Eblée 8:7 - MAWUXÓWÉMA

⁷ Ényí akɔjijɛ nukɔntɔn ɔ́ ma ko ɖó blɔ̌ ǎ ɔ́, é sɔ́ ná byɔ́ ɖɔ è nǎ sɔ́ akɔjijɛ wegɔ́ ɔ́ dó ɖyɔ́ ná ǎ.

Eblée 8:7 Iomraidhean Croise

Galatinu 3:21

Sɛ́n ɔ́ gbɛ́ akpá e Mawu dó lɛ́ɛ ɖɔ wɛ è ɖe a? Gbeɖé kpɔ́n. Ényí è dǒ sɛ́n ɖé, bɔ sɛ́n énɛ́ hɛn ɔ́, é ná ná gbɛ jɔ gbɛ gbɛtɔ́ lɛ́ɛ ɔ́, hǔn mɛ bǐ wɛ sixú nyí hwɛjijɔnɔ ɖo Mawu nukɔn, gbɔn sɛ́n ɔ́ gbla mɛ.

Sɛ́nflínmɛ 29:14

É nyí mɛ e ɖo te fí din ɖo Mawu Mavɔmavɔ, Mawu mǐtɔn nukɔn lɛ́ɛ kɛ́ɖɛ́ tɔn wɛ ǎ, lo ɔ́, é lɛ́ nyí vǐ mǐtɔn e è ma ko ji din ǎ lɛ́ɛ lɔ tɔn.

Eblée 7:11

Vɔ̌sánú-xwlémawutɔ́ sín azɔ̌ e Levíi lɛ́ɛ nɔ wa é jí wɛ sɛ́n e è nǎ togun Izlayɛ́li tɔn ɔ́ jínjɔ́n. Lo ɔ́, vɔ̌sánú-xwlémawutɔ́ lɛ́ɛ ɔ́, ényí azɔ̌ e yě wa ɔ́ ko nyɔ́ bɔ nǔ bǐ vɔ ɖ'é wú wɛ ɔ́, é sɔ́ ná byɔ́ ɖɔ vɔ̌sánú-xwlémawutɔ́ alɔkpa ɖěvo ní wá ǎ; é sɔ́ ná byɔ́ ɖɔ vɔ̌sánú-xwlémawutɔ́ e cí Mɛlukisedɛ́ki ɖɔhun, bó ma cí Aalɔ́ɔn ɖɔhun ǎ ɔ́ ní wá ǎ.

Eblée 7:18

Ée nǔ nyí mɔ̌ ɔ́, é gbídí sɛ́n xóxó ɔ́, ɖó sɛ́n énɛ́ ɖó gǎn ɖé ǎ, é ka nyí nǔɖé wa nú ǎ.

Eblée 8:6

Amɔ̌ din ɔ́, azɔ̌ e è zɔ̌n Jezu ɔ́ hú gǎn yětɔn tawun, ɖó é wɛ nyí ɖɛ̌mɛnu nú akɔ e Mawu jɛ xá togun tɔn bɔ é nyɔ́ hú nukɔntɔn é; ɖó akɔjijɛ énɛ́ ɔ́ jínjɔ́n akpá e Mawu dó bɔ é nyɔ́ hú ɖě lɛ́ɛ bǐ lɛ́ɛ é jí.