúngban ɔ́ jí kpɔ́n gbeɖé ǎ, bó má ká mɔ ɖo akɔta ɖěbǔ mɛ kpɔ́n gbeɖé ǎ wɛ nǎ bló. Énɛ́ ɔ́, togun e tɛ́ntin a ɖe ɔ́ ná mɔ nyɛ Mawu Mavɔmavɔ ɔ́ sín nǔwiwa lɛ́ɛ; hwi jí wɛ un ka ná bló nǔdábaɖa lɛ́ɛ gbɔn.

Hanvíví 8:5

Mɛ̌ ká nɛ́! Mɛ̌ ká jǎwe sín gbětótló mɛ nɛ́? Nyɔ̌nu tɛ́ ká ɖo wǎnyínámɔ tɔn sín awa mɛ jǎwe nɛ́? Atín e è nɔ ɖu sínsɛ́n tɔn ɔ́ sá wɛ un fɔ́n we ɖe; fínɛ́ wɛ nɔ towe mɔ xo towe ɖe, fínɛ́ wɛ mɛ e ji we ɔ́ mɔ xo towe ɖe.

Ezayíi 40:11

É cí lɛ̌ngbɔ́nyitɔ́ e kplá gbɔ̌ tɔn lɛ́ɛ é ɖɔhun. É bló alɔ nú yě bó kplé yě; é bɛ́ lɛ̌ngbɔ́ví lɛ́ɛ dó awa mɛ, bó ɖo nukún kpé dó lɛ̌ngbɔ́ vǐnɔ lɛ́ɛ wú wɛ.”

Ezayíi 41:13

Đó nyɛ Mawu Mavɔmavɔ ɔ́, nyi wɛ nyí Mawu towe. Un hɛn alɔ towe bó ɖo ɖiɖɔ nú we wɛ ɖɔ: ‘Ma ɖi xɛsi ó, un ná gɔ́ alɔ nú we.’ ”

Ezayíi 51:18

Vǐ e a ji lɛ́ɛ ɖě xlɛ́ ali we ǎ. Vǐ e a hɛn bɔ yě su lɛ́ɛ ɖokpó hɛn sɔ we ǎ.

Ezayíi 63:9

Yě ɖo aluwɛ mɛ ɔ́, é ɖésú nɔ́ nɔ aluwɛ mɛ xá yě, bɔ wɛnsagun e nɔ ɖo kpɔ́ xá ɛ ɔ́ nɔ hwlɛ́n yě; éyɛ́ Mawu ɔ́ ɖésú xɔ yě ɖo wǎn yíyí tɔn kpó nǔbláwǔkúnúmɛ tɔn kpó mɛ; é wɛ kpé nukún dó yě wú, bó hɛn sɔ yě ɖo hwe yětɔn nu.

Jelemíi 31:32

É ná cí akɔ e un jɛ xá tɔ́gbó yětɔn lɛ́ɛ, gbe e gbe un hɛn alɔ yětɔn, bó ɖe yě tɔ́n sín Ejípu, lobɔ yě ma nɔ gbejí ná ǎ é ɖɔhun ǎ. Nyi wɛ kpa acɛ nú tɔ́gbó yětɔn lɛ́ɛ có yě ká nɔ gbejí nú akɔ e un jɛ xá yě ɔ́ ǎ.”

Gbɛvíhan 4:16

Mawu Mavɔmavɔ ɖésú wɛ gba yě dó, é sɔ́ jló ná mɔ yě ǎ; mɛɖé sɔ́ nɔ́ ké ya nú vɔ̌sánú-xwlémawutɔ́ lɛ́ɛ ǎ, mɛɖé ká sɔ́ nɔ́ ɖó sísí nú mɛ e nyí gǎn ɖo togun ɔ́ nu lɛ́ɛ ǎ.

Ezekiyɛ́li 16:59

“Aklúnɔ Mavɔmavɔ lɛ́ ɖɔ: lě e a wa nǔ gbɔn ɔ́ wɛ nyɛ lɔ ná wa nǔ xá we gbɔn, ɖó hwɛ ɔ́, a nɔ gbejí nú nǔ e a ɖɔ é ǎ, bó gba akɔ e nyi kpó hwi kpó jɛ é.

Ezekiyɛ́li 16:8

Un lɛ́ gbɔn akpá towe, bó mɔ ɖɔ a ko wínnyá bǐ bó ko su xɔ́ntɔn ɖó. Énɛ́ ɔ́, un vlɔ́n awu ce bo cyɔ́n nú we, bó hwlá mɛ̌ nú we. Un zin alɔ dó akɔ́n ɖɔ un ná nɔ gbejí nú we, lobo jɛ akɔ xá we. Lě e a hǔzú ce gbɔn é nɛ́; nyɛ Aklúnɔ Mavɔmavɔ wɛ ɖɔ mɔ̌.

Amɔ́si 5:22

Nú mi xwlé vɔ̌sánú e mi nɔ dó zo lɛ́ɛ kpó nǔníná mitɔn lɛ́ɛ kpó mì ɔ́, yě nɔ́ nyɔ́ nukún ce mɛ ǎ. Nyibúví e mi sɔ́ ɖó vo bɔ nǔɖuɖu kpé lɛ́ɛ ɔ́, mi fɔ yě dó sá vɔ̌ ná nú mì, bó dó dó kú nú mì ɔ́, un tlɛ nɔ kpɔ́n jɛ yětɔn jí lɔ ǎ.

Malacíi 2:13

Nǔ e mi nɔ lɛ́ bló ɔ́ ɖíe: mi nɔ ya avǐ, bɔ ɖasin mitɔn nɔ sa gbɔn vɔ̌sákpe Mawu Mavɔmavɔ tɔn jí. Mi nɔ ya avǐ bó nɔ wɛn azɔn, ɖó Mawu Mavɔmavɔ sɔ́ nɔ́ ké ya nú vɔ̌sánú mitɔn lɛ́ɛ ǎ, é ka sɔ́ nɔ yí nǔ e mi nɔ hɛn wá n'i lɛ́ɛ ɖě ǎ.

Maki 8:23

É ka hɛn nukúntíntɔ́nnɔ ɔ́ sín alɔ, bó kplá ɛ yi gletoxo ɔ́ gúdo; é ɖó atán dó nukún tɔn lɛ́ɛ jí, bó ɖó alɔ jǐ tɔn, lobo kanbyɔ́ ɛ ɖɔ: “A mɔ nǔɖé a?”

Mɛsɛ́dó 13:11

Din ɔ́, ɖǒtó! Aklúnɔ ná dɔn tó nú we; a nǎ va nukún, bó ná gɔn hwesivɔ́ mɔ káká yi jɛ hwe ɖé nu.” Tlóló tɛn tɔn mɛ ɔ́, Elimasi va nukún, bó jɛ avi dlá jí, lobo ɖo mɛ e ná kplá ɛ ɔ́ ba wɛ.

Mɛsɛ́dó 7:36

Mɔyízi énɛ́ wɛ kplá Izlayɛ́li ví lɛ́ɛ tɔ́n sín Ejípu, gbɔn nǔdábaɖa e é ɖe tɔ́n lɛ́ɛ kpódó nǔ e é jlɛ́ ɖo to énɛ́ ɔ́ mɛ, bó jlɛ́ ɖo Xu Vɔvɔ ɔ́ tó, bó jlɛ́ ɖo gbětótló mɛ, káká xɔ xwe kanɖé (40) ɔ́ kpó gbla mɛ.

Mɛsɛ́dó 9:8

Sólu ka wá sí te sín kɔ́ mɛ, bó hun nukún, é ka sɔ́ sixú mɔ nǔ ɖěbǔ ǎ, bɔ yě hɛn alɔ tɔn, bó kplá ɛ byɔ́ Damási.

Galatinu 4:24

Nǔ énɛ́ lɛ́ɛ e è ɖɔ ɔ́, nǔ jlɛ́ dó nǔ wú wɛ. Nyɔ̌nu we énɛ́ lɛ́ɛ ɔ́, akɔjijɛ we wɛ yě nyí. Nyɔ̌nu e ji vǐ kannumɔ lɛ́ɛ ɔ́, Hagáa wɛ, bɔ éyɛ́ sɔ́ akɔ e è jɛ ɖo só Sinayíi tɔn jí ɔ́ sín afɔ ɖó te.

Sɛ́nflínmɛ 29:1

Mɔyízi ylɔ́ Izlayɛ́li togun ɔ́ bǐ bó ɖɔ nú yě ɖɔ: “Mi ɖésú mɔ nǔ e Mawu Mavɔmavɔ bló ɖo Ejípu xá Ejípu xɔ́sú ɔ́ kpó mɛsɛntɔ́ tɔn lɛ́ɛ bǐ kpó, kpó to ɔ́ bǐ kpó ɖo nukún mitɔn mɛ é.

Sɛ́nflínmɛ 29:12

Énɛ́ ɔ́, mi ná húzú togun tɔn, bɔ é ná nyí Mawu mitɔn lě e é kó dó akpá tɔn gbɔn nú tɔ́gbó mitɔn Ablaxámu, Izáki kpó Jakɔ́bu kpó bó xwlé nǔ d'é jí é.

Sɛ́nflínmɛ 29:25

Yě jɛ nǔ ɖěvo lɛ́ɛ sɛn jí, bó jɛ kɔ́ ɖe ná jí. Yě ká tunwun nǔmɛsɛn énɛ́ lɛ́ɛ ɖ'ayǐ ǎ. Mawu Mavɔmavɔ ka ná gbe tɔn yě ǎ.