Eblée 8:6 - MAWUXÓWÉMA

⁶ Amɔ̌ din ɔ́, azɔ̌ e è zɔ̌n Jezu ɔ́ hú gǎn yětɔn tawun, ɖó é wɛ nyí ɖɛ̌mɛnu nú akɔ e Mawu jɛ xá togun tɔn bɔ é nyɔ́ hú nukɔntɔn é; ɖó akɔjijɛ énɛ́ ɔ́ jínjɔ́n akpá e Mawu dó bɔ é nyɔ́ hú ɖě lɛ́ɛ bǐ lɛ́ɛ é jí.

Eblée 8:6 Iomraidhean Croise

Jelemíi 50:5

Yě ná kan ali e yě ná gbɔn bó lɛ́ kɔ yi Sinyɔ́ɔ byɔ́, bó ná wlí ali ɔ́ tunta dɔ̌n, ma zɛ dó ɖisí ma zɛ dó amyɔ; yě ná ɖɔ: mi wá mǐ ní zunfán Mawu Mavɔmavɔ, Mawu mǐtɔn; mi jɛ akɔ e è ma ná wɔn gbeɖé ǎ ɔ́ xá ɛ.

Luki 22:20

Ée yě ɖu nǔ gúdo ɔ́, é sɔ́ vɛ̌ɛn kɔ́fu ɔ́ lɔmɔ̌ nú yě, bó ɖɔ: “Vɛ̌ɛn élɔ́ ɔ́, hun ce wɛ; hun ce e Mawu dó sɔ́ akɔjijɛ yɔ̌yɔ́ ɔ́ sín afɔ ɖó te ná ɔ́ wɛ; é wɛ kɔn nyi ayǐ dó ta mitɔn mɛ.]

Hlɔ̌manu 9:4

Yě wɛ nyí Izlayɛ́li ví lɛ́ɛ. Mawu sɔ́ yě dó ɖó vǐ; é ná kpɔ́nɔxámɛ tɔn susunɔ ɔ́ yě; é jɛ akɔ xá yě; é ná sɛ́n yě, é ɖɔ lě e è nǎ sɛn ɛ gbɔn ɔ́ nú yě; é dó akpá tɔn lɛ́ɛ nú yě.

Efɛ́zinu 2:12

Hwenɛ́nu ɔ́, zɔ wɛ mi ɖe nú Klísu; jǒnɔ wɛ mi nyí nú togun Izlayɛ́li tɔn, bó ɖo togun énɛ́ e Mawu sɔ́ é mɛ ǎ. Akpá e Mawu dó nú togun tɔn, bó dó nu alɛ xá ɛ ɔ́, midɛɛ lɛ́ɛ ɖ'é mɛ ǎ. Mi tunwun Mawu ǎ; mi ka ɖo nukún ɖó nǔɖé wɛ ǎ; mi ɖo gbɛ ɔ́ mɛ kpowun.

1 Timɔtée 2:5

Đó Mawu ɖokpó géé wɛ tíin; ɖɛ̌mɛnu ɖokpó géé wɛ tíin ɖo Mawu kpódó gbɛtɔ́ lɛ́ɛ kpán tɛ́ntin. Đɛ̌mɛnu ɔ́ wɛ nyí Klísu Jezu e nyí gbɛtɔ́ é.

Titu 1:2

bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Eblée 7:22

Énɛ́ ɔ́ wú ɔ́, Jezu lɔ nyí akɔjijɛ e nyɔ́ hú akɔjijɛ nukɔntɔn ɔ́ sín gǎnjɛwú nú mǐ.

2 Piyɛ́ɛ 1:4

Mɔ̌ wɛ é dó akpá ɖaxó ɖaxó e xɔ akwɛ́ lɛ́ɛ nú mǐ gbɔn; énɛ́ ɔ́, nú mi mɔ nǔ e sín akpá e é dó lɛ́ɛ yí ɔ́, mi ná sixú gló jlǒ e nɔ hɛn nǔ gblé bo ɖo axɔ́sú ɖu wɛ ɖo gbɛmɛ fí é, bó ná ɖó mǐmá ɖo ninɔmɛ Mawu tɔn mɛ.