Eblée 8:4 - MAWUXÓWÉMA

⁴ Nú ayǐkúngban jí wɛ é ko ɖe ɔ́, é tlɛ ná nyí vɔ̌sánú-xwlémawutɔ́ ǎ, ɖó vɔ̌sánú-xwlémawutɔ́ lɛ́ɛ ɖe, bó nɔ xwlé nǔníná lɛ́ɛ Mawu, lě e Jwifu lɛ́ɛ sín sɛ́n zɔ́n gbɔn é.

Eblée 8:4 Iomraidhean Croise

Kɛ́nsísɔ́ 18:5

Midɛɛ lɛ́ɛ ká ná nɔ́ wa azɔ̌ e nyí azɔ̌ mitɔn ɔ́ ɖo tɛn mímɛ́ ɔ́ mɛ, bó ná nɔ́ wa ɖo vɔ̌sákpe ɔ́ kɔn, bónú Mawu Mavɔmavɔ ní má sɔ́ sin xomɛ ɖě dó Izlayɛ́li ví lɛ́ɛ ó.

Eblée 10:11

Vɔ̌sánú-xwlémawutɔ́ ɖé fɔ́n ɔ́, é nɔ ɖo azɔ̌ tɔn wa wɛ; é nɔ ɖo vɔ̌ ɖokpó ɔ́ sá wɛ hwɛhwɛ, có vɔ̌sísá énɛ́ lɛ́ɛ nɔ sixú súnsún hwɛ mɛtɔn lɛ́ɛ síin gbeɖé ǎ.

Eblée 11:4

Nǔɖiɖi e Abɛ́li ɖó ɔ́ wɛ zɔ́n bɔ é sá vɔ̌ e nyɔ́ hú Kanyɛ́ɛ tɔn é nú Mawu. Nǔɖiɖi ɔ́ wɛ zɔ́n bɔ Mawu sɔ́ ɛ dó mɔ hwɛjijɔnɔ ná, ɖó Mawu ɖe kúnnu ɖagbe ɖɔ nǔ e é xwlé émí lɛ́ɛ nyɔ́. Abɛ́li ko kú cóbɔ nǔ e é wa ɔ́ ka kpo ɖo xó ɖɔ wɛ gbɔn nǔɖiɖi e é ɖó ɔ́ gbla mɛ.

Eblée 5:1

Vɔ̌sánú-xwlémawutɔ́ ɖaxó ɖěbǔ ɔ́, gbɛtɔ́ lɛ́ɛ mɛ wɛ è nɔ sɔ́ ɖe; è ɖe e nú é ná wa azɔ̌ nú Mawu nú ɖagbe yětɔn. É nɔ sɔ́ nǔníná lɛ́ɛ kpó vɔ̌sánú lɛ́ɛ kpó xwlé Mawu ɖó hwɛ e gbɛtɔ́ lɛ́ɛ hu lɛ́ɛ tamɛ.

Eblée 7:27

É cí vɔ̌sánú-xwlémawutɔ́ ɖaxó ɖě lɛ́ɛ ɖɔhun ǎ: yědɛɛ lɛ́ɛ ɔ́, ayǐhɔ́ngbe ayǐhɔ́ngbe ɔ́, yě nɔ to sá vɔ̌ dó hwɛ e yě ɖésúnɔ hu lɛ́ɛ tamɛ hwɛ̌, có bó nɔ́ wá sá vɔ̌ dó hwɛ e togun ɔ́ hu lɛ́ɛ tamɛ; Jezu ka bló gbɔn mɔ̌ ǎ. Azɔn ɖokpó géé wɛ é sá vɔ̌ hwenu e é sɔ́ éɖée jó é, bɔ xó fó.

Eblée 8:3

Vɔ̌sánú-xwlémawutɔ́ ɖaxó ɖěbǔ ɔ́, è nɔ sɔ́ ɛ nú é ná xwlé nǔníná kpó vɔ̌sánú kpó Mawu. Hǔn é ɖo dandan mɛ ɖɔ vɔ̌sánú-xwlémawutɔ́ ɖaxó mǐ lɔ tɔn ní ɖó nǔɖé bó ná xwlé Mawu.

Eblée 9:9

Nǔ énɛ́ ɔ́, xlɛ́ ɖé wɛ é nyí, bó ɖo xó ɖɔ dó hwenu e mǐ ɖe din ɔ́ wú wɛ. Nǔ énɛ́ ɔ́ ɖo tíntín mɛ wɛ ɖɔ nǔ e è nɔ ná Mawu lɛ́ɛ kpó vɔ̌ e è nɔ sɔ́ kanlin dó sá n'i ɔ́ kpó kún sixú bló bónú mɛ e ɖo Mawu sɛn gbɔn mɔ̌ wɛ ɔ́ sín ayi ní mɛ́, bónú nǔ vɔ ɖ'é wú ó.